جيتني مثل الشروق يلي محى عتم الليالي

البارت 2

صحيت العنود وقامت من فراشها توجهت للحمام ( الله يكرمكم) حست عليها رهف وقامت تتنظر العنود   طلعت العنود
رهف : صح النوم
العنود : صح بدنك
رهف : بدخل اخذ لي شاور سريع سريع
العنود : تمام
اتجهت العنود تصحي العهود
العنود : قومي الساعه 6 الفجر بتقومين؟
العهود : لا خليني شوي
العنود : خلاص طيب
طلعت العنود برا وسمعت صوت محمد جالس مع ليان
هلا عيالي كيف حالكم
كلهم : الحمدلله طيبين
العنود : محد صحي ؟
محمد : لا لسى
العنود : تبون فطور اسوي لكم معاي ؟
ليان : لا شكرا ياخاله اكلنا حنا
راحت العنود للمطبخ تسوي فطور لها
ناظر محمد ليان وقال : يمه كنا بننقفط
ضحكت ليان : بدخل عند البنات
دخلت ليان عند البنات وطفت المكيف وشغلت اللمبات
قومو قومو ياحلوين
جوري وهي منسدحه : روحي ابغا انااااام
ليان : لا لا قومو يلا بنات
لينا : نشبه
وبدؤ يقومون وصحيت جوري ولبست وتعطرت وحطت روج ونزلت تحت
جوري : اهلا امي
العنود : هلا حبيبتي قاعده اسوي فطور تبين معاي ؟
جوري : لا لا بسوي لي شاهي احسن
نزل عبد العزيز من الغرفه واتجهه للمطبخ وشاف جوري والعنود
صباح الخير خالتي
العنود : صباح النور حياك
عبدالعزيز : لا ابغا اشرب شاهي
طلعت العنود برا تاكل فطورها
تقدم عبد العزيز ورا جوري وسألها تسوين لي معاك ؟
جوري ضحكت : لا مافيه
مسك يدها وقال مو ع كيفك يلا ياحلو
انصدمت جوري : ايش؟؟ ياحلو
ضحك عبدالعزيز : مو بلمقصد الحرفي لا تشوفين نفسك
شمقت له وطلعت كوبين للشاهي
ضحك عبدالعزيز : بتسوين لي معاك ؟
جوري : مجبوره للأسف وضحكت وبانت غمازتها
طالع فيها عبدالعزيز وداخ من شاف غمازتها وابتسامتها العريضه
وبدا يجهز معاها الشاهي واخذو الكوب وراحو للمقلط يجلسون فيه
جلسو ولقو العنود موجوده
جات رهف : صباح الخير
كلهم : صباح النور
دخلو ليان ولينا وجوهره وقعدو يسولفون
رهف : وين ساره
ليان : لسه نايمه مو راضيه تقوم
وقعدو يفطرون
دقو المستشفى على العنود
الدكتور : لو سمحتي تعالي كملي باقي الاجراءات عن وفاه الميت و وين مكان الدفن
دمعت العنود : ان شاء الله متى نجي؟
الدكتور : 8 الصباح
العنود : تمام
وبدؤ يتجهزو عشان يروحون المستشفى
وكلهم بيروحون عشان يصلون عليه
جوري : اعتذر منك يمه ماقدر اروح معاكم
العنود : ولا يهمك بس تجلسين بالبيت لحالك عادي ؟
عبدالعزيز : انا اجلس عادي
العنود : تمام يلا بنات تأخرنا
راحو ومعد فيه احد بالبيت غير عبدالعزيز وجوري
جوري : بطلب ماتشا تبي؟
عبدالعزيز : اما عاد ماتشا لا مابي يازين الشاهي
جوري : احسن
بدأ جوري تسوي الطلب وطلبت وراحت غرفتها تغير لبسها وتعطرت ونزلت وشعرها الطويل البني مفرود وريحته فايحه
دخلت المقلط وعبدالعزيز كان منسدح وشافها دخلت وعطرها فايح بالمجلس
عدل جلسته وطالع فيها يتأمل بينه وبين نفسه ( معقوله ذي الوحش الصغنون ) ؟ الله يالزمن صرتي حليوه ياجوجو ودق جوال جوري
وقامت جوري بتاخذ جوالها وسبقها عبدالعزيز اخذه
جوري : ياليل يابزر عطني
عبدالعزيز : ذا مندوب صاحيه انتي تردين عليه؟؟
تأففت جوري وجلست
رد عبدالعزيز ع المندوب :
الو ؟
المندوب : اطلع ياخوي انا برا
طلع عبدالعزيز بصقعه الشمس ومالقى شبشبه عند الباب
مالقى غير كعب جوري الاحمر
لبسه وطلع فيه واخذ الماتشا ودخل
شافته جوري عند الباب وطاحت من الضحك تقول شكلك مو معقول اصبر اصبر بصورك
وصورته وهي تضحك وتوري خواته
