عروس بديله"بنات الساده"

البارت الثاني

#عروس_بديله

بقلم الكاتبه: فاطمه الموسوي

البارت الثاني

صلوا على من بعث رحمةً
للعالمين نبينا محمد (ﷺ)‎ ༘🧡.

لا تنسون التصويت ✨
ʚʚʚʚʚʚʚɞɞɞɞɞɞɞ꧂
وَلَمَحتُها بينَ النساءِ كأنَّها
بدرٌ منيرٌ والنساءُ نُجومُ

أُبدي صُدُوداً إن مَرَرَتُ بِجَنبِها
لكنَّ ناراً في الفؤادِ تهيمُ

-إبراهيم محمد الراوي
.
.
.
.
_________

صادق: يمه انه اريد اتزوج

أمي: أيي يمه ساعه المباركه انه ادورلك زينه البنات

صادق: لا انه احب وحده واريدج اتخطبيهه الي

امي: صار افاتح ابوك وانشوف شيگول

صادق: أن شاء الله خير

عفتهم يحجون ورحت اغير ملابسي اشوف شنو مسوين غده

اتغدينه وخلصنه ومرت اخوي الجبير راحت تغسل المواعين

اتعده الوقت وانه گمت اسوي عشه

اتعشو وخلصو وامي حاجت ابوي بموضوع صادق جنه بس انه وامي وابوي گاعدين الولد كلهم طالعين

أبوي: عادي ماكو مشكله شوفولكم يوم وروحو شوفو اللبنيه

أمي: بهاي اليومين نروح

أبوي: بكيفكم بعد ضلت السالفه يمكم

رحنه نمنه مشت الايام واجه اليوم الي نروح بي البيت لبنيه رحت احضر نفسي لبست بينصل ماروني وبشت اسود مفتوح وشال اسود وكعب اسود
ركبت بالسيارة ومشت بينه للبيت
وصلنه وستقبلونه بالصاله
وكعدن يسولفن ع اوضاع العراق
لكول مجايين نخطب جاييين نسولف غير يبداً بالموضوع الاساسي
خلصن سوالف وحجت امي

أمي: احنهه جايين نخطب بتكم مريم الأبني صادق

_ هله بيكم بس بل اول انشوف رأي ابوهه واخوانهه

أمي: أي هاذ من حقكم شوفوهم وردولنه خبر وشوفو راي اللبنيه هم

وجان احجي ومجنت ادري هاي الحجايه راح ادفعني الثمن غالي..!

رهف: ماكو داعي ايشوفون رأيهه هيه موافقه لأن صارلهم4 اسنين واحد يحب الثاني

وجان امي ومرت عمي يخزرني وانه ضليت ابلعم

رهف: هه جنت اشاقه

أمي: يلهه احنه لازم انروح شوفو ابوهه شيگول وردولنه خبر

طلعنه من بيتهم وأمي الطريق كلهه اترزل بيه لأن جفصت

رجعنه للبيت فرحانين وأخيرا راح ايصير عدنه عرس

بقينه بس ننتظر ايردولنه خبر

تعدت الايام وحنه ع احر من الجمر

تعده اليوم الاول والثاني واجه اليوم الثالث
جنت راجعه من المدرسه لكيت يم بابنه مجموعه سيارات
اني وكاميلا وحده باوعت للثانيه

كاميلا: منو جاي النه

رهف: الله اعلممم' لجج باعيي السيارااتتتت تشقق شققق

كاميلا: امشي امشي حارهههه ياسيارات
دخلنه للبيت هوسه وصياح وامي صايره صفرهه
ركضت عليها

رهف: شكو شصاير شبيجج؟!
أمي_ راح يروح اخوج راح يروح من عندي

رهف: اصخام الصخمني شصاير

امي: ولج ما ادري ما ادري

رهف: هذول منو الي عدنه
امي: اهل البنيه
رهف: ياااا.. جا شعدهم جايينه
امي: وللجج عرفو باخوج يحب بتهم
كله من وراج فضحتينه هسه شراح يسسونن مادري
رهف: شبيج شسالفه لاتعقدين الامور خليج ريلاكس
امي: رهف وخري عني لابلنعال خليني بضيمي وخري عن خلقتي

عفتها ورحت اغير ملابسي والهوسه بعدها..

غيرت ملابسي ورحت اشوف الوضع

لكيت امي گاعده ع صفحه وتولول ومرت عمي يمهه اتهدء بيهه

اتسحبت بدون ما احد ايشوفني ورحت الباب الديوان الامامي المسدود

لأن همه دخلو من الباب الوراني

خليت اذني ع الباب اريد اسمع وماحس غير الباب نفتح

ردت اطيح واندفعت

انصدمت لان الباب مسدود متوقعت راح يطلع احد منا

باوعت واشوف واحد ضخم ردت اطم نفسي
صغر عيونه وبعدين خزرني
بدون سابق انذار طكيتها بركضه ورحت للغرفه الطم

اشوي ودخلت عليهه كاميلا

كاميلا: شبيج اتلطمين اشصاير

رهف: ولج رحت اتصنت علمود اعرف شنو راح ايصير

احجي وگوه اجر النفس من الهبطه

كاميلا: ايي وبعدين اشصار كملي قلقتيني

رهف: ايي وجان يطلع واحد ضخم يمه خزرني واجيت ركض
كاميلا: اصخام الصخمني ولج منو هاذ

رهف: اندري

سكتت شوي وصار هدوء
طلعنه من الغرفه ودخل ابوي
تلكته امي
أمي_هاا شنو حجيتوو شصار

ابوي: مصيبه وطاحت على راسنه

امي: ولك احجي فتيت گلبي

شفت ابوي كوه واكف ع طوله رحت جبتله ماي ونطيته اله شرب وانريده يحجي ماكو

درو بتهم عدهه علاقه ويه صادق ورايحين كاتلينهه وماخذين تلفون اللبنيه وشايفين المحادثات

واجو يردون يكتلون صادق بس ادخل شيخ كللهم همه ماسوو شي غلط اجاكم يريدها بالحلال

يالله اشوي هدو بسس

أمي: بس شنو؟..

يتبع...

البارت قصير ان شاء الله انزل الكم تكمله