وقار الغريب

🦅_4_

﷽

وقَار_الغريب
. حوراء السعيدي

التصويت قبل القراءة+ رأيكم بين الفقرات
+ مُتابعة لـ حسابي hawraalsaidi

قناة التلگرام 📌 Harahir

حسابي الانستا 📌
Instagram hawraalsaidi

ملاحظة : قلبي الي اشوف سردي وقصصي مو اجوائه يطلع منها وبمكان مايروح يتكلم عني ويسقط انُ سردي مو شي ويگعد يقارن ببعض الكاتبات يحذف الرواية وأهلاً وسهلاً كل كاتبة الها نمطها وسردها الخاص وبصمتها وماكو انسان بدأ بداية مثالية كل شخص مع الوقت طور نفسه للأفضل + واتمنى عدم ذكر شخصيات غير قصص لطفاً .

<_______________________>

سوف تموت عدة مرات لكي تعيش
في النهاية الموتات الصغيرة
التي تحدث اثناء يومك هي مَن ستصنع
منك إنساناً قوياً
فلا أحد يتعلم من الاوقات التي كان
فيها فرحاًأو كان فيها مستتباً
وهادئاً نحن فقط نتعلم من تلك الايام
التي نصحو فيها على حرب .

. وَهج .

رَمى الكلام وانطانه ظهره ، بالنسبة الي چان الخبر
صاعقة اتقربت اله وكلي فضول بسؤالي وصفا مثل حالتي
وَهج : نرجع..؟! ليش
جاوبني وهوَ منطيني ظهره وعيونه بجهازه
عيسى : جدي مسوي حادث ويمكن ما يطول هسه عمي هادي
خابرنه وطلب من ابوي يجي ، وابوچ متخبل علىٰ أبوه
صفا : اي وماترحون انتوا ليش احنا لازم نروح
خزرتها تسكت هذهِ فرصتي اروح هناك بعد ماجانوا مانعينه لسنين

عيسى : صفا اله أنتِ لاااا تحچين شي اكرره حتىٰ صوتچ
صفا : اي وشنو..؟! وإذا كرهته قابل راح ينگطع عني الأوكسجين لو الـ مي
دار عليها يريد يهجم حطيتها ورايَّ
وَهج : شبيكم هسسسه وگتهااا

رفع ايده يأشرلها بتوعد بمعنى اني اعلمچ وراح درت عليها
_ والله راح تخبليني صفا لچ اتجاهلي الله انعم علينه بالتجاهل ليشش ماتستخدمي
_ مايريح الگلب صراحتًا
_ تعاي ورايَّ نفهم شكو وشنو هل السفر المفاجئ وشلون اسافر واني عندي قضية محكمه
دخلنا للمكان الكاعدين بي وأبوي شكله قلق وعيونه علىٰ التليفون

وَهج : شلون اروح وياكم وعندي حضانة ابني..؟!
صاح عيسى بانزعاج وكاش وجهه
عيسى : انطييي الابوه ووخلصينه
_ باليوم الي ينذب علىٰ قبري التراب ذيچ الساعة انطوا الابوه
ضلينه نتشاحن بالنظرات ، ينهوني من يگلولي انطي الـ بشار
ابني هذا محد غيري تعب بي جرعت المُر بس علمود أحافظ عليّ
شلون الهم الجرأة يگلولي بكل برود انطي ويحرموني منه