>> Unicode <<
~~~~~~~~~~~~
စော ရန်ကုန်ကိုပြန်ရောက်တာ တစ်ပတ်ပြည့်သည့်နေ့။ အကို့စကားကိုနားထောင်တဲ့စောရဲ့နေ့ရက်တိုင်းဟာ အိမ်မှာပဲအချိန်ကုန်တာများသည်။ ဆိုင်ကိုတော့ မန်နေဂျာကိုကံထူးအောင်နှင့်သူငယ်ချင်းဖြစ်သူကို လွှဲထားပြီး တစ်ခါတရံမှသာရောက်ဖြစ်၏။
ဒီနေ့ကတော့ တောင်ပေါ်ပြန်လျှင် ယူသွားရမည့်ပစ္စည်းတွေ သွားဝယ်ရမည်။ သွားဖို့ပြင်ဆင်တုန်းမှာ ဒေါ်လေးက အခန်းတံခါးကိုနှစ်ချက်ဆင့်ခေါက်ပြီးနောက် ဖွင့်ဝင်လာ၏။
" စော "
" ဗျာ ဒေါ်လေး "
" အပြင်သွားမလို့လား သား "
" ဟုတ်တယ် ဒေါ်လေးဘာမှာဦးမလဲ "
" ဘာမှမမှာပါဘူး၊ ဒီမယ် သားကိုဖတ်ခိုင်းမလို့ "
မျက်မှန်ကိုအသာပင့်တင့်ရင်း သူ(မ)ရဲ့ဖုန်းကို စောထံသို့ကမ်းပေးလာတဲ့ဒေါ်လေး။ လက်ထဲမှာလည်း ယောက်ချိုဇွန်းကြီးကိုင်ထားကာ ဟင်းချက်ရင်းတန်းလန်းရောက်လာတဲ့ပုံ။ ဖုန်းယူပြီးကြည့်လိုက်ရာ လိင်မှတစ်ဆင့်ကူးစက်နိုင်သောရောဂါတွေအကြောင်းရေးထားတဲ့ ဆောင်းပါးတစ်ပုဒ်ဖြစ်၍ စော ကြောင်အမ်းအမ်းဖြစ်သွားသည်။
" ဒါက... ဘာလို့လဲ ဒေါ်လေး "
စော အူကြောင်ကြောင်လေးမေးတော့ ဒေါ်လေးက သက်ပြင်းချသေး။ ပြီးမှ လေးလေးပင်ပင်ပြန်ဖြေ၏။
" သားတို့အရွယ်က အကုန်လုံးစူးစမ်းချင်တဲ့အရွယ်လေ၊ မိန်းကလေးကိုမကြိုက်လည်း ယောက်ျားချင်းလည်း ဒီကိစ္စတွေကကင်းမှမကင်းဘဲ၊ သိသင့်တာတွေသိထားရအောင် ဖတ် ဖတ် "
စော ဘာပြောရမှန်းတောင်မသိတော့။ ဒီရက်တွေထဲ ဘွားဘွားနှင့်မေမေတို့ထက်တောင် ငြိမ်နေတဲ့ဒေါ်လေးကို သူ့အကြောင်းစိတ်မဝင်စားဘူးလို့သာ စောထင်နေခဲ့တာ။ လာပြောတော့လည်း အဝေးကြီးကကိစ္စတွေ...။
" ဒေါ်လေးကလည်း.. ပေါက်ကရတွေဗျာ "
" ပေါက်ကရမှမဟုတ်ဘဲ၊ ဒါကျန်းမာရေးဗဟုသုတတွေလေ "
" ဟုတ် သိပါတယ် "
" ဖတ်ပါဆို "
" ဖတ်ပြီးပြီ သားသိသွားပြီ "
YOU ARE READING
နှလုံးသားရဲ့စကားသံ ( Completed )
Romanceဒါလေးက " မောင့်မူပိုင် " ရဲ့ side story ပါ။ ဆိုပေမဲ့ Love triangle မကြိုက်သူတွေက ဒါပဲဖတ်မယ်ဆိုလည်း အဆင်ပြေပါတယ်ရှင့်။
