قمر الإنتقام

✨الفصل الثالث عشر ✨

صحا عيدكم 😭❤ ، العودة بعد فترة طويلة من الغياب لي كنت مشغولة فيها مع الباك ، إن شاء الله ربي ينجحنا كامل ، المهم اذا لقيت تفاعل على الأحداث ورأيكم على تسلسل تاعها واش الغلط واش مليح نزيد نحطلكم ونكتب أكثر وصراحة القصة هادي من حيث الأفكار كاملة برك بقالي نكتب برك ، استمتعوا بالبارت ❤

🌟🌟🌟🌟🌟🌟🌟🌟🌟🌟🌟🌟🌟

ليديا : bonjour  مسيو إسلام راهو هنا ؟
سيليا : bonjour mademoiselle Lidya وي راهو هنا عندك un rendez-vous ؟
ليديا : قوليلو 
قمرة : سيليا نتي كمليلي لورق وجيبيهم عند إسلام،  bonjour mademoiselle lidya انا قمرة مصطفاوي 
ليديا  : enchanté أنا ليديا لعريبي شريكة جدييدة للشركة 
قمرة : اتفضلي معايا 
دقدقت قمرة ودخلت وسمعت إسلام يقوللها 
إسلام: واش فريتيها (طلع راسو وكي شاف ليديا سكت ) mademoiselle Lidya مرحبا بيك 
وقف خمس معاها وقعدت هي فالكرسي وقمرة مقابلتها 
ليديا : في الصح جيت نعرضكم راح نديرو حفلة للشركة كل 5سنين  نديروها حفلة 30سنة تع تأسيس الشركة ، جبتلكم دعوات تاعكم نتا والباقي 
إسلام: يعيطك الصحة كي شقيتي روحك ، إن شاء الله نقدرو نجو 
ليديا : ان شاء الله، مدام ؟
قمرة : قمرة 
ليديا : مسيو إسلام هادي مرتك ؟ (ضحكت بحرج ) بسك إسمكم كيفكيف علابيها 
قمرة تبسمت وهو تان 
إسلام: قمرة تكون بنت عمي و amis intime تاعي 
ليديا : ياا شحال حطة ربي يدومها 
قمرة : امين ميرسي 
ليديا : مالا نستناكوم كيفكيف تجو ، مام نتي مدام قمرة تفضلي (جبدت invitation عطاتهالها وكانت عطات لإسلام تان تع أيمن ومنال وأمير ) 
وقفت ليديا ووقفو معاها هما تان ، خمست معاهم في زوج وخرجت . جات سيليا وجابت لورق وهو دار اللازم 
جاز شوية وقت بين الخدمة وقمرة دارت في الشركة وجابت ثلاث خطرات قهوة ليها ولإسلام 
قمرة : اوفففف ، إسلام ما تكرهش حياتك هنا نهار كامل ؟
ضحك عليها وهدر 
إسلام: قمرة راني نجي نخدم ماشي كيما نتي راكي قاعدة بلا فايدة 
قمرة تبسمت فوق القلب معاه وهدرت في قلبها (لوكان جيت تعرفني صح تندب حناكك 😌😌🙄)
قمرة : إسلام 
إسلام: قمرة 
قمرة : هيا نروحو ناكلو جعت 
إسلام: اصبري شوية 
قمرة : هيا كي تولي تكمل تخدم 
تنهد يصبر روحو علابالو رح تهبلو تسما ناض وهي تان شدت فيدو وخرجو كيفكيف ، صراحة استغرب كيفاه شدت فيدو وتمشي معاه بكل راحة 
بعد نص ساعة وصلو لواحد resteront  بعيد على الشركة هبطو ودخلو لقاو بلاصة راحو قعدو 
إسلام : رانا جينا يا لالة واش تاكلي 
قمرة : راني متشهية فريت بالشاورما 
إسلام : اووو كون قلتيلي نديك عند واحد يبيع شاورما 
قمرة : هداك خليه لعشية نتعشاو عندو 
إسلام ضحك : اوكي ماشي مشكل 
كمونداو ماكلتهم وقعدو يحكوا هكا 
قمرة : وقتاش الحفلة ؟
إسلام: نورمالمون غدوة عشية على 20:00 
قمرة : مليح إمالا مور لفطور تخليلي طونوبيلتك نروح نشوف une robe 
إسلام: كيما تحبي 
تبسمت تحب كيفاش يعاملها ويحترمها ويبينلها الحب تاعو حتى لو ماشي معترفين لبعضاهم بصح كاين حقيقة وحدة لي هي إسلام وقمرة لبعضاهم 
