عروس بديله"بنات الساده"

البارت الثالث

#عروس_بديله

بقلم الكاتبه: فاطمه الموسوي

البارت الثالث

صلوا على من بعث رحمةً
للعالمين نبينا محمد (ﷺ)‎ ༘🧡.

ʚʚʚʚʚʚʚɞɞɞɞɞɞɞ꧂
كيف لِفراشة مثلُكِ أن يُصيبها المَلل ،
متأكدٌ لو دُرتي حول نفسكِ مرتين ستتناثر النجوم مِن ثيابكِ نحو السماء
~~~~~~~

عوفج من التفكير لاتفكرين
ولاتنقهرين احنه نحل السالفه وهسه روحي نايمه حبيبتي انتي

رهف: عفته ورحت لفراشي مقهوره عليه
كله مني اني الي خربت عليه وخربت فرحته
هاذا اللساني بس لو اكضههه اخخخ منيي
ضليت افكر حد ماخذني النوم

كعدت الصبح
غسلت ورحت سويت ريوگ بيض وجبن وچاي
خلصت رتبتهن بصينه وديتهن يمهم اباوعلهم كلهم صافنين والقهر مبين ع وجوهم دنكت راسي وكلت....

رهف: اني موافقه اتزوج
باوعولي كلهم بنفس الثانيه مصدومين من الي حجيته

صادق: رهف شحجيت اني وياج البارحه معليج بيه ماتتزوجين غصب وبهاي الطريقه مستحيل اخليج

رهف: ماراح اتزوج غصب اني موافقه اتزوج بكامل قواي العقليه ومحد جابرني
كمت رحتت للغرفه علمود لا يحجون ايي شي وياي بعد هاي هيه قررت اتزوج علمود صادق اني الي خربت عليه واني الي راح اصحح غلطي
شوي واجه صادق

صادق: رهف..

قبل لا يحجي ايي شي
رهف: صادق مهما حجيت وياي مارح اتراجع صدكني

صادق: رهف بعدج صغيره

رهف: ماني صغيره عمري 16 سنه واعرف شنو اتصرف صادق فدوه رحتلك اقبل

صادق: ماقبل

رهف: باع صارلك اربع سنوات وياها معقوله تعوفها هيج بهاي السهوله

صادق: ماعفتها اني مرت اخوها هيه الي خربت عليها
لو محاجيه الاخوها جان هسه كلشي تمام وجاي نحضر للخطوبه

رهف: بس اني الي حجيت كدامها

صادق: رهف انتي مجانت نيتج تخربين علي هيه جانت نيتها تخرب
ماني موافق اني وماتتزوجين
رهف: بس اني موافقه

صادق: رهف...

رهف: صادق موافقه كوم يله كوم كللهم وحدد موعد الخطوبه يلههه

صادق: ماكلهم ماني موافق

رهف: انت مو موافق اني موافقه راح اكول الابوي يكللهم يحددون موعد خطوبتي انت ابقه اهنا كاعد
عفته وكمت لان ادري بي لو شكد ماحجيت مستحيل يوافق
رحت كلت الاهلي وكعدت ساعه كامله اقنع بيهم واكلهم موافقه من كل كلبي ولامجبوره ولا شي وفرحانه راح اتزوج اني واخوي بنفس الوقت
بس بداخلي نار تحرك بروحي حرك
اقتنعو وابوي راح يحجي وياهم يحددون موعد الخطوبه
عفتهم ورحت للغرفه
شوي واجت امي