"The One I Love" S♡2

Part.13

                          (Part.13)

.

.

"Hoseokie!....
မချမ်းဘူးလား...ကလေးရ?..."

"Hyung!!"

'Hope'ဆေးရုံဝန်းအတွင်းရှိ မေပယ်လ်ပင်တွေ
အောက် ရပ်နေသည့် ကလေးငယ်ဆီကို အဝေးမှ
ပြေးလာရင်းမှ ...Minလှမ်းအော်ခေါ်လိုက်သည်။သူ့hyungအသံကြားတော့ အပင်အောက်က အစာ
ရှာနေသည့် ရှဉ့်ငယ်လို Hoseokieက ချာကနဲနေ
အောင် လှည့်ကြည့်လာ၏။လက်ထဲတွင်တော့ ဘယ်
တုန်းထဲက ကောက်ယူထားမှန်း မသိသည့် မေပယ်လ်
ရွက်နီနီလေးများစွာ ရှိလို့နေသည်။

"ကိုကို့အခန်းပြန်ရောက်တော့ မတွေ့လို့ လိုက်ရှာနေ
တာ....ကလေးရ!"

"ဟီးးး....အခုလာတော့မလို့ပဲ!...
ဒီမှာ hyungအကြိုက် မေပယ်လ်ရွက်လေးတွေ
လှလို့ ကောက်နေတာ!"

"ပြပါဦး!.....
ကိုကို့ကလေး...ဘယ်နှရွက်များ ကောက်ထား
ပြီးပြီလဲ!"

Minတောင်းကြည့်တော့ လက်ဖဝါးနှစ်ဖက်ထဲက
မေပယ်လ်ရွက်လေးကို ဖြန့်ပြတဲ့ Hoseok!!
သူ့လက်ဖဝါးလေးနှစ်ဖက်ကို Minအပေါ်ကအုပ်မိုး
ကာ ဆုပ်ကိုင်လိုက်တော့ ထိုလက်ဖဝါး‌နုနုလေးနှင့်
အတူ သူနှစ်သက်သောသစ်ရွက်နီလေးတွေက လက်
ဝယ် ရောက်ရှိလို့သွား၏။
Daeguမြို့မှာ ဆောင်းရာသီဆို မေပယ်လ်ရွက်တွေ
အနီရောင်အဖြစ်သို့ ပြောင်းလဲပြီး ပိုမိုလှပလို့နေတဲ့
အချိန် HoseokကMinအတွက် ဒီနှစ်လည်း သတိ
တရသိမ်းဆည်းထားချင်ပုံရသည်။

ထို့ကြောင့် နှင်းမှုန်ဖြူဖြူလေးများ ကျဆင်းနေသည့်
ကြားက 'Hope'ဆေးရုံဝန်းအတွင်း သူရောက်ရှိလို့နေခြင်း ဖြစ်သည်။ထိုနေရာပတ်ဝန်းကျင်လေးက Min
အပိုင်နေရာလေးဆိုတော့ မေပယ်လ်ပင်တွေက ဆေးရုံဝန်းအတွင်း၌ အစီအရီနေရာယူလို့ ထားကြသည်။
ဘယ်အချိန်ကြည့်ကြည့် လှမ်းမြင်နိုင်သည့်နေရာမှာ
သူ့ခင်ပွန်းချစ်သော ထိုပိုင်ဆိုင်မှုလေးများ ရှိပါလျှက်
Jung Hoseokတို့က အကဲပိုကာ ဤသို့ ပြုမူမိတော့..

"မေပယ်လ်ရွက်တွေကို ကိုကို ချစ်တာတော့
မှန်ပါတယ်!..ဒါပေမယ့် ဟောဒီက ကလေးလောက်
တော့ ကိုကို မချစ်ဘူးလေကွာ!"