نَاب الأفعُوان

الحَلقة لأولى 🪝

#نَاب_الأفعُوان
الكاتِبة راعـوث الأسـد

الحَلقة لأولى 🪝

- حقيقيـَة عُراقـية
Wattpad:-Ruth_Jewels5
Instagram:-Ruth_Jewels5

..

هَذهِ هيَّ روايتنا لليـوم "نَاب الأفعُوان "
سيصدقها السَليم ،ويُكذبها الزاهٍ المريض
أن كُنت مُستعد للقراءة أكتب تاريخ بدايتك فِي روايتنُنا

البدَايــة...
"قَد دَقت عَقارب السَاعة لِتعلنُ عَن البدَايَة"

_ الأفعـى

نزلت قُطرة على أيدي رفعت راسي أضحك وأردد بداخلي "راح تمطر" بعد كلماتي نزل المطر بقوى كـ أنُ الغيوم تبچي على حَالي ، ركضت بوسط الحديقة رافعة أيدي أبچي ودموعي تختلط ويَ قطرات المطر

هدوء مُخيف أصوات الرعيد يقشعر جسمي هوى بارد يكص كص ، ملابسي خفيفة تطير ويَ الهوى حركت الأشجار وأصواتهن مُخيف ، شعور حلو أول مرة أحس بي ، أحس روحي جاي تطير بَس اخ شلون تطير وأني بركبتي ذنب يهد  الحيل

مناجل :- بارده والمطر قوي لا يصير بيج شي 

أستدرتُ على صوتهَا أنفض ثوبي واردد بداخلي "شنو يصير بعد الصَار"

أتقربت ساحبتني مدخلتني للبيت ، أخذت منشفة أنشف شعري مِن الـ مي ، دخلت والأرض ويَ خطواتي تتبلل ، فزيت على صوت خالي يصيح :- طلعي الأرض كلها مي صارت هسة واحد يتكسر من وراچ

طلعت ركض وقبل لا أوكع على ظهري سحبتني مناجل مدخلتني للحمام بيدها ملابسي أخذتهم منها أرجف وسن يرتطم بسن ، سبحت بـ مي دافي يقشعر

طلعت مِن الحمام ومناجل منتظرتني ، دخلت وياها للغرفة والبنات گاعدين على الصوبة ولافين نفسهم ببطانية وگدامهن حَب وببسي وأجباس  والغُرفة شُبه دافية ، ركضت دخلت وياهن ولفيت نفسي ومناجل ويانا :- الگعدة بيها حنية

ضربت غُبَاب ظهري تمسح عليّ :- مو بحنيتچ علينَة أنتِ ومناجل

Flash Back (فلاش باك)

طلعت مِن الغرفة وره البنات علمود نتغده ، نزلت أسمع صوت صياح مكتوم ، شفت مناجل واگفة وراها غُبَاب ومُهِيرة وتدفع خالي إلي يريد يضربهم  ،فرفحت روحي مِن شفت أبن خالي سحب شال مناجل من راسها خلاها تشيل روحها وتركعها بالأرض مفرفحة ركضت ساحبة شالها مخليتة على راسها

التفتت وقبل لا أصيح خالي ضربني كف  فرفحت روحي مِن الوجع ، أصواتهم أخذت روحي مناجل أتخبلت تسحبني تخليني وره ظهرها بسبب أبن خالي إلي يريد يفترسني  ، دفعت أبن خالي ضاربـتة كف زلزل وكفتة خليتة يتخبل يريد يكضبني حتَى يقتلني

سحبتي مُهِيرة مِن أيده تدفعني للدرج تريد تصعدني للغرفة هيَ وغُبَاب ، ما لحكت أدفعهم إلى وخالي ضاربني كف ثاني يفشر عليَا ويطعن شرف أهلي ، سحبتني مناجل دافعة خالي تصعدني للغرفة دفعتهم أصيح بغضب :- لا عبالك خالي وأحترمك ترى واللّٰه أدوس عليكم طايحين الحظ مابيكم واحد زلمة كلكم ذكور أتعلموا الرجولة وتعالوا أحچو ، أهلي تاچ راسك وراس  أكبر واحد بيكم يا ذكور