ချစ်ကြိုးရှုပ်
Part - 9
စည်းချက်ကင်း အိပ်ပျော်နေရာမှ ထထိုင်လိုက်သည်နှင့် စစ်ခနဲ ထိုးကိုက်သွားသည့် ခေါင်းကြောင့် လူက မဲ့ရှူံ့သွားရသည်။ ညက သူ အတော်လေး မူးသွားပုံရသည်။ ရေချိုးခန်းထဲဝင်လာကာ ရေမိုးချိုးရင်း ပြန်သတိရလာသည့် အဖြစ်အပျက်တို့ကြောင့် လူက ဟိုက်ခနဲ။
" ဟာ....။ "
ခေါင်းတွေထူပူကာ မျက်နှာတွေပါ နီရဲတက်လာပေမယ့် နှုတ်ခမ်းကတော့ ပြုံးမိသည်။ ကမန်းကတန်း ရေအမြန်ချိုးကာ အဝတ်အစားလဲပြီးသည်နှင့် အခန်းထဲမှ ထွက်ကာ သူမလေးကို အသဲအသန်လိုက်ရှာမိသည်။
" မေမေ.....မေမေ့ သျှင်မင်းရော။ "
ဒေါ်ပိုးမျှင် မနက်မိုးလင်းတာနဲ့ သျှင်မင်းလေးကို ပြူးပြဲလိုက်ရှာနေသည့် သားဖြစ်သူကြောင့် သဘောကျစွာ ပြုံးမိသွားသည်။ ဟိုကဖြင့် ပြန်သွားလို့ သူ့အိမ်ရောက်ရောပေါ့။
" သမီးလေးက အိမ်ပြန်သွားပြီလေ။ မနက်စာတောင် မစားသွားဘူး။ "
စည်းချက်ကင်း ရင်ထဲ ထိတ်ခနဲ ဖြစ်သွားရင်းမှ သူမလေးများ သူ့ကို စိတ်ဆိုးသွားမလားဟု တွေးပူမိသွားရသည်။ ချစ်သူတွေဖြစ်ပေမယ့် အခုက သူလွန်မိခြင်း မဟုတ်လား။
" ကျွန်တော် သျှင်မင်းဆီရောက်မှပဲ မနက်စာစားတော့မယ်။ "
ပြောရင်း သုတ်ခနဲ အိမ်ထဲမှထွက်ကာ ကားမောင်းသွားတာများ စည်းချက်ကင်းတို့ မြန်လိုက်သည့် ဖြစ်ခြင်း။ အူမြူးခြင်းတစ်ဝက် ရင်ပူခြင်း တစ်ဝက်ဖြင့် လူက နေမထိ ထိုင်မသာဖြစ်နေရသည်။
သျှင်မင်း ဖေဖေ့ကို ခွင့်တောင်းပြီးတာနှင့် အိမ်ထဲမှ ထွက်လာကာ နှင်းရည်ကားပေါ်တက်လာခဲ့သည်။ ဒီနေ့ နှင်းရည်မွေးနေ့မို့ သူမ နှင့် တစ်နေကုန် နေပေးရမည် မုန့်လုပ်စားရမည်ပြောလာသဖြင့် ငြင်းဆန်နိုင်စရာမရှိပဲ ပါလာရခြင်းပင်။
အခုလဲ နှင်းရည်အိမ်ပဲ သွားရန်ထင်ပေမယ့် ဘာတွေ အဆန်းထွင်မှန်းမသိ မှော်ဘီက အိမ် သွားလည်မည်တဲ့လေ။
--------------------------
ကားပေါ်မှ ဆင်းလိုက်သည်နှင့် ပြင်ဆင်နေကြသည့် လူတွေကို ကြည့်ပြီး သျှင်မင်း အံ့သြသွားရကာ နှင်းရည်ကို လှမ်းကြည့်မိသည်။ သျှင်မင်းတို့အခန်းထဲမှ ကောင်လေးတွေရော ပါနေသည် မဟုတ်လား။
YOU ARE READING
ချစ်ကြိုးရှုပ် ( Complete)
Romanceအချစ်ဆိုတာ လှည့်ဖျားမှုတွေကို အရင်းခံသောနာကျင်မှုပြယုဂ်ဆိုလျှင် အဘယ်သို့သောသူတွေက ငြင်းချက်ထုတ်လာကြမည်နည်း။ အချစ်ကြောင့် အမြဲပျော်ရွှင်နေရသည့် နာကျင်မှုကင်းသောလူတွေလား။ အလူးအလိမ့်ခံစားရသည်ကိုပင် မျက်ကွယ်ပြုကာ ပေးဆပ်သူကြီးဟု ခံယူထားကြသည့် အရှုံးသမား...
