يجي يوم وترد تجمع
شكو مَكّتُوب شگيته
وترد تندم ع كل ثوب
عفته ومآ آشتميته
وتبچي ومحد يشوفك
وحتى چفوفك تعوفك !
وترد ندمآن بس بَعديش ؟
بآب عيوني سديته .
_متابعة للحساب
_تصويت للقصة
_تعليق بين الفقرات
الكاتبة بنين أيتان
طيرة الأشهم
______________________
نورسين:
سنة 2018
كملت خامس اعدادي وجنت حيل متحمسه للسادس بكل طاقتي
وبفتره العطله اتفاجئ بيت عمي يردون يجون يخطبونه
عمي ميثم عنده ولده الكبار
مصطفئ عمره30
ومرتضئ 29
واحمد 27
انا بداخلي خفت من جيتهم لان ماناوية الزواج اريد اكمل دراستي واعيش حياتي بعدني مامستعدة
نوب سمعت يكول ابويه لابن عمج مصطفئ الجبير
بس سمعت اسمه رجف جسمي ورجعت ذاكرتي ليوره وانقلبت احوالي لا كلشي ولا مصطفئ اردد بگلبي كلشي ولا هذا
نورسين:بابا شنو يختاررون وحدهم احنه شنو موقعنه لعد؟
التفت عليه خليل وگال:
خليل:شبيج نورسين قابل راح نجبرج ولد عمج اختارو
وانتن عليجن تردن جواب اي او لا وخلص نسد الموضوع
من سمعت امي تحجي عنهم زاد الخوف بيه وحقدي عليهم
جواهر:هو كلمن اختار وحدة منجن ويكولون النه نفس بيهن
مصطفئ اختارج
ومرتضى يريد روان
واحمد ابو جبره ع جُمانة.
نورسين:ماما شنو ابو جبرة هو بنيه ويجبره حته الابنيه ماتنجبر واكيد جمانة متقبل بي
باوعت لجمانة مدنكه والكلام يوجع گلبها لان ادري بيها تموت ع أحمد من هي وصغيره بس هو يحب وحده صارله 7 سنين
التفت لروان شبه ابتسامه ع وجها عرفتها موافقة وفرحانة لان بالاصل يحبون بعض هي ومرتضى
ابوية يباوع بوجهنه وحدة وحدة
شاف الخوف ع وجهي تقرب يمي وحط ايده حول كفتي وگال بحنيه:
الياس:بابا فكري انا مااجبرج واجبي انصحج والج القرار
نتر حسن وگال بعصبية:
حسن:يابه بشنو تفكر مصطفى اكبر منها هاي اولاً
ثانياً مقسمين وحدهم وبكيفهم
ثالثاً نورسين ع ابواب سادس تفكر بدراستها لو بزواج
الياس:انا كلت تفكر ماكلت راح تزوج غصبا عنها
نهضت من مكاني صعدت لغرفتي
شمرت نفسي ع الجرباية والتوتر والخوف يدبي بجسمي
مستحيل لو يضل اخر رجال بالعالم مااقبل
لليل نسينه الموضوع والتهينه نحضر لعيد ميلادي
كلنا فرحانين ونجهز كيك وشموع
وانا صاحبة العيد ميلاد هم احضر وياهم
ندگت الباب ركض خليل يفتحها
دخلو بيت عمي كلهم ولدهم ونسوانهم وعمامي
انا شفتهم خرطت روحي ولزمتني الرجفة
يعني الكلام الي الظهر كنا نحجي بي راح يصير
زاد خوفي اكثر من شفت ابوي يرحب بيهم وفرحان
يعني شبه مقتنع شي اكيد لان ولد اخو
