وقار الغريب

🦅_2_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram: hawraalsaidi

<_________________________>

إن قيلَ إنكِ ياحّواءَ نَاقصةٌ
فاللهُ أكبرُ من أن يخلفَ النّقصا
يابِدعةَ الخلقِ.. ياعَين الكمالِ أما
ترينَ أنكِ من إبداعهِ الأقصىٰ .

. وَهج .

صفنه اثنينه من شفنه ابوي واگع بحضن عيسى ومنتهي
وشذى تضرب علىٰ وجها وتبچي حاربت نفسي من انزل
ولا أتقرب الهم بس ما گدرت نزلت اركض ناحيتهم وصلت
اله چان يجر النفس بصعوبة وجهه متعرق وعيسى يرجف
رجيف علىٰ حالته ، حركت ايدي اتقربله اريد الزمه اتراجعت
دفعتني صفا الي الخوف اتملك ملامحها بينما اني دخلت بحالة تناقض
صفا : شبيه..؟! ليششش هيچ حالته
وَهج : مـ مستشفى ، أخذوا للمستشفى
مادري شلون طلعت هالكلمات من عندي واني مابداخلي غير الكره اتجاهه .

رفعه عيسى من الأرض وطلع يركض بي صعدت صفا تلبس
حجابها تركض ونزلت طلعت وراهم صفيت وحدي بالبيت
نظرت عيوني حول المكان باجي نادية وين..؟! شنو ماحست
علىٰ كل الي صار ، سحبت نفس اتمالك نفسي بي وصرت ادورها
بكل مكان بالبيت سئلت المساعدة گالت ماتعرف وين
صعدت الغرفة سَند اكيد عنده وماگدرت اتركه لأن يخاف من الأصوات العالية .

فتحت باب غرفته ضلمه شغلت الضوء وعيوني تتفحص
المكان أيضاً ماچانت موجودة وينهاا..؟! رجعت نزلت ادورها
طلعت للخارج بس مامعقولة تكون گاعدة هنا وهم طلعوا گدامها وماشافتهم
فتحت الباب الخارجي سئلت الحراس إذا چانت طالعة .
وچان جوابهم الي ، لا ماشوفها ولا لمحوها طالعة رجعت
دايخه بزماني اني احبها من وعيت للدنيا هيَّ گدام عيوني شفتها
بس هالمرة حيل غامضة عقلي بعض الأحيان يصعب يفسر تصرفاتها .

وما بقى عندي حل غير غرفة الكاميرات دخلت الها
باوعت بالاماكن الموجودة بيها كاميرات ماكو رجعت طلعت
دخلت الغرفتها فارغة اجيت اطلع أستوقفني فتح خزانتها
المفتوحة والملابس الواگعة بإهمال سديت الباب واتقربت الها
يمكن تصرفي غلط الي هوَ أتقرب لأشياء غيري بس بعض
الأحيان اكو شغلات تجبرنه نسوي هيچ اشياء وگفت باب الخزانة .