_ أخذها الفجر تسرح بالحلال ومناك أذبحها وأطم عارها
تالي وكت ينجاب طارينا بالعار من ورى بتچ
كل منچ لا تحكمين ولا تنشين بس تعربدين تعربد
_ شني بكيفك أنتَ وتذبح!؟
هو أنتَ ياهو وتحكم لا تظل تهذري وحدك ،
لا أخليك عبرة لمن لا يعتبر ؛ ولك ساگط ياهو
لي دخله لبيتنا ورجِّه على بناتنا
وخلاهَ يسرح ويمرح وتالي يطعنَ بينا أبنَ ****
_ بويااا من كل عگلك تصدگ بالي نحچه!؟
بتك هاي بتك تسويها ؛ أشو هيه دوابه وتفتر بالهور
لا عرف ولا فهم تگللها شته تگلك اي شته
من تحزمت على أبن العالم وكتلته وهجورتنا
شفت على أختك ولك!؟
مسويتلها مكسورة وياه لو شنهي!
زلمه معرس وعده فروخ وصاحبك الروح بروح
من گمت على الزلمه وخليته دمه بطول شني سويته
_ أسكتي ولا حرف أكثر من هل الفضيحه بعد شنريد
أخيتچ مهدتله الدرب ، ولچ ياهو لي أتعده منه يسمعني بأذاني هذا لي أخيته مصاحبه صاحبه
ولچ طنطل موش زلمه بت ****
_ وحگ العباس أبو فاضل أذا سويت شي ألها
ألا أشهركم شهيرة بين الطوايف فرخه فرخه
شتعرف من عيونكم النگسه هاي، أذا صاحبك كـ****
أبن ******* چا هو غير شـ***** شتترجه منه بعد
وأنتَ هستوك عرفته يالأغم
تاخذون البنات وتمشون بيهن ترى ناوين نيه گشرة عليكم
شردهن بويااا لو من يوم لي الفه بيه خبر حبالته مرتك ما الفانه خير أبد
البنات وجوهه مصوفره وأختك راح تموت من الخوف والرعب شني عمي تايهتلك
اشو ساكت بويااا ما تحچي ولا تنش
_ ويه طرتْ الفجر نمشي للبصرة
_ ياهو عدنا بالبصرة؟
_ عمامنا
_ وظنتكَ يستقبلون بويااا بعد هل السنين هاي
لا وعدنا كتل همين!؟
_ گتلك نمشي نروحلهم ترى ذولي
ذياب البرنو لا يهابون ولا يچلون
ــــــــــــــــــــــــــــــــــــــــــــــــــــــــــ
_ گاعده وأستمع كلش زين شنو هل الكلام شيقصد بيه
هاي أكثر من مرة جاي يكرر هل الشي؟
شنو مسوي عمو!؟
ليش هيچ أبوي مجاي ينسى وبكل موقف يذكره
فزيت من صفنتي أمي تصيحني على چاي يردون
طلايب لا تخلص ولا تچل أبد
وخاص بيتنا كل سالفة بيه وكل مصيبة أدري شايل خرزه مال مشاكل وشكاوي
صبيتلهم صينية وديتها للباب اخذها أبن عمي
وصوت أبوي راج البيت رج، عصبيته بسبب عمي ومشاكله لي ما تخلص
أدري شهل الضيم الأسود شفنا من دنيانا أحنا
أمي تحچي وياه وتگله أسكت منا الولد والبنات شبيك
بس أبوي ما يسكت عيونه نگلب الونهن أحمر وعصبي يتراجف
متت بدمي من المنظر، معناها ماناوين على خير أبد
عساها سود أي والله عمي ما يعرفنا بس بالمشاكل
YOU ARE READING
خَتم مُكفهر
Actionسُّحابٌ غليظٌ الأسُوادِ فَاعلاً عابساً مُجدِب مُتراكب مُتراكم وجوهًا لا يستحيل فهمها فعلاً لِـ مرءٍ لِيخَتْم بهِ كُلِّ ذهّنًا لتنولد تلكَ المُرجانة بين أسلافِ الأفاطير بين صفاف المعارك الذاتْ مُغرمةً بذاتْ العلم لكنها مؤذية العالمها تجهمت ذات سا...
