ثمن الماضي 🥀🥀

البارت الرابع

صوتو وعلقو ⭐⭐⭐⭐

وعلقو .........

ثمن الماضي

الكاتبة ندى البياتي

البارت الرابع

... 

كمال : اي لمدين ليش لمنو عبالكم

مدين

انتبهت عليهم انكلبت وجوهم بعد ماجانو فرحانين بجيتنا
ضاع الحجي منهم ناس تباوع لناس بتوتر

كام حمدي مسح لحيته وطلع من الغرفة بدون ما يستأذن وملامحه ماتبشر بخير لحكه اخوها بخطوات سريعة

ابوي من شاف هذا تصرفهم وما احترموه كام ينفخ والله اعلم شيتوعد بداخله علي بعد هاي الأهانة و امي لازمة ايده تهدي بيه بدون ماتبين نفسهة وتبتسم بوجه امهة وابوهة الي بقو گاعدين ما يعرفون شلون يبررون تصرف جد شيماء  

باوعلي بابا بخزر وجهه محتقن من الغضب يريد يفهم شنو هاي المهزلة الصارت جدامه و ليش گامو هيج بدون ما يگولون شبيهم

تضاهرت مامنتبهله وعيني على عماد اتوسله بعيوني يخلصني من هاي الورطة الوگعت بيهة بابا مستحيل راح يقبل يناسبهم بعد هاي الأهانة بحقه وما احترموه

بعد شوية اجى جد شيماء واخوها وعلى وجه ابتسامة عكس قبل شوي وكعدو بمكانهم حجة حمدي وعلى ويحجي بفرح

حمدي : اعذرني استاذ كمال على هذا التصرف الموحلو بحقك لأني كمت بدون ما استأذن
بس هاي طبيعتي بس اتذكر شي ضروري افز عبالك مخروع وحيل مسببتلي احراج ويا الناس بسببهة

وهسة اتذكرت شغلة ضرورية بالشغل ولازم انطيهم خبر عنهة، والله لو متأخر عليها دقيقة وحدة جان راح علي كوم شغل وخسرت كوم فلوس وهالكمت بساع مخروع عليها ههههههههههه

هز ابوي راسه بس مامقتنع بحجته راد حمدي يلطف الجو

_ و اكيد احنى موافقين النا الشرف ان ننطي بنتنا لمدين وين نلكي احسن منه هم شاب وهم مثفق ويكتب روايات اكيد احفادي راح يطلعون كلهم شبه هالكتاب والله ماعرف اسماءهم هههههههه

وگام يضحك تنفست براحة خفت يرفضوني جدام اهلي وابوي يطيح حضي وبعد ما اخلص من لومهم لأني حطيتهم بموقف محرج شرب ابوي من گهوته وكال

_ بيها الخير نقرأ الفاتحة

قرأو سورة
الفاتحة

اسيا: وين العروس ماشفناهة

سعاد : هسة اروح اصيحهة

اللتفت لي عماد : الف مبارك خوية

جاوبته وكلبي يدك من هالموقف الجان راح ينگلب ضدي : الله يبارك بيك يوم الك

باوعلي بطريقة غريبة مليانة عتاب وكأنه فتحت جروحه بكلامي وخر وجهة مني وشرب قهوته وهو ساكت،