جيتني مثل الشروق يلي محى عتم الليالي

البارت 14

نواف : اي شلون سويتو الحفله المتواضعه بدون ما احس
عبدالعزيز : جوري هي يلي اقترحت
نواف : ادري والله انك كفو
فهد : بس لا تنكرني انا عطيتهم سيارتي يجيبون الكيك
لينا : صح صح
محمد : طيب يلا نصب كيك بعدها نبدأ نلعب
ليان : جبتو صحون وملاعق ؟
محمد : حنا العيال ماندري انتو البنات دوركم
جوهره : لا ماجبنا
جوري بصدمه : كذااابه ! ياخي شلون ناكل الحين
ساره : يالله
عبدالعزيز : وش الحفله ذي النايمه منجدكم ماجبتو
نواف  بضحك : منجدكم الكيك الحين وش نسوي فيه
جوهره بصراخ : مقلللللب انا جبت لو انا ماجبت كان محد جاب
جوري : خرشتيني ياوصخه
ساره : ترا ادري بس مشيت معك مقلبك النايم
محمد : لا تعيديها
جوهره : ابشري يلا نسوي مداهمه للكيك
نواف : مين اقترح الوان الكيك
ساره : انا
نواف : اللون زي وجهك حطو لون حلو طيب
جوري : حنا نبيه شي غريب
نواف : حتى الهدايا ماش
جوري : هيييي ترا الجزمه اغلى منك
عبدالعزيز : اي والله غاليه هزت الميزانيه
نواف : لا انتي حلوه بس الباقي ماش
جوهره : معد اني جايبه لك شي
نواف  وهو يضحك: كويس انتي بالذات لا تجيبين لي
جوهره : اضحك اضحك
نواف : جعله دوم
جوهره : غبي يرد على نفسه
فهد : ياخي خلاص يلا قطعو كيك
جوري : انا اقطع يلا

عند بيتنا العزيز
تركي : رهف
رهف : عيونها
تركي : اخذت فندق يومين
رهف : ليه
تركي : ابي نجلس سوا يومين اشتقت لجمعتنا
رهف : خلاص تمام
تركي : يعني اطلعي حطي اغراضك بالشنطه
رهف : وعيالنا ؟
تركي : معنا اكيد
رهف : اخذتها شقه ولا غرفه
تركي : شقه
رهف : زين
تقدم تركي جنب رهف وحضنها وباس راسها : تذكرين ايامنا زمااان؟
رهف : اي اتذكر كنا نضحك
تركي : تتذكرين يوم كنا نطلع الحوش ونشوف بعض من فوق الجدار
رهف : اتذكر

فلاش باك لأيام حب تركي ورهف
قبل  26سنه
كانت رهف جالسه تنشر غسيل اهلها على الحوش وهي لابسه لبس شعبي ولامه شعرها البني الفاتح الطويل كان الجو غيوم وهي تسمع من الراديو فيروز وتغني معها وهي مشتاااقه لتركي يلي كان مسافر ٣ شهور ولا في اي تواصل بينهم

غلبني الشوق وغلبني  وغلبني و غلبني
وليل البعد ذوبني ذوبني ذوبني

وكان هاذا النهار عودة تركي
ورهف ماكنت تعرف بسبب مافيه جوالات او تواصل انها تعرف
واهاليهم متقاطعين بس انهم جيران وعيال عم ..

وهي تنشر الغسيل وتغني بكل شوق وحب
دخل تركي بيت اهله وسمع صوت حبيبته لاول مره بعد ٣ شهور غياب
ترك شنطته على الارض وركض وحط كرسي يرفعه يشوفها من فوق الجدار
وشاف حبيبه قلبه تغني ومعطيته ظهرها وكان يتأملها بكل شغف وشوق لها
ماتحمل ونقز فوق الجدار ودخل حوش عمه ابو رهف
وقف ونطق : رهف
سكتت رهف وانصدمت التفت وراها ولقت تركي فاتح يده ويركض عندها
ضحكت رهف وتقدمت تحضنه وكان اول حضن بينهم ..
حضنها بكل قوه من كثر الشوق
وكان راس رهف بصدر تركي وعيونها المسحوبه كانت تدمع وتبكي
حس عليها تركي وبعد راسها وشافها تبكي ونطق : اشتقت لعيونك
رهف : وانا اشتقت لك كلك
تركي : لا تبكي عيونك تضعفني
رجعت رهف وحضنته ونطقت: اشتقت لك ياتركي غيابك كان عذاب
تركي : تدرين ان كان اجلس ٣ شهور زياده بس ماتحملت ورجعت لك
ماتصدقين انتي اول وحده استقبلها بعد رجوعي
ابتسمت رهف وبعدت عنه واستوعبت عن الحظه يلي صارت وقعدت تدفه : ارجع ابوي لا يشوفك ارجع خلاص
ضحك تركي وتسلق الجدار و رمى بوسه لها ونطق : راجع لك
ضحكت رهف وقعدت تدور من الفرحه ونسيت الغسيل ودخلت البيت تسقي ورودها وهي تضحك وترقص