كملو فطورهم ووصلاتو للشركة وهي راحت تشوف روبا ليها للحفل . وصلت واحد boutique  تع les robes soirée  موالفة تشري من عندو 
دخلت وقابلتها طفلة لي تخدم لتم بضحكة خفيفة وردتلها قمرة تبسيمة 
طفلة (سارة): مرحبا بيك مدام 
قمرة : ميرسي ، جيت نشوف les modèles جدد لي عندكم 
سارة : oui bien sûr  واش حابة exacte؟
قمرة : عندي حفلة تع شركة ورح تكون فالليل حبيت حاجة توالم لهاد الحفلة 
سارة : معليه تفضلي معايا نجيبلك الجديد 
دخلت معاها وجابتلها شحال من مودال بدات قمرة تقيس وتصور وتزيد تقيس وتصور حتى لقات روحها قاست وحد  5 روبات وواحدة ما عجبتها 
سارة : تحبي نجيبلك مودال واحداخور ؟
قمرة : وي اذا تقدري 
سارة (تبسمت ): tout de suite 
راحت سارة تشوفلها وهي قعدت فوق فوتاي لي لتم وبعتت تصاور لأماني 
عيطتلها أماني ديراكت 
أماني : حبييي
شاف فيها عصام بنص شوفة 
أماني : واش تشوف فيا هكا نتا ؟
قمرة ضحكت : سلمي على لغيور ، إيه واش رأيك شكون فيهم ؟ خفي بسك ماعنديش وقت 
أماني : لولة خير جاتك شابة وديري شعرك ليس مطلوق 
قمرة : هيا مليح دقيقة برك ، مادموزال ندي هادي... إيه دوكا نديها ... ميرسي ني نستنا ، عطيتلها تروح تسقمهالي باش نديها ، إيه وقتاه ناويين تولو ؟
أماني : وقيل على  4 jours هكاك 
قمرة : مليح  راني هدرت مع إسلام على السطاج وكلش رح نديروه عندو وكلش مفري انا غدوة نبدأ ونتي كي تجي تبداي 
أماني : هيا مليح ، حقا تاع واش روبا هادي ؟
قمرة : كاين حفلة تع شركة لي تعاقدو معاها جديد وعرضوهم والطفلة كي تعرفت عليا عرضتني مع إسلام 
أماني : امممم طفلة قلتيلي 
قمرة قلبت عينيها : أماني تعيشي ما تبداينيش رأسي راه يوجع ما تزيديليش 
أماني : هكاك ريحي تشوفي فيه حتى تجي ست الحسن لي تديهولك ،  اسمعي انا ما نقبلش وحدخرة مرأة خويا تسما ديري حسابك 
ضحكت قمرة وودعت من بعد خلصت روبتها وخرجت ، حطتها فالطونوبيل وديمارات راجعة للشركة 
كان إسلام مع منال يخدم ويتناقشو 
إسلام: منال هدوما قولي لسيليا تسقمهملك وابعتيهم ، وتان هاكي la carte d'invitation جات مادموزال ليديا جابتهم ليوم 
منال : مليح  .... امممم معامن رح تروح نتا ؟
إسلام: مع قمرة راهي معروضة تان 
كانت تتبسم متأملة تروح معاه حتى راحت بسمتها بشوية كي سمعت أسمها ، غير كان حا يشوف فيها عاودت تبسمت فوق القلب 
منال : إمالا أنا نروح نتلاقاو غدوة ان شاء الله  
إسلام: ان شاء الله 
خرجت وتلاقات بقمرة ، قمرة تبسمت ودتهالها منال فوق القلب وكانت تبان وقمرة استغربت علاه 
قمرة : وشبيها هادي تان ؟
دخلت عندو كي شافها تبسم 
إسلام: واش كملتي ؟
قمرة 😌: وي كملت كلش واجد حتى costumes تاعك وجبتو في طريقي 
إسلام: أنا كملت خدمة هيا نروحو 
كانت الساعة قريب المغرب 
قمرة : مالا نروحو نتعشاو وين قلتلي صباح 
إسلام: كيما تحبي هيا نروحو 
رفد les cartes d'invitation تع الباقيين وصوالحو وخرجو كيفكيف 
إسلام: يادرا روبا لي خيرتيها 
قمرة :  it's a secret 😉
إسلام: 😏okey 
