🖤 ချစ်ကြိုးရှုပ် ➿
Part - 14
လေးနှစ်ကြာပြီးနောက်....
မိုးတစ်ည Laguage ကို ဆွဲကာ အိမ်နံပါတ်တွေကို လိုက်ကြည့်ရင်း လာမကြိုသည့် သူငယ်ဖြစ်သူကို မေတ္တာပို့မိသွားရသည်။ ကိုရီးယားကို ပထမဆုံးရောက်ဖူးတာ မဟုတ်၍သာ တော်တော့သည် မဟုတ်လျှင် သူ ဒုက္ခ။
အိတ်ကပ်ထဲ လိပ်စာ စာရွက်ကို ပြန်ထည့်လိုက်ရင်း အိမ်တွေ့ပြီမို့ ဝမ်းသာအားရ ဖြစ်သွားရသည်။ လူခေါ်ဘဲလ်ကို နှိပ်လိုက်ရင်း သူ့အမည်ပြောလိုက်တော့ ပွင့်လာသည့် တံခါးကြောင့် Laguage ကိုဆွဲကာ အထဲဝင်လာခဲ့၏။
ပန်းပင်အချို့စိုက်ထားသည့် ခြံလေးက Decoration အတော်လှသည်ဟု ပြောရမလိုပင်။ အိမ်တံခါးမကြီး ပွင့်လာကာ ပြေးထွက်လာသည့် ဥာဏ်လင်းက သူ့ကို ဝမ်းသာအားရ လာဖက်ရင်း....
" မိုးတစ်ည......ဟားးး ငါ့ကောင်ကြီး ရောက်လာပြီ။ "
" ဖယ်စမ်းပါကွာ....."
Dr.ဥာဏ်လင်း သူငယ်ချင်း ဖြစ်သူ မိုးတစ်ညကို ကြည့်ရင်းမှ ပြုံးစိစိ ဖြစ်သွားရသည်။ ကိုရီးယားမှာလုပ်သည့် ဆေးပညာဆိုင်ရာ ဆွေးနွေးပွဲကို နိုင်ငံခြောက်နိုင်ငံ ပေါင်းစည်း ကျင်းပသည့်ပွဲအား မြန်မာနိုင်ငံကိုယ်စားပြု စိတ်ပညာပါမောက္ခအဖြစ် ဆွေးနွေးရန် ရောက်လာခြင်းပင်။
အသက်နှစ်ဆယ့်ရှစ်အရွယ်ရောက်နေပေမယ့် ကြာနွယ်နှင့် လမ်းခွဲပြီးထဲက ချစ်သူရည်းစား ထပ်ထားဖို့ မပြောနှင့် သူ့လူနာတွေနဲ့ပင် အချိန်ကုန်ကာ ဘွဲ့တွေပဲ လှိမ့်ယူနေသည်။
" အိမ်ထဲဝင်ကြမယ်ကွာ......လာ။ "
မိုးတစ်ည Laguage ကို ဆွဲယူကာ အိမ်ထဲအရှေ့က ဝင်သွားသည့် ဥာဏ်လင်းနောက်ကနေ လိုက်လာခဲ့သည်။ ဥာဏ်လင်းအမေ နဲ့ ညီမကို နှုတ်ဆက်ရင်းမှ သူ့အတွက် ပြင်ဆင်ပေးထားသည့် အခန်းထဲ အနားယူရန် ဝင်လာခဲ့သည်။
" နားလိုက်ဦးကွာ......ညစာ စားခါနီး လာခေါ်မယ်။"
သျှင်မင်း အိမ်ထဲ ဝင်လာရင်းမှ ကိုဥာဏ်လင်းကို တွေ့လိုက်ရသဖြင့် အံ့သြသွားရသည်။
" အစ်ကို ဆေးရုံမသွားဘူးလား။ "
" သျှင်မင်းတောင် ကျောင်းက ပြန်လာပြီလား။ ဒီနေ့ ဆေးရုံမသွားဘူး ညီမ။ မြန်မာက အစ်ကို့သူငယ်ချင်း ရောက်နေတယ်လေ။ "
YOU ARE READING
ချစ်ကြိုးရှုပ် ( Complete)
Romanceအချစ်ဆိုတာ လှည့်ဖျားမှုတွေကို အရင်းခံသောနာကျင်မှုပြယုဂ်ဆိုလျှင် အဘယ်သို့သောသူတွေက ငြင်းချက်ထုတ်လာကြမည်နည်း။ အချစ်ကြောင့် အမြဲပျော်ရွှင်နေရသည့် နာကျင်မှုကင်းသောလူတွေလား။ အလူးအလိမ့်ခံစားရသည်ကိုပင် မျက်ကွယ်ပြုကာ ပေးဆပ်သူကြီးဟု ခံယူထားကြသည့် အရှုံးသမား...
