بقلمي : فاطمه ال وسام
سَأَكُون لَكِ شَاعِراً فَارِساً مُحِباً وعَاشِقاً
{ التصويت بين الفقرات لطفاً}
~~~~~~~~~~~~~~~~~~~~~~~~~~
صارت الساعه بـ2:32 رحت لبست اسود بأسود ولبست لثام وقبعه وغيث كذالك صعدنه بالسياره ورحنه للبيت اتصلت ع رولا فتحت الباب غيث بقه يم السياره دخلت وبالختلات دخلت لغرفتي بديت اطلع التصاميم اخذتهم واخذت كم غرض وطلعت واني اطلع سمعت صوت ابويه ختلت قبل لا يشوفني وبقيت استمع لحديثه ويا شخص بالاتصال
محمد: هههههه كفو منك ابراهيم ،،،، اييي،، باجر اجيك ان شاء الله،،،، ما يفوتني شي لتخاف،،،،، هههههه تمام،،
سد الاتصال وصعد فوك بقيت متشوشه شعنده ويا ابراهيم وشكو ابيناتهم مو على اساس ما يتحاجون غلست وطلعت لكيت غيث ديخابر شافني وسد الاتصال صعدت بالسياره واحنه بطريق لتزمت الصمت لحدما وصلنه للبيت نزلت دخلنه لكينه احمد بصاله كعدنه يمه بديت اراويهم التصميم واشرحلهم عليه وشكد راح نربح منه وشلون نكدر نزيد الارباح بطريقه شرحنه اله وكلامنه عنه وشلون يكدرون يقدمونه بطريقه مميز صارت الساعه ب 7:30 واحنه لهسه ما مخلصين شغل ولا نايمين
غيث: خلينه لهنا نوكف ازل انتِ تعبتي روحي نامي
ازل: جوعانه
احمد: انا هم والله
كام غيث راح للمطبخ واحمد راح ورا بقيت اباوع بالتصاميم واتذكر من جنت اتعب لحد ما اصممهن وشلون جان اسمي معروف هلكت اسوء شي الذاكرة تحمل في طياتها خناجر قاتلة، ليس فقط للأشخاص الذين نفتقدهم، بل للأشياء التي لم نعشها،، قاطع تأملي وتفكيري غيث من اجه يمي تقرب مني وضل يتلمس بوجهي ابتسمت وطبع قبله بشفتي وهمس " حـيلي على حيـلج يا بعَد حـيلي "
ازل: تعبت هوايه
غيث: ديجهز الاكل اكلي ونامي
ازل: وانتَ
غيث: اكل وياج واطلع
ازل: وين
غيث: عندي كم شغله لازم اخلصها
ازل: بس انت ما نمت وتعباان
غيث: عيونج وحدهن مريحاتني
ابتسمت رحنه كعدنه ع طاوله الطعام التزمنه الصمت لان كلنه تعبانين خلصوا وطلعوا رحت غسلت المواعين ونظفت البيت والهوسه الي صارت رحت للغرفه نظفتها خلصت ودخلت سبحت سشورت شعري ونمت كعدت ع حس شخص يتلمس بوجهي وايدي فتحت عيوني لكيت غيث ابتسمت لتزم الصمت وبس يتلمس
ازل: غيث
غيث: اشششش
لتزمت الصمت تقرب مني طبع قبله وبده يلعب بشعري همس " شتاقتيلج زلزاله گلبي " بقيت متلزمه الصمت طبع قبله ثانيه
YOU ARE READING
زلزال القلب
Adventureالأشياء الحزينة تعطي للحياة عمقًا ومعنى أكبر، فلا بد من تجربتها لفهم جمال السعادة. 2024/5/29 بقلم : فاطمه ال وسام
