بسـم الله الرحمـٰن الرحـيم♥.
قمـة الجهـل من قال
"فـي نهايـة الحـرب سـلام"
🔵بقلمـي||قُـربان أحمـد🦅.
آنجـذام
(معنى انقطاع)
لاتنسـون التصـويت🫀.
~~~~~~~~~~~~~~~~~~~~~~~
آرام
فتح الباب جسام ونزل اشرلي ابقه، هزيت راسي
برفض ونزلت وراا
جانو مامنتبهين النه لان جاي يسولفون رفع
راسه الولد واتوقف من الكلام ضل صافن علينه
ولزم ايدهه بخوف
باوعت باتجاهنه وهي عاقده حواجبهه الي
سرعان ماانفتحت عقدتهم من الصدمه
تقدم جسام بهدوء واني امشي وراا
اباوع عليهه ضمت نفسهه ورا الولد ولازمه ايده
بقوه
توقف جسام بعد مسافه قصيره بينه وبينهم
اردف بهدوء
: - لاتخافين ماجاي اخرب حياتج بس اجيت
علمود آرام لان باقي بنفسهه تشوفج
جان يحجي ويأشر علي
التفتت علي هي وصفنت بوجهي ثواني وعافت ايد
الولد تقربت علي وعيونه مدمعه
اردفت بهذيان
: - جسام هاي بنتي موو؟؟؟
رد عليهه بنفس هدوئه
: - اي الي عفتيهه وهي بعدهي طفل انفاس
نزلت ادموعهه ووجهت الحجي الي
: - ماردت اعوفج والله احبج الله شاهد مانسيتج
بيوم كل فكري بيج
جنت مصدومه بمنظرهه من جهه ومن جهه ماا
اعرف شنو شعوري بس حسيت راح اوگع من التوتر
لزمت ايد جسام واردفت بدون وعي
: - بابا خل نرجعع
مارد علي لان جان صافن عليهه حتى ماجان منتبه
الكلامي
لزمت ايده بقوه من شفته تقربت علي واردفت بهمس
الجسام
: - بابا خل انروح فدوه
سحب ايده مني وراح باتجاه السياره وحده يمشي
بضياع
حسيت عليهه حضنتني انداريت الهه دفعتهه بقوه
ومشيت بسرعه باتجاه السياره وهي تركض وراي
وصوت الكعب مالهه ايطگ بالگاع
طبگت الباب بقوه وهي وگفت كدام السياره ماتقبل نتحرك
فرر جسام السياره وطلع من الجهه الثانيه بسرعه
اباوع على ايدي ترجف التفتت الجسام جان بحاله
اول مره اشوفه هيج بس شفايفه تتحرك ودموعه تنزل مااعرف شنو يحجي وي نفسه
نزلت راسي ودموعي نزلت جنت اريد اخذ القوه منه
وهو محتاج اصلا واحد ينطي حيل
رجعنه للفندق وهو گعد على الكرسي قريب على
الشباك وخلصهه يشرب جكاير ويبجي جان
بوضع هستيري واني مااعرف شنو اتصرف بس
اباوع علي وابجي بهدوء
YOU ARE READING
أنجـذام"باللهجة العراقية"
Mystery / Thriller🔵بقلمـي ||قُـربان أحمـد. حيـن تنعـدم الحياة وتنقطـع سبـل النجـاة ترتطـم الأفكار في رأسـك وترتـفع الأنفاس في جسـدك لتسيـر وسط الدجى قاطعـاً رحمتك لكن هل انقطاع الرحمـة أمراً صائب!؟ آنجـذام🦋.