ضحك من ضحكتها وقعد يسوي حركات بنات عشان يضحكها وكان البيت كله صوت ضحك
رمى الكعب وجلس وفتح الماتشا يقول لونها غريب
ضحكت جوري واخذت الكوب تشرب
جوري وهي تشرب : تذوق ؟
يلا عطيني اذوق
جوري : اجل قم جب لك كاس
عبدالعزيز : ياليل وش ذا
قام المطبخ وقعد يدور درج ورا درج يدور كاسه ومالقى صاح بـ جوري تعالي وين الكاسات ؟
جوري جات : بزر ماتعرف شي انت ؟ شوفه قدام عينك بس احول
عبدالعزيز : اوريك الاحول ذحين
ركض واخذ جوالها والماتشا وطلع فوق وهي تركض وراه وتقول : يابزر عطيني ودخل غرفته بيقفل الباب الا وطفت الكهرباء
صرخت جوري وطلع لها عبدالعزيز : اح وشفيه ليه طفت
بدأت تصيح جوري وتقول عطني جوالي ابغا اشغل فلاش
عطاها وماكان يشوف شي وقرر عبدالعزيز يسوي فيها مقلب🫢
انسدح بالارض بكل هدوء وجوري بدأت تنادي عبدالعزيز
وعبدالعزيز مايرد ومتجاهل وراح تخبى ورا كيس وهو منسدح وماسك ضحكته وهي خايفه عبدالعزيز وينك اخلص تعال
وبدأ صوتها يرجف وكأنها خايفه وبدا عبدالعزيز يزحف الين عندها وصرخ فجعها
صرخت الله يلعنك ياكلب وبدأت تبكي ويدها ترجف
عبدالعزيز بصدمه : ماتوقعت تبكين خلاص اسف والله اشبك تكفين
وهي تصيح ونزلت تحت الحوش عشان الشمس
ولحقها اسف تعالي وطلع معاها بدأت تتجهه لباب المبنى تبي تطلع
ويسحبها عبدالعزيز من يدها وصقعته بصدره
طالعها عبدالعزيز : خير ان شاء الله ع وين ؟
ضربته جوري ع صدره : انقلع عني مابي اجلس معاك
سحب يدها ثاني مره وقال : اعتذر منك ماكنت اعرف بتخافين هالدرجه
جوري : لا بالله مخوفني واللمبات مطفيه وماتوقعت اني اخاف ؟ غبي انت
ضحك وقال : وين الماتشا حقك وركض يطلع فوق قبلها وركضت جوري تبي تاخذ الماتشا يلي نسيته بالطاوله قبل لا ياخذه
وركض واخذ الماتشا وجوري بنص الدرج صارخت : عبدالعزيز خفت اكمل اركض من العتمه تعال خلاص بلا مبزره
عبدالعزيز : خلاص يلا جاي
نزل وقال تعالي الحوش احسن وطلعو الحوش وجلسو على الجلسه يلي برا وبدؤ يسولفون ويضحكون وكل واحد يقول موقف يضحك صار
الين ماقالت جوري سالفه خلت عبدالعزيز يغلي ❤️‍🔥
جوري : انا صارت معاي سالفه مع ولد جارنا هاذا واشرت على بيتهم
كنت بروح عند اخته ورحت عندهم وادور اخته واناديها وشكلها ماكانت بالبيت ودخلت غرفه ماعرف غرفه مين
وطلع غرفه اخوها عبدالرحمن كان منسدح وشافني دخلت وانخرش وقام وقال هلا والله جوري ( كانت تقلد صوته بمسخره )
جوري : اسفه بالغلط وجيت بطلع الا وسحبني من يدي وقال مافيه طلعه بكلمك وانا توترت وماسمعت له وحاولت ابعد عنه بس يده كانت قويه وصرخت وتركني وطلعت اركض برا البيت وحلفت معد ادخله
بس ذي سالفتي
عبدالعزيز : منجدك انتي؟ ماقلتي لخالتي ! ترا يعتبر تحرش اشبك انتي وعصب وتفاعل مع جوري
جوري : هدي ترا السالفه عدت
عبدالعزيز وهو يغلي من جوا : اقسم بالله ان شفتك طابه بيتهم ثاني مره ياويلك مني ياجوري
جوري : وانت شدخلك ان شاءالله
عبدالعزيز : انا ولد خالتك يعني بحسبه اخوك وخلاص انهي السالفه
استغربت جوري وكملت الماتشا حقها وصار هدوء وكل واحد يفكر
جوري بعقلها : مريض هاذا اشبه تفاعل كذا تخيلي يطلع يغار او شي
لا لا ماحس هو ولد خالتي يعني زي اخوي ماله شغل
عبدالعزيز بعقله : بس خليني اشوفك يابن الكلب والله لا العن خيرك
دقيقه دقيقه انا ليش تفاعلت كذا ؟ بدأ يضحك يقول يمكن لانها حب طفولتي يعني بعدين ضحك وقال لا لا ماحس كذا

انتهى البارت
ان شاء الله بأقرب وقت اكمله لكم 👋🏻