ديمارا لعند لي يبيع شاورما كان جاي حانوت قريب للبحر تسما تشري وتهبط تاكل عند لبحر ، راحت حكمت بلاصة قريبة للشط وهو راح يشري ، شوية هكا وجا وفي يديه plat  حاط فيه les sandwichs مع jus ، حكمت sandwichs تاعما وكلات أول لقمة وغمضت عينيها تستبن وهو يشوف فيها ويتبسم على les jestes تاعها 
قمرة : اوخخخخ شحال بنين عندي شحال ما كليتش واحد بنين هكا ، اسمع انا نزيد واحد 
إسلام: بالاكي تسماني تولي ماشي شابة 
قمرة : أنا في كل حالاتي شابة canim 
إسلام: oyle mi ؟
قمرة: evet 
كملت تاكل ومرة على مرة يهدرو كملت تاعها وزادت وحداخور كيما قاتلو 
إسلام: عمي منصف وقتاش يجي ؟
قمرة : معلاباليش ما هدرتش معاهم كامل ، ديجا صح فكرتني ماما ما عيطتش تكونطرولي هاد اليامات ، اصبر تشو 
كانت قاعدة ومنحية صاندال تاعها وكان البرد شوية كي شافها تدفي في يدها نحا فيستا تاعو وحطها فوق كتافها 
قمرة : وي خالو ... لاباس الحمد الله ونتا ؟ وسيبال ؟ .... راني مليحة برك عيطت نسقسيك إدا هدرت مع ماما وماني بسك هادي يامات وماعيطتليش راحت كامل من بالي 
تيم توتر بصح حافظ على هدوء تاعو : مكان والو زينة تاعي سور كانت مشغولة برك 
قمرة ضيقا عينيها بشك : خالو تيم شكون انا ؟
تيم : قمرة بنت ختي الشابة لي تظل تهبل فيا بصح نموت عليها 
قمرة : خالو ما تعفسهاليش بالهدرة المعسلة نعرفك ، واش كاين ؟ كشما صرا لماما وبابا ؟ ماني ؟ نهال ؟ 
تيم : قمرة مكان والو مكالاه تقلقي روحك 
ناضت من بلاصتها مقلقة ووقف معاها إسلام تان كي شاف حالتها 
قمرة : خالو والله وما تحكيش غير نحكم طيارة ونروح لعندهم تعرفني 
تيم غمض عينيه : خلاص احكمي بلاصتك ، صحا معامن راكي ؟ 
قمرة: راني برا مع إسلام  
تيم : مليح ، قمرة باباك صراتلو crise cardiaque بصح ماشي حاجة كبيرة 
غمضت عينيها تنفست بسك ماشي مليح ليها تقلاق وسكتت un bon moment 
إسلام: قمرة ؟؟
تيم : قمرة وين رحتي ؟
قمرة : وين راه ؟ (خرج صوتها بسيف )
تيم : راه فدار قتلك ماشي حاجة كبيرة ديجا قاتلي أنيسة يامات ويجو لدزاير  ومن بعد نهال ويما يجو 
قمرة : خلاص صحا واشفا عليها هادي لي ما قلتليش 
تيم : قمرة 
قمرة : باي باي خالو 
كوبات ودارت يدها على جبهتها تتنفس وإسلام يشوف فيها ما فاهم والو 
إسلام : قمرة 
دارت ليه شافت فيه بعينين قطة كيما كانت صغيرة كي تزعف من أماني وتروح ليه وعنقاتو وهو تان 
إسلام: قمرتي وشبيك ؟ كشما كاين ؟
قمرة : بابا 
إسلام: وشبيه عمي ؟
قمرة : حكماتو crise cardiaque وواحد ما قالي 
إسلام  : وكيفاش راه دوكا ؟
قمرة : راه مليح بصح مارانيش مطمنة حتى نشوفو 
بعدها عليه وحكم وجهها بين يديه 
إسلام  : ما تخافيش عمي ما يصرالو والو وديجا ماراهش وحدو ياك مكالاه تقلقي روحك .... نروحو ؟
قمرة : إيه هيا 
رفدت صاكها وهو رفد plat  وحطو عند لحانوت وكان خلص من قبل وركبو طونوبيل وراحو للدار . كي وصلو كانو هداك وين راهم يحطو لعشاء في القصر ، دخل مالباب تاع القصر وحبس طونوبيل وكانت مزالها بالفيستا تاعو وكانت نسرين مع سليمة مالتاقة تع بيتهم يطلو كيفكيف 
سليمة : قتلك حكايتهم ماشي ساهلة 
