تعبان بس ياهو ليفتهم تعبي
مشتاق لشخص حبيته مثل امي
واكولن ليش راح من عندي
ثاري الغلط مني
حنيت لشخص ما جان يهتملي .
لاتنسون التصويت والتعليق بين الفقرات
الكاتبة بنين أيتان
طيرة الأشهم
حسابي الانستا baneen_etan
____________________________
نورسين:
صرت اهدئ بنفسي اخذت نفس خليت ايدي جوه خشمي دخلت للحمام غسلت وماتوقف النزف طلعت اسند نفسي ع الحايط لحد ماوصلت لغرفه حسن فتحت الباب بقوه حتئ يصحئ فز مخروع خطيه
حسن:نورسين بويه شبيييج
ماكدرت اوكف علئ رجليه اكثر كعدت بالكاع وبسرعه لزمني وخلاني بحضنه
حسن:ولج نورسين احجي يابه شبيج وكعتي گلبي ليش ينزف خشمج
ركض جاب كلينكس خلاه علئ خشمي
:-حسن روح لغرفتي تلفوني علئ الجربايه جيبه وتعال
جابه واجاني فتحتله الجهاز دخلت علئ الانستا فتحت الرساله ونطيته يشوف
رفع راسه الي بصدمه وعيونه صارت حمر:
حسن:- شنوووو هاي نورسين منوو هذا
:-ماعرف والله ماعرف منوو صور قديمه مال سنه وسنتين
حسن:-حسابج مخترقي اصلا الجهاز كله مخترق ولج
اكتبيلي يوزرج والباسورد ودزي الي علئ الوتساب بسرعه
:-وين تريد هسه بليل
حسن:مو وقت الكلام نورسين بسرعه
اشوفه نخبص بدل ملابسه العكسريه وشالني بين اديه لغرفه جمانه
حسن:جمانه اصحي يمعوده
نزلني علئ الجربايه يمها. وطلع يركض نخضت جمانة مخترعة تتفحص بيه:
جمانه:اسم الله شبيج حبيبتي شبيج ولج
:-واحد داز رساله ومهددني بصوري كلها عنده
جمانه:- شنوووو ولج دخيلك ياربي منووو هذا
:-مادري جمانه كومي دخليني للحمام ملابسي دمرت
جمانه:-كومي يروحي
سندت نفسي عليها ودخلتني سبحت وطلعت نمت يمها ماريد افكر هسه يحلها حسن اي متاكده يحلها
جمانه:اهدي يروحي تنحل والله
:-خاف ينشر صوري جمانه وفيديو هم الي طالع بي شعري
جمانه: نورسين اشش لا تفكرين مو زين عليج يروحي كلشي اله حل
:- ماريد بابا وماما يعرفون بابا شغله كافي عليه مشلوع گلبه
جمانه:-هم اكول هيج يصير خير ان شاء الله
ضلينه ننتضر حسن يردلنه خبر صارت ب5الصبح اتصل عليه يرفضه نوب صرت بقلق
غصبا عليه كمت بدلت حتئ اروح للدوام
بدلت وطلعت ستوني وصلت للبوابه اتصل حسن
حسن:ها نورسين رحتي للدوام لو بعدج
:-بعدني بالباب
حسن:-جايج اخذج لا ترحين
