ثمن الماضي 🥀🥀

الفصل التاسع

صوتو ⭐⭐⭐⭐

علقو ..........

ثمن الماضي
البارت التاسع

الكاتبة ندى البياتي

(ملاحظة  شخصية  احمد او علاء هذن الأسمين لنفس الشخص ،احمد  اسمه الحقيقي
وعلاء  اسمه الحركي، يعني اذا شفتو تبادل بين اسم علاء او احمد لا  تخربطون بيهن  لأني انا متعمدة اغير بين الاسمين ،اما ليش يحمل اسمين راح تعرفونه بالبارتات الجاية )

مسرة

اللتفت رأفت  للغرفة الي طلع منها الصوت وراح يمشي بهدوء وكأنه متعود على هذا الصوت ما صار عنده اي ردة فعل  بين ما اني  ساحت روحي  جلبت  بضهر مدين همستله وگلبي يدك سريع 

مسرة : مدين هاي شنو الصوت

مدين : شعرفني

مسرة : اخاف مسكون  خلينا نشرد قبل لا يجي

اندار لي وگال : منو الجان يحجي بزود والا تسوينه عبرة لباقي الرجال  

مسرة : مشي خل نطلع ياعبرة يا صخام  اخاف يطلع مجرم لو مسكون ونروح بيها

سمعنا صوت طبة مرة ثانية فزينا اثنينا عليها  وبقينة واحد يباوع بوجه الثاني  وبدون اي تفكير طلعنا نتراكض  من البيت  بس العجة ورانا  بعد ما بيها مجال نبقى اكثر جريناهة على ركضة وحدة   حتى ما التفتنا
و رانا

لحد ما طلعنا من الفرع الضيك  وصلنا السيارة مالته وقفلنا البوب وبساع شخط السيارة وطلعنا من المنطقة كلها ابن ابوه اليلزمنا 

خليت ايدي على كلبي وانفت  واضحك على شردتنا من بيت رأفت همزين محد شافنا شلون انهزمنا  عبالك ثور يركض  ورانة يريد ينطحنا

مدين : انعل ابليسج اذا بعد طلعت وياج  على هيج اماكن

مسرة  : ههههههه يمة گلبي جان انعلسنا الا شوية

مدين : و تبيعين بطولات براسي  اسوي واسوي  اشو من صوت الطبة خنستي من الخوف 

مسرة : شعرفني  هيج بيته مريب وشكله يخوف  ... سحبت نفس وگلت  على هاي الهبطة سكري نزل  

مدين : اذا انتي سكرج نزل اني زعت العافية

مسرة : عليك الله هم خفت

مدين :  طبعًا خفت ، خفت عليج

مسرة  ؛ هاي الكلاوات مو علي  خايف علي  كول  انت هم خفت  مثلي من الصوت

مدين : ما شفتي نفسج خفت لا يوگف گلبج هناك  وبقى احير بيج

ضحكت وبحركة سريعة خليت ايدي على گلبه  هو هم جان گلبه يدگ سريع  من الصار  بس مايريد يعترف

وخر ايدي بحركة خفيفة  ضاغط على ايدي مايريد يعوفهة بس عافهة بعد ما  حس على نفسه   وخلة ايده عالسترين وحجة
: الله حفضنا وطلعنا مناك  لو باقين اكثر الله اعلم شصار بينا مسرة  بعد لا تعيدينها