نسرين تنهدت : علابالي ، ارواحي نتي وفهمي إيلين 
دخلو مالباب كيفكيف وقابلتهم أمينة هابطة للصالون ، شافت قمرة وجهها مبدل وراحت عندها شدت وجهها 
أمينة : وشبيها غزالتي شكون زعفها ؟
قمرة : والو طاطا انا نطلع نريح 
طلعت ديراكت للبيت ماشي حابة تبكي قدامهم ، وشافت أمينة في إسلام 
أمينة : واش كاين إسلام ؟
إسلام: عمي منصف حكماتو crise cardiaque  بصح راهو مليح  ، راهي زعفانة كي واحد ما قاللها وخالها عرفتو منو مقبيل 
أمينة لي غير سمعت شهقت ودارت يدها على فمها 
إسلام: أنا نطلع نريح ني عيان 
أمينة: ولعشاء ؟
إسلام: تعشينا برا بصحتكم نتوما 
سلم على رأسها وطلع لبيتو ، دخل دار دوش خفيف وخرج لابس short بلا تريكو وتكسل يخدم بالتلفون 
تحت في الصالون كانو قعدو كامل على العشاء ، كانت إنصاف قاعدة قدام أمير وغايسة تقلب في ماكلتها ، كي شافها هكاك خبطها في كتفها بشوية وشافت فيه 
غمزها وهدر : وشبيك ؟
تبسمت إنصاف: والو ني عيانة برك 
نطقت فاطمة كي العادة ما تخليش نهارهم يجوز بلا ما ترمي هدرة 
فاطمة : إسلام و قمرة وين راهم ؟ علاه ما جاوش للعشاء ؟
نطقت أمينة بعد ما شافت فيها ببرود 
أمينة: تعشاو برا وكل واحد راه في بيتو 
حركت رأسها فطوم بإيه وإيلين حست روحها رح تطرطق ، سليمة شافت في نسرين . 
أمينة : أمير أيمن إسلام قالكم جوزو عندي 
أمير : معليه خالتي 
كملو عشاهم وكل واحد راح لبيتو وشغلو ، النساء قعدو في الصالون والبنات كل وحدة وين ، إنصاف في بيتها و رؤيا وماريا كيفكيف يقصروا وإيلين في بيتها ، وأمير وأيمن في بيت إسلام 
أمير : واش سحقيتنا ؟
رفد les cartes  وعطا كل واحد تاعو 
أيمن : غدوة مالا ؟
إسلام: ايه 
أيمن : نروح نشوف الزوجة لا تجي 
أمير ضحك : الزوجة امالا 
أيمن  : بلع 
ضحك إسلام وأيمن راح يعيط لهلال وبقا أمير مع إسلام 
أمير : بشتت 
شاف فيه إسلام 
أمير: وشبيك قالب وجهك ؟
إسلام: عمي منصف حكماتو crise cardiaque 
أمير : كيفاش راه دوكا ؟ رحتو شفتوه ؟
إسلام: راه مليح وعندها يامات تسما دوك راه مليح ، وماراهش هنا راه في دبي مع مرتو 
أمير : وقمرة كيفاش راهي ؟
إسلام: كيفاش تكون مقلقة باينة 
أمير : ربي يجيب الخير أنا نروح تصبح بخير 
إسلام: ونتا بخير 
خرج أمير  رايح لبيتو كي كان جايز على بيت إنصاف حبس ودقدق 
إنصاف: ادخل 
دخل رأسو وتبسم 
أمير  : نقدر ندخل ؟
ضحكت معاه و قاتلو إيه ، هي وأمير ماشي بزاف قراب بصح يتفاهمو . دخل قعد في طرف البونك وهي فالوسط مربعة رجليها 
أمير : وشبيك زعفانة ؟ شكون قلقك ؟
إنصاف  : ما بيا والو قتلك عييت مالقرايا شوية وكي قريب نكمل تسما عييت برك 
أمير : علابالك بلي ما تجوزيهاش عليا بصح نقول أمنتك ، المهم جيت نقولك حاجة غدوة عشية كاين حفلة تاع شركائنا وعرضونا وما نيش حاب نروح وحدي قلت اذا تجي معايا وهكا نكونو زوج شابين من عايلة مصطفاوي هكا نورولهم الزين تاعنا 
غمزلها في هدرتو وهي ضحكت من قلبها على هدرتو ، عجبتها الفكرة وقالت علاش لالا 
إنصاف: اوكي نجي أصلا توحشت حفلات هكا ، بصح معنديش لبسة ؟
