استغفر ربك ...
متنساش تقفل الواي فاي عشان ميظهرش ليك إعلانات ونشيل ذنب، اللهم بلغت.
ڤوت وكومنت برأيك عزيزي ...
__________________
- ايه ياما اللي بتقوليه ده؟
أجابت بصوت حاد وهي تنظر إلى " هاريكا " ووالدتها :
- بقول ايه؟ بقول الحقيقة، كل ما يحصل حاجة تروحي تحكي لده ولده، أي مفيش اسرار للبيوت؟
همت بالرد ولكن قاطعها صوت " چيهان " وهي تقول بعتاب :
- يعني لو حكت لينا حاجة، ده هيضايقك؟ معقول احنا اغراب يا أم " زيزو "؟
تراجعت على الفور وشحب وجهها وتحدثت بتلعثم :
- لأ مش القصد يا " چيهان " ما أنا بحكيلك كل حاجة، أنا بضايق منها بس كل حاجة تروح تحكي لده ولده ولده، بخاف كلمة تروح كدا ولا كدا والناس مبتسكتش.
أجابت " زينب " باستنكار :
- وأنا صغيرة يعني، هروح أحكي لكل واحدة شوية؟ ايه متعرفنيش؟ ولا اي كلمة بتتقالك بتصدقيها ولا ايه مش فاهماكِ؟
أمسكت بها " هاريكا " وهي تهدأها وأخذتها نحو أحد المقاعد، وفعلت والدتها المثل مع " أم زيزو " :
- أهدوا كده وصلوا على النبي، واشربوا العصير ده.
رد الجميع في صوت واحد :
- عليه أفضل الصلاة والسلام، تسلمي يا أم هاريكا.
- أهدوا بقى، دلوقتي يا أم " زيزو " أنتِ تقدري تزعلي من " زينب "؟ هي مش زينب دي اللي بتودي وتعمل وتجيب؟ من موقف هننسى ونزعل ونقول مبيحصلش؟
لم تعرف بماذا تجيب لذا ظلت صامته، بينما نظرت لها " چيهان " لبضع دقائق وعادت إلى " زينب " وهي تقول بحكمة :
- وأنتِ يا " زينب " مش أنتِ عارفة حماتك؟ وعارفة أنها بتطلع على مفيش ومن جواها طيبة بس الوضع هو اللي مش مساعد؟
هزت رأسها باستيعاب وهي تنظر لـ " أم زيزو " بعتاب :
- عارفة ده كله اه ومقدرة والله، بس مينفعش كل ما يحصل حاجة تيجي عليا، أنا إنسان وليا طاقة برده.
- ما أنا بتعب برده هو أنتِ لوحدك اللي بتتعبي؟
نظرت لها وهي تهز رأسها بقلة حيلة وهي تنظر لـ
" چيهان " تقول لها " أرأيتِ؟ "، بينما قالت
" هاريكا " وهي ترتشف من العصير :
- أنا من رأيي أبلة " زينب " تفضل قاعدة في شقتها لحد ما الوضع يستقر والنفوس تهدى وكل واحدة ترتب أفكارها كدا وبعد كدا تنزل تاني.
وافقتها " زينب " على الفور، ورمقتها " چيهان " بعتاب لتدخلها بالأمر في حين رفعت " هاريكا " يديها وهي تبتسم ببراءة عندما لمحت نظرات والدتها، بينما نظرت لهم " أم زيزو " بعدم رضا ومن ثم وافقت على مضض، وسقفت " هاريكا " بسعادة وهي تردد :
ŞİMDİ OKUDUĞUN
هاريكا
Fantastikمزيج من المغامرات المختلفة سواء مغامرة حقًا أو مجرد كلمة. " هــاريـكـا " بهدف الاستفادة وليس الاستمتاع فقط، بإذن الله تستفيد حتى لو ٥٠٪ معلومات دينية أو طبية. اقفل الواي فاي وأنت بتقرأ عشان منشليش ذنب الموسيقى اللي فيه وأي حاجة موجودة فيه عمومًا...
