Unicode...
လူတွေရဲ့အော်ဟစ်အားပေးမှုတွေကြား အပြာရောင်ပြိုင်ကားလေးသည် အရှိန်ပြင်းပြင်းဖြင့်မောင်းနှင်နေလေသည်။အကွေ့အကောက်များကိုသပ်ရပ်လှပစွာမောင်းနှင်ပြီး အခြားပြိုင်ကားတစ်စီးကို သာသာယာယာပဲကျော်တက်ကာ အားလုံး၏ရှေ့တွင်အသာစီးဖြင့်ဦးဆောင်မောင်းနှင်နေလေသည်။
အရှိန်ထပ်တင်ရန်အတွက် လီဗာအားဖိနင်းကာ ကြော့ကြော့မော့မော့ပင်ပန်းဝင်ခဲ့လေသည်။
ထိုသို့အနိုင်ရခြင်းအတူ အားပေးကြသူများ၏အသံများကညံလာလေတော့သည်။
" ေဟး......မဟာ!"
"မဟာ..မဟာ!!"
"မဟာ!!"
ထိုအသံများကြောင့် အောင်နိုင်သူအပြုံးနှင့် ကားပေါ်မှခန့်ခန့်ညားညားဆင်းလာလေသည်။
နောက်သို့လှန်တင်ကာစီးထားသော သူ့ရဲ့ဆံပင်များအားဖြည်ချကာ သပ်သပ်ရပ်ရပ်ပဲသူနားရမည့်နေရာသို့သွားလိုက်သည်။
ထိုသူ၏အမည်မှာကား "မဟာကုဋေ" ပင်။
မြန်မာနိုင်ငံရဲ့အောင်မြင်ကျော်ကြားနေသည့် မဟာကုမ္ပဏီ၏ အငယ်ဆုံးသားပင်ဖြစ်သည်။
"ဟေး..မဟာ"
သူနှင့်အတူ အနောက်မှပါလာသောသူမှ ခေါ်လာခြင်းဖြစ်သည်။
"အင်း ဇေယျ မင်းငါ့ကိုရှုံးသွားပြီနော်"
"ဟဟ အေးပါကွာ။မင်းကိုစိန်ခေါ်မိတဲ့ငါကကိုကမှားတာပါ။ပြောထားတဲ့အတိုင်း တစ်ဝိုင်းကွာ"
ထိုသို့ပြောကာ သူ့ဘေးခုံတွင်ဝင်ထိုင်လာသောဇေယျအား တစ်ချက်ပြုံးကြည့်ကာပြောလိုက်သည်။
"ဒီလောကမှာ ငါ့ကိုနိုင်မဲ့သူမမွေးသေးဘူး"
ဘေးနားရှိမဟာ့စကားကြောင့် ဇေယျလည်းအောင့်သက်သက်နှင့်ငြိမ်ခံနေလိုက်ရသည်။
ဟုတ်တော့လည်းဟုတ်သည်။ကားမောင်းယှဥ်ပြိုင်သည့်နေရာတွင် မဟာ့အားနိုင်ဖူးသည့်လူဟူ၍တစ်ယောက်မျှမရှိပေ။နိုင်ငံခြားမှာကျောင်းသွားတက်လို့ သူ့ရဲ့ပညာတွေလျော့သွားပြီထင်နေတာ။ဒါ့ကြောင့် သူပြန်ရောက်တော့တစ်ပွဲတစ်လမ်းပြိုင်ရအောင်ဆိုပြီး စိန်ခေါ်လိုက်တာ။ဒါပေမဲ့ ဒီကောင့်ရဲ့အစွမ်းကတော့ နဂိုအတိုင်းပင်။
VOCÊ ESTÁ LENDO
𝔸𝔾𝔸𝕀ℕ
Açãoကံကြမ္မာကိုသာတစ်ဖန်ပြန်ပြောင်းခွင့်ရှိရင် မင်းနဲ့အတူကောင်းမွန်သောအမှတ်တရတွေကိုပဲ ဖန်တီးချင်မိတယ်...