أمير : خليها عليا غدوة صباح نروحو كيفكيف ونشرو 
إنصاف: خلاص تفاهمنا . خمست معاه وضحكو كيفكيف 
أمير : هيا ارقدي تصبحي بخير 
إنصاف  : ونتا بخير 
خرج وراح لبيتو يرقد . في الليل ، كانت قمرة قاعدة في التاقة تاعها ماجاهاش نعاس من بعد خممت تشرب أتاي ناضت هبطت للكوزينة وكانو كامل راقدين ، جبدت دوزان وبدات دير ، سمعت خطوات تع بنادم خفاف ودارت روحها شغل ما سمعت والو وغير لحق ليها دارت تجري رافدة موس ودارتو لرقبتو ، أمين 
أمين : واووو relax بنت الخال 
شافت فيه ببرود ونحات الموس وهدرت 
قمرة: انا نعرف غير السراقين لي يدخلو يمشو هكا 
أمين : وانا نعرف غير المافيا لي يشدو موس هكا ، وقيل نتي مافيا ومعلابالناش ؟ (قالها بنبرة سخرية واضحة وهي قلبت عينيها ) 
قعد في كرسي وهي توجد فالأتاي ، دارت شافت فيه بنص عين وكملت واش كانت دير 
قمرة : خير ماراكش تبان ؟
أمين : وقيل توحشتيني ؟
قمرة : هاهاها اممم توحشتك (قالتها بسخرية ) الدرا راهي calm هاد اليامات علابيها 
ضحك أمين  : تسما انا تع حس ؟
قمرة : شوف نتا 
فرغت زوج كيسان أتاي واحد حطاتو ليه وواحد ليها داتو وخرجت للجنينة تقعد فالحشيش ، وهو تبسم على جاست تاعها ورفدو وخرج موراها 
قمرة : راح تقعد تبع فيا هكا ؟
أمين : ياك الجنينة واسعة ماش راح نلسق فيك 
سكتت وكملت تشرب وهو تان قعد بعيد عليها شوية . إسلام كان ناض مالرقاد و خرج للبالكون وشافهم في الجنينة تقلق شوية ، واش راه يدير هذا مع قمرة ؟ ، هو ما يكرهش وليد عمتو بصح يعرفو كيفاش جاي 
أمين : انا نطلع ، تصبحي بخير 
حركتلو رأسها وراح هو كي جاا طالع تلاقى مع إسلام ، تبسملو باستفزاز وجاز عليه ، إسلام كمل طريقو لعندها ولقاها مزالها كيما شافها قاعدة ، راح قعد قدامها ديراكت 
قمرة : ماشي كنت راقد ؟
إسلام: كيفاش عرفتي ؟
قمرة : جيت جبتلك الفيستا تاعك لقيتك راقد 
تبسم هو وهي حمارو خدودها ، كي دخلت هو كان مزال ما رقد ودار روحو رقد بسك حس عليها حس بخطواتها ، خطواتها كانو غير مسموعين تقريبا حس بيها كي قربت عند رأسو حطت الفيستا وطفات الفيوزة قعد حابس يستنى خطوتها الجاية حتى حس بيها كي مشطتلو شعرو بيدها وغطاتو وخرجت . كي خرجت فتح عينيه متبسم تفكر كي طاح شعرها على وجهو ورفداتو زربة 
إسلام: وشبيك ؟
قمرة : والو ، علاش راك لاسق فيا ديجا ؟
إسلام  : راني قاعد نورمال  ، بصح راني نشوف وليتي تتقلقي غير مني وحدوخرين لالا 
قمرة : إذا راك على أمين غير مكالاه في زوج عاكستكم  تسما ما تبداش 
صباح ناض أمير وجد روحو وهبط يفطر ، كانت إنصاف لتحت ديجا ، راح قعد قدامها 
أمير  : صباح الخير،  راكي مبكرة 
إنصاف: باينة ، نضت بكري درت سبور  
أمير: مرة جاية نوضيني في طريقك ، نخرجو ؟
إنصاف: اصبر نكمل ناكل 
زادو شوية وخرجو راحو لبوتيك تاع les robes  ، دخلو وهدرو مع الخدامة وقعدو يسناو 
إنصاف  : راني حابة حاجة simple 
أمير  : دوك انا نخيرلك ما تكسريش رأسك (غمزلها ) 
جابولها les robes  وبدأ تشوف وهو خير زوج 
أمير: هيا روحي قيسيهم 
