زلزال القلب

البارت 8

بقلمي : فاطمه ال وسام

                وكَم قَسَتْ الحَيَاةُ عَليَّ يَومًا
                 ‏فَجِئتُ إلٰىٰ حَنَانك أشّتَكِيِهَا

                { تصويت بين الفقرات لطفاً }

        ~~~~~~~~~~~~~~~~~~~~~~~~

كمت سريع اركض للمكان اسوق بكل سرعتي ما اشوف كدامي اهم شي اوصل قبل لا يفوت الاوان وصلت ونزلت من السياره اركض لكيت السياره خلص انفجرت حسيت روحي طلعت من جسمي خلص انا انتهيت راحت لا لا ازل مستحيل ركضت للسياره كلها نار بديت اكسر بجام السياره بيدي بكل قوتي بس ماكدرت وضعفت حيل وكعت بالكاع ابجي ادموعي ما يوكفن ايديه كلهن دم وينزفن ادهورت حالتي احاول اوكف وافتح باب السياره بس ما ينفتح والنار تزيد بالاشتعال فجأه اسمع ذاك الصوت احد صاح بأسمي وصوتها ايي ايي هوَ صوتها درت وجهي لكيتها واكفه وضعيتها مدمره كلها دم رحت يمها ركض كضيت ايدها الي كلها جروح وردت احجي بس فجأه سيارت ثانيه انفجرت بس ابعيده. علينه عفت كلشي وحضنته قوي ماريد اخسرها لاول مره اضعف هيج رادت تروح مني وروحي تطلع ابتعدت منها وشفتها مصدومه لزمت ايدها وگلت

-: ازل شلون صار هيج شلون اخذوج وشلون طلعتي

ازل: لازم نروح منه قبل لا يجون او يسون شي

غيث: منو همه

ازل: بعدين

ركضنه للسياره وحاولنه بكل سرعه نبتعد عن المكان نيران مشتعله وتزيد قوه انفجارات ولغز وغموض مدافهم شديصير وشلون صار هيج وصلنه للبيت ازل راحت گبل للغرفه وسدت الباب كلت الاحمد بعدين احجيلك ورحت للغرفه شفت ازل كاعده بالكاع تبجي وتشهك تقدمت يمها وگلت

-: ازل شصار

بدت تبجي وتشهك وتحاول تفهمني

ازل: جنت طالعه لسوبر ماركت اشتري فه اجت سياره خدرتني وصعدتني غصب فتحت عيوني لكيت مكان شبه مظلم ضليت اصيح محد يرد فجأه دخلوا هواي شباب ضربوني بحبل عدهم وضلو يجرحون ايديه وشفت ايي ايي شفت ابراهيم واكف ابعيد ويضحك مو كلش واضح بس عرفته من ضحكته ومن وكفته وهوَ يعني شوي مبين دتفهمني وفتحوا الحبل مني اخذوني ركبوني بسياره واخذوني للمكان الي جنه بي بس مو بالسياره الي نفجرت امكان رادو ياخذوني للسياره بس حاولت بكل قوتي اشرد منهم صرت اضرب بيهم بس همه ضخمين واكو مسدسات بخصرهم اخذت واحد ودفعتهم وصرت ارمي عشوائي واصرخ ماعرف شردت اسوي بس ردت اخلص منهم ركضت هواي ركضت ماعرف وين ردت اروح بس اركض فجأه شفتك يم السياره وهذا الي صار

حضنتها وهمست " انتِ بس اهدي وكلشي راح يكون تمام اهدي وهاي هيَ ما راح يسولج شي انا يمج "

ازل: اخاف يسولك شي

غيث: مايسون شي لا تخافين

ابتعد وطبعت قبله بخده وهمست " احارب الدنيا واهلي واهلج علمود لا تتأذه شعره وحده منج اوعدج بعد ما راح تنعاد انتِ بمأن ما دام انتِ وياي "طبعت قبلة اخرى بشفتها خليتها تروح تسبح وطلعت برا الغرفه وانا وجا اسوي قهوه اجاني احمد گال