Chapter 42
Ei Thet HmueFebruary 12, 2024
🤚Chapter 42
ကျိအန်းနဉ်ကြောင့် ချန်းဟောင်က မုန့်ရှင်းယွီနှင့် ပိုင်လုတို့ကို သိခဲ့ရသည်။ သူ၏ ဂျူနီယာနှစ်တွင် စင်ဂယ်ခွေးဖြစ်ခဲ့ရသူ ချန်းဟောင်က ချစ်စရာကောင်းသော ဂျူနီယာနှစ်ယောက်ကို လွယ်လွယ်ကူကူ လွှတ်ပေးလိုက်မည်မဟုတ်ဘဲ အခွင့်အရေးကို ဆုပ်ကိုင်လိုက်သည်။
သူတို့က ကန်တင်းတင် လမ်းလျှောက်နေစဉ် ဖုန်းနံပါတ်နှင့် Wechatအကောင့်များကို တစ်ယောက်နှင့်တစ်ယောက် ဖလှယ်လိုက်သည်။
မုန့်ရှင်းယွီနှင့် ပိုင်လုနှစ်ယောက်က ပြုံးနေကြပြီး သူတို့၏ မျက်နှာများက ခပ်ရဲရဲဖြစ်နေသည်။
အချစ်နှင့်အခြားအရာများက လူတိုင်းလိုချင်နေကြသည့် အရာတစ်ခုလည်းဖြစ်သည်။
နေ့ခင်းဘက် အားလပ်ချိန်တွင် ပိုင်လုက ကျိအန်းနဉ်ကို စိတ်လှုပ်ရှားစွာနှင့် ပြောလေသည်။
"ချန်းဟောင်က ငါတို့အဆောင်ကလူတွေကို သူတို့အဆောင်သားတွေနဲ့ အတူဆုံချင်လားလို့ မေးတယ်..."
ကျိအန်းနဥ်သည်လည်း အတူတူထမင်းစားပြီးနောက် ဤသို့ ဖြစ်လာလိမ့်မည်ဟု မမျှော်လင့်ထားခဲ့ပေ။
မုန့်ရှင်းယွီနှင့် ပိုင်လုတို့၏ အခြားအခန်းဖော်နှစ်ယောက်က အခြားအတန်းမှ ဖြစ်ကြသည်။ သူတို့နှစ်ဦးက ညနေပိုင်းတွင် အခြားမိန်းကလေးနှစ်ဦးအား မည်သို့ပြောပြရမည်ကို စိတ်လှုပ်ရှားစွာ ဆွေးနွေးနေကြသည်။
ကျိအန်းနဉ်က မနှောင့်ယှက်ဘဲ ကြည့်နေသော်လည်း သူတို့၏ပျော်ရွှင်မှုကို သူမ ခံစားနိုင်သည်။ သူမ ပါးပြင်ကို ပွတ်သပ်၍ပြုံးကာ သူတို့ စိတ်လှုပ်ရှားစွာ အော်ဟစ်နေသည်ကို ကြည့်နေသည်။
လေ့လာမှု...အချစ်...သူငယ်ချင်းတွေ...
မတူညီသော ဘဝနှစ်ခုတွင် ကျိအန်းနဉ်က ယခုချိန်အထိ သာမန် တက္ကသိုလ်ကျောင်းသားဘဝတွင် စစ်မှန်စွာ ပျော်ခဲ့ရခြင်းမရှိပေ။
နေ့လယ်ပိုင်းတွင် ထမင်းအတူတူစားပေးထားသောကြောင့် ဝမ်ယွီက ညနေခင်းတွင် ကျိအန်းနဉ်၏နောက်မှ လိုက်မလာတော့ရန် သဘောတူထားသည်။
YOU ARE READING
သူ့လက်ဖဝါးထက်ကရတနာ
Romance•Original Title After Rebirth, I was Entangled by a Second Generation Rich Guy Again သူ့လက်ဖဝါးထက်က ရတနာ •Original Title After Rebirth, I was Entangled by a Second Generation Rich Guy Again •Associated Names In His Palm (Rebirth) 在他掌中[重生] 重生后又被富二代缠...