شدتهم ودخلت تقيسهم لولة كانت حمرا ما عجبتهاش مي هو عجباتو ، دخلت بدلت ولبست دوزيام كانت كحلة شابة وقماشها جاي تع السكر شغل ، كي خرجت هو ضربها بتصفيرة وهي تبسمت 
إنصاف : واش؟
أمير : ليوم يخطفوك 
ضحكت وضحك معاها ودات هديك الروبا وخلصو وخرجو شرات صندالة معاها وبوشات عندها فالدار 
أمير : انا لازم نجوز لبلاصة عندي خدمة صغيرة نفريها 
إنصاف : نجي معاك اصلا كرهت مالدار 
راح للأوتيل لي كان يستنى فيه واحد صاحبو دخلو كيفكيف وقعدو وين يستناو ، بعد مدة جا صاحب أمير ، أمير خلا إنصاف وراح عندو وهي بقات تخدم بالتلفون حتى يجي وفجأة سمعت صوت يعيطلها 
عبدو : إنصاف 
إنصاف : واش جابك لهنا ؟ 
عبدو : إنصاف خليني نهدر معاك تعيشي 
إنصاف : ماعندك ما تهدر معايا ، ماتعرفني ما نعرفك 
جا يهدر حتى جا أمير 
أمير : كشما خصك ياخو ؟ (قالها أمير وغمزلو ) 
عبدو : والو يا خو 
إنصاف : نروحو ؟
أمير : هيا .  الجاست لي دارو أمير خلاهم في زوج يتشوكاو بصح إنصاف دارت روحها عادي ، أمير عطالها يدو باش تشدها وهي ما رفضتش وعبدو قعد يشوف فيهم . ركبو في زوج وشاف فيها 
أمير : هدا هو ؟
إنصاف حركت رأسها إيه وهو ديمارا . عرفت بلي فهم كلش علاش كانت زعفانة هاد اليامات وعلاش جبدت روحها عليهم .
وصلو للدار وهبطت رفدت صاك تع روبتها وكي كانت رايحة حبسها 
أمير متبسم : عشية على 19:30  نجي 
إنصاف : اوكي
دخلت وطلعت لبيتها وبدات توجد في روحها . جاز الوقت على لبنات وهما يوجدو في روحهم ، لحق الوقت وكانت قمرة وإنصاف واجدين ، خرجو كيف كيف من بيوتهم وتبسمو لبعضاهم
قمرة: رانا شابين ياه 
إنصاف : باينة بنات مصطفاوي 
ضحكوا كيفكيف وخرج فهديك الدقيقة أمير وإسلام 
إسلام كان لابس كوستيم كحل كومبلي وأمير لابس واحد كحل بصح شوميزي بيضاء 
صفر أمير وتبسم معاهم 
أمير : وقيل ليوم راح ندير بروبلام علاجالكم 
قمرة : بركا مالجياحة ، هيا نروحو هداك هو 
راح أمير شد يد إنصاف بطريقة الأمراء وضحكوا عليه كامل ، شاف إسلام فقمرة وعطالها يدو تشدها وشدتها وهبطوا لقاو أيمن يستنا فيهم مع هلال في الطونوبيل ديماراو للحفلة .
وصلو للحفلة لي كانت في اوتيل شباب ، هبط أيمن وفتح لهلال الباب وشدها ودخلو كيفكيف والكاميرات تصور فيهم ، زاد هبط أمير ودار على طونوبيل فتح الباب لإنصاف وشد يدها تبسمو لبعضاهم والكاميرا  وثقت اللحظة المميزة لي نقدرو نقولو بدات منها حكاية جديدة . واخيرا خرجو كوبلنا المجنون ، إسلام لي دار نفس فعل أمير وشد يد قمرة يعني شبك يدو مع يدها وهاد الشي خلا الكاميرات تتهافت عليهم اكثر من قبل لأنو جاست كيما هدا عندو معنى كبير 
وقفو  قدام  طاولتهم المخصصة لي كانت قريبة وين يلقوا الكلمة يعني كانوا مع الأوائل تقريبا ، كانت هلال مدخلة يدها في يد خطيبها ويهدرو ويضحكوا وأمير حاط يدو بلا مايفيق على خصر إنصاف وماكانتش هي من المعارضين ، أما إسلام وقمرة فكانوا واقفين جنب بعض بشكل عادي لكن نظراتهم كانت لامعة ، قمرة تأثرت من حركة إسلام كي كانوا داخلين وخلات فراشات يطيروا في داخلها وهو كانت نظرتو نظرة إنتصار لأنو قدر يوصللها مشاعروا وموقفو اتجاه علاقتهم اللي مزال ما حطولها إسم . إنظمت ليهم منال متأخرة وكانت شابة بكل صراحة  لابسة روبا غوز كلاغ ودايرة مكياج نفس اللون في الخفيف 
