مملكة الوتباد

الموضوع: شخص لا يقهر

اكتر الاسباب البتخليك تخسر هي

استهانك بالعدو

غرورك

جهلك او قلة معرفتك

الاعصاب

الانطباع الاول

عشان تبقا شخص لا يقهر لا تستهن بعدوك فالظاهر ليس كالباطن مثلي تماماً انا معكم غير مع اي شخص يضايقني لأنه ساعتها مش بيشوف ملاك

متبقاش مغرور لدرجة انك متحسنش من نفسك لدرجة انك متعترفش بعيوبك مش لازم تعترف بيها قدام الناس بس اعترف بيها قدام نفسك ويا اما تحسنها يا اما تخليها اسباب لنجاحك وتحولها من نقاط ضعف لقوة وخليك واثق بنفسك لأن الثقة بالنجاح هتخليك تنجح

لما تكون شخص جاهل بنقاط ضعف وقوة عدوك مش هتعرف تكسبه ودا دليل انك شخص جاهل، انت شخص مبتحبش مساعدة من حد بس متضطر تقبل المساعدة بسبب قلة مهارتك وجهلك ببعض الاشياء عشان كدة لو كنت مدرك انت بتعمل اي واتقنته انت مش هتحتاج لحد

الاعصاب دي نقطة ضعف لكل شخص مبيعرفش يتحكم في مشاعره التوتر والعصبية نقاط ضعف لازم تمحيها لانها هتكون سبب فشلك التوتر بيخلي الضربة متبقاش قوية ولا بتخلي العمل متقن والعصبية بتخليك متهور ومبتفكرش ودا غلط الحظ خبيث ومش هيساعدك لما تتهور كل مرة

فلازم يا عزيزي تكون شخص لامبالي، متعلم، متحكم بمشاعرك، متحكم بغرورك

وانا شايفة من وجهة نظري انها نقاط قوة انا بستخدمها في حياتي اليومية مع اي شخص مبحبوش

واهم حاجة انك لازم تركز على الانطباع الاول ودا اهم حاجة

متكونش انت عايز تبين للقدامك انك بارد وفي اول مقابلة ليكم تبقا اهبل كدة انطباعه الاول عنك هيبقا انك اهبل ومهما حاولت تغير نظرته هيفضل فاكرها وبيقارن بين هبلك وبرودك وفي راسه علامة استفهام كبيرة

لذلك لازم يكون انطباعك الاول كويس لكل الناس ومش معنى كدة انك بعدين تبقا اهبل لاء لازم تعرف امتى تهزر وامتى الضحكة متطلعش حتى لو الموقف يضحك

ولازم تركز متبقاش في خناقة وتضحك ركز على تحكمك بالنقطة دي لانه هيقل من هيبتك في الخناقة ومش هتعرف ترجع لمركز قوتك في الخناقة زي الاول ويا اما الخصم هينطح فيك يا اما هيضحك وتنتهي الخناقة بس بردو هيبتك راحت

لازم تكون شخص له هيبة ومتفتيش لو مش عارف حاجة قول مش عارف لانك لو فضلت كل مرة تقول كلام غلط محدش هيسمع كلامك بعد كدة

لكن لو كلامك صح حتى لو محدش صدقو وبعدين اكتشفو انه صح مرة واتنين وتلاتة هيبدأو يصدقوك من غير ما يفكرو معتمدين على فكرة انك كل مرة بتجاوب صح وانك لو مش عارف هتقول ودا هيتبني في عقولهم عنك

خليك شخص قوى ولما حد يبص لعينك متبعدهاش انا بعمل كدة ومشفتش حد فضل عاملها كلهم بيبعدو عينهم بتلقائية زي شخص اتقفش بيعمل حاجة حرام او شخص اتكسف

قول لاء دا مش غلط انا النهاردة في امتحاني البنت قالتلي معاكي ميا قلتلها ايوة قالتلي هاتي اشرب قلتلها لاء بصتلي بقرف ومشت وانا معبرتهاش

حاجة معايا ومش عايزة اديها لحد هقول انها معايا ومش هديها لحد مش غلط تقول لاء طالما مش فاضي او الحاجة ملكك او انك تقدر تقول لاء براحتك

لوحد اتنمر عليك استخدم اسلوب المراية وهشرحو فيما بعد

ولو حد اتخانق معاك اقلب الطربيزة عليه وهتبقا انت الربحان بمعنى اقلب السحر على الساحر وهشرح بالتفاصيل بعدين

اتعلم فن التلاعب وبما انه معقد في معظم الكتب ومش بنفهم الشرح هبسطها لكم

لو عجبكم المرة الجاية هشرح لكم اسلوب المراية وقلب الطربيزة

كانت معكم "ملاك"

عايزة بقا اعرف رأيكن يا بناويت

ولو عندكم موضوعات نتكلم عنها عشان انا امتحاناتي مخلية الافكار متزاحمة في عقلي

دمتم بخير وصحة 💙🐋