كانوا البنات يهدروا فيما بيناتهم إنصاف وقمرة كيف كيف وهلال ومنال كيفكيف  
إنصاف : شفتي كيفاش راهي تشوف فيه من مقبيل ؟
قمرة شافت في ليديا وصحبتها لي كانوا يهدرو على إسلام باينة كي الشمس 
قمرة : وش حبيتيني ندير مثلا ؟ نحيلها عينيها ؟ 
ضحكت إنصاف عليها وشافهم أمير تبسم على ضحكتها 
قمرة : سالي على روحك حبي أنا تاعي مضمون شوفي مع تاعك لي كلاتو صحبتها بعينيها 
تبسمت قمرة تقلق في إنصاف لي وجهها ولا حمر مالحشمة 
إنصاف :ااا واش راكي تهدري ؟ 
قمرة تقلد فيها : اااا راني على أمير عمباتلك ما تحلبتلكمش وقيل ؟؟ إسمعي انا حاجة ماتغفى عليا كل حاجة فايقتلها 
إنصاف : راكي غير تخلطي ، هو عرضني كي شافني مديقوتيا وانا حبيت نجي هدا مكان 
قمرة : اممم امنتك زيدي قوليلي التصويرة لي حكموكم بيها مقبيل والشوفات تاعكم مديقوتاج ياااك 
إنصاف : قمررررة 
إنصاف حشمت كثر ورفدت بوشاتها وراحت لدورة المياه <اعزكم الله > وقمرة تضحك عليها 
دار أمير شاف في قمرة وسقساها 
أمير : وشبيها ؟
قمرة بضحكة : كي سقسيها او شوف ادا تقولك 
أمير عقد حواجبو ما فهم والو وقمرة ضحكتها زادت كثر قرب إسلام منها وهمسلها 
إسلام : ضحكتك شابة وكامل شافوها ، وأنا نغير 
دارت ليه قمرة وتبسمت وسنيها يبانو ، حبت تلعب معاه 
قمرة : تغير عليا وليد عمي ؟
ضحك إسلام وهي ضحكت وقمرة كانت حاسة بنظرات ليديا وصحبتها رمات عينها خفيف لقاتها عاقدة حواجبها ، يخي جايحة من نيتها طامعة فيه . حبت قمرة ترفع level تع لعبها ، حطت يدها على لحيتو تمسح عليها بشوية وهو تبسم بمكر فايقلها يعرف تاكتيك تاعها وهادي وحدة مالتكتيكات لي ديرهم كي تغير 
قمرة : وأنا كيفاش ندير مع العيون لي راهم يتأملو ضحكتك من مقبيل ومكاش وحدة شافتها وما طاحتش فيك ..هممم؟ 
ضحك عليها بخفة وقرب منها 
إسلام : ومثلا نتي وحدة ماللي طاحوا فيها ؟ 
قمرة تبسمت : أنا حكايتي special ، ما تتقارنش مع وحدوخرين ، أنا كومبلي ما نتقارنش 
تبسم على نظرت الغرور لي في عينيها مخلطة مع لمعة سبيسيال 
إسلام : شكون قالك بلي نتي قابلة للمقارنة ؟
وساعت ضحكتها كي لحقت وين حابة ، جات ترد عليه حتى قطع عليهم أب ليديا كي طلع يلقي خطاب ، خطاب المعتاد تع الحفلات كي كمل هدرة اتمنالهم سهرة ممتعة وراح عند بنتو وشدها من يدها واتوجه لأول طاولة <عائلة مصطفاوي > 
سمير : مساء الخير عليكم ، إن شاء الله مرتاحين مسيو إسلام ؟
إسلام : مساء النور مسيو سمير ، شكرا على حسن الضيافة وإن شاء الله كل عام ونتوما ناجحين 
سمير : يزيد فضلك ، تعرفت على كامل العائلة تاعك بصح الوجه الجديد لي معاكم جدبني ليكم مباشرة 
ضحكوا خفيف كامل ، شاف إسلام فقمرة متبسم وهي هدرت تمد يدها تتعرف عليه 
قمرة : قمرة مصطفاوي 
سمير : متشرفين مدام مصطفاوي ، مسيو إسلام مكانش عمبالي بلي متزوج 
ضحكت قمرة بخجل مزيف قدام ليديا لي كانت تتبسم فوق القلب ، جات ليديا تهدر وتقول بلي ماشي مزوجين حتى نطقت إنصاف 
إنصاف : إن شاء الله كي ليوم يتزوجو 
قمرة تبسمت : لالا حنا فاميليا ، إسلام وليد عمي 
سمير : الله يبارك ، صراحة تتوالمو على هادي ظنيتكم مزوجين 
همس أمير لإنصاف : ربي يستر من هبالها ، شوفي كيفاش تتبسم ببراءة لي ما يعرفهاش يقول صح بريئة 
ردتلو إنصاف بنفس الهمس : هدا والو  
جاز الوقت وقمرة كرهت مالوقوف وكانت قعدت فالكراسة تع البار <ماشي صح بار ما فيهش شراب > إسلام كان يهدر مع واحد يعرفو على الخدمة وأيمن دا هلال وراحو للبيسين يقصروا كيفكيف وأمير كان يهدر فالتلفون وإنصاف راحت تقسم  مكياجها 
عند إنصاف غير خرجت مالتوالات زدمت في بنادم 
إنصاف ، عبدو : إسمحلي ، إسمحيلي 
هي غير شافتو شكون جازت بلخف حكمها من يدها يحبسها 
عبدو : إنصاف إصبري نهدر معاك 
إنصاف : نحي جد يدك عليا خير 
عبدو : صباح حبيت نهدر معاك جا راجل ، شكون هداك ؟
إنصاف : ما يخصكش شكون ونحي جد يدك 
عبدو : ليوم تسمعيني لازم 
جا يكمل هدرة حتى حس بيد على كتفو بصح تقول حجرة ، بسك كان مزير 
أمير : إنصاف إسبقيني راني جاي 
إنصاف : أمير 
غمضلها عينيه يطمن فيها وتبسم معاها 
أمير : هيا عمري 
راحت بصح ما بعدتش عليهم خافت كشما يصرى 
أمير : شوف نجيك ماللخر نزيد نلقاك دور بيها ننفيك منا 
عبدو : شكون نتا ؟ 
أمير : شكون انا <ضحك باستهزاء > 
قرب همسلو في ودنو ولوخر عينيه تحلو على وسعهم ، غلط مع الفاميليا لي مالازمش يغلط معاها 
أمير : ودوكا روح خيالك ما نشوفوش حتى نروحو منا 
ضربوا زوج دبزات لكرشو وخلاه ، سقم حوايجو وراح عندها 
إنصاف : راك مليح ؟
تبسملها : راني هايل هيا نروحو نعرفك على بنادم مهم يعاونك في خدمتك 
نولو لقمرة لي شافت أمير وإنصاف وتبسمت عليهم حتى حست بنادم قعد مقابلها ، شافت فيه وكملت تخدم بتلفونها 
أمجد : وقيل خلاوك وحدك 
قمرة شافت فيه بنص عين : وش خصك ؟
امجد ضحك : والو حبيت نتعرفو برك ؟ أنا أمجد ونتي ؟
قمرة : قمرة 
أمجد : اسم على مسمى ماشاء الله 
تبسمت وروماركات بلي انسان مربي مامدش يدو باش يسلم عليها وزيد محافظ على مسافة بيناتهم 
قمرة : ميرسي 
أمجد : الظاهر انك ما تحبيش الهدرة بزاف 
ضحكت خفيف وردتلو 
قمرة : صراحة كرهت شوية مانيش موالفة بهاد الجو ، تقدر تقول جديد عليا شويا 
ضحك معاها 
أمجد : عندك الحق تكرهي انا موالفو وكرهت ، وقيل جابك بسيف باباك ؟
قمرة : لالا جيت مع ولاد عمي 
أمجد : أي عائلة ؟
قمرة : مصطفاوي 
أمجد : الله يبارك ، عائلة ماشاء الله نجاحاتهم يحكى عليها دايمن 
تبسمت وهدرت في قلبها <ايه عايلة هايلة بسلامتهم >
بقات تحكي معاه وعجبتها قصرة معاه . أما إسلام كان يهدر ومنسجم مع السيد هداك رما عينو باش يشوفها لقاها تتبسم مع راجل ، عقد حواجبو وسب روحو داخليا بسك هو لي خلاها وحدها 
إسلام : عن إدنك سيد مراد ، نتلاقاو خطرة اخرى ان شاء الله 
مراد : ان شاء الله 

3505 كلمة ، أنا هكاا نكتب بارتات طوال على حساب الفكرة لي طرحتها والحدث وكي نحب نقصر منو البارت نحاول نكمل الفكرة هديك بشكل مناسب ❤