لم أكن أعلم انكِ سوف تصبحين احد احلامي

بارت14

في بيت خالد:
فتح الباب بقوه فزت ميار من نومها:خير عسى ماشر مريض؟!!!
عبدالرحمن:اقولك صديقتك اخت عبدالعزيز جالسه مع ابوي في الصاله!!!!
ميار:وشششش
عبدالرحمن:الحقي بسرعهه
تحت عند ابو عبدالرحمن:
–اي انتي بنت صالح صح؟
جنى:اي ياعمي
ابو عبدالرحمن:اخبارك واخبار ابوك
جنى:الحمدلله بخير وهو بعد بخير الحمدلله
ابو عبدالرحمن:الحمدلله،الحين عبدالرحمن ينادي ميار
جنى:تمام شكرا يا عم
ابو عبدالرحمن:ماسويت شيء واذا بغيتي شيء قولي لا تستحين"جنى تهز رأسها بخجل"
ميار زحلقت من على الدرج وعبدالرحمن وراها
ابو عبدالرحمن:بسم الله عسى ماشر البنت مهي طايره
جنى تكتم ضحكتها وميار:هاه
ابو عبدالرحمن:وانت الثاني وش بلاك خرشتو البنت ضعيفه
عبدالرحمن وميار:معليش يا يبه
ابو عبدالرحمن:المهم اقعدي مع صديقتك وانت تعال معي
عبدالرحمن:انا؟
ابو عبدالرحمن:اي انت تعال
ميار:فيه شيء غريبه جيتي؟ووش قلتي لي ابوي؟
جنى:بسم الله ذي تعتبر طرده ولا وش؟
ميار:لا ابد بس استغربت
جنى:جيت عشان اخذس عشان نروح المقهى الجديد الي فتحوه هنا
ميار:كان أرسلتي لي
جنى:ارسلت لس ودقيت بعد ودقيت على خاله منيره بس محد رد قلت اجيس واسلم على خاله منيره مره وحده وماتوقعت خالي خالد هنا
ميار:اوه معليش والله اني مارديت جوالي طافي
جنى:عادي يابنت يلا قومي تزبطي والبسي السواق يستني برا
ميار:تمام دقايق واجيك
جنى:خذي راحتس
ام عبدالرحمن:جنى منوره والله وين ميار
جنى:بنورك ياخاله ميار راحت تلبس باخذها يا خاله ونروح مقهى فتحوه هنا
ام عبدالرحمن:حلو تمام بس طمنوني اذا وصلتم
جنى:ابشري ياخاله
ام عبدالرحمن:اجيب لك شاي ولا قهوه
جنى:لا ياخاله ماقصرتي اصلا الحين بنروح مابي اتعبس
ام عبدالرحمن:مامن تعب ياقلبي انتبهوا لي نفسكم
جنى:تمام ياخاله
عبدالرحمن:وين بتاخذين اختي
جنى:محسسني بخطفها بنروح مقهى بس
عبدالرحمن يطالع فيها ويرفع حاجبه:وعزيز يدري؟
جنى:اي هو الي علمني عن المقهى
عبدالرحمن يشيل نظره عنها ويروح:تمام يا استاذة ميار
جنى بينها وبين نفسها:ياخي مستفزز بشكل الله يعين
ميار:يلا غلقت
عبدالرحمن:معك صرافتك
ميار:اي ليه
عبدالرحمن:تمام ارسلي لي كم تبون واحول لكم
"جنى تأشر من بعيد ب معنى لاااا"
ميار:ااء مايحتاج معي
عبدالرحمن  يطالع في جنى ويوجهه كلامه لي ميار:ماعليك منها قولي لي كم الحساب وأرسل
جنى:مايحتاج معي
عبدالرحمن:اسكتي بس
جنى تطالع بأستغراب شديد وميار تضحك:اسكت انت وانتي يا ميار امشي واياني واياك ترسلين له"مشت"
عبدالرحمن:والله لو ماتقولين كم الحساب لاجلدك تراك معي في البيت يا مياروه
ميار:اعوذ بالله طيب بقولك
عبدالرحمن:يلا اذلفي
ميار تتمتم بينها وبين نفسها:ذا ما عرفت له هو معي ولا ضدي
عبدالرحمن:تراني سامعككك
ميار:لحول"ركبت السياره"
جنى:ميار ياويلك ترسلين له تمام؟
ميار:تمام
جنى:المقهى الي بنروحه يمدحونه واجدد
ميار:كيف يمدحونه وهو توه فتح
جنى:له يومين فاتح بس ماعرفت الا من عز
ميار:اووه
"وعند المقهى"
جنى:اء لو سمحت
النادل:هلا وش تبون تطلبون
جنى:ابي V60 و حلا اللوتس
النادل:حلا اللوتس وانتي؟
ميار:ايس موكا و حلا الكندر و فرينش توست
النادل:الفرينش توست تبين عليه شوكلت ولا لوتس
ميار:شوكلت
النادل:تمام
جنى شقهت:ذولا وش جابهم؟!
ميار:بسم الله مين؟
جنى:شوفي وراك
ميار شهقت:الخمس بقرات وش جابهم!
جنى:علمي علمكك
فهد:عزوز مو ذي جنى؟
عبدالعزيز:اي
سطام:بسم الله وش جابها ذي
عبدالعزيز:انا قلت لها عن المقهى عشان تجربه
فهد:وليه دقيت علينا؟
عبدالعزيز:ماتبون تجربون المقهى بما انه جديد؟
فهد:الا
عبدالعزيز:خلاص اسكت
جنى:لحول الحين مارح نرتاح
ميار:ودحوم اليوم ناشب لنا مدري وش فيه
جنى:ذا مرفوع عنه القلم خليه
ميار:ههههههههههه والله صدق مرفوع عنه
دق جوال جنى:هلا دقيقه بسأل.......لو سمحت الطاوله رقم كم؟
النادل:رقم 7
جنى:تمام شكرا اسمعي رقم الطاوله 7 وانتبهي في عيون مراقبه يلا مع السلامه
ميار:مين؟
جنى:ساره ومنى
ميار:المقهى صار تجمع لي عيلتكم
جنى:عاد وش اسوي وش دراني ان الخمس بقرات جاينن
عبدالعزيز:سويمر مو ذولي منى وساره
سامر:اي بالله وش جابهم ماقالوا لي
عبدالعزيز:اكيد قالوا لي خاله
منى:ساره ساره
ساره:وش؟
منى:لاتطالعين كثير نزلي عيونك
ساره:ليه عسى ماشر
منى:الخمس بقرات في الطاوله الي قدامك!
ساره:تجمع عايلي ولا وش وسطام معهم!
منى:اي لاتطالعين كثيرر
ساره:ليه ماقلتي لي أن سطام جاء
جنى:واذا قلت لك وش بستفيد؟
ساره:صح صادقه
منى:طلبتو؟
جنى:اي انتم روحوا اطلبوا
منى:تمام ساره قومي
ساره:لو سمحت ابي
سامر:اعطيني وش تبين وانا اقوله
ساره بفجعه:خرشتني الله يخرش عدوك
منى:انت تعرف وش نحب ف اطلب واحنا بنجلس
سامر:تمام وصح وش طلعكم وانتم ماقلتم لي
ساره:قلنا لي امي وقالت تمام وبتكلم وشكلها نست
سامر:طيب
سطام:ولد طلبت؟ "ينظر إلى ساره ويتبادلان النظرات"
سامر:لا بطلب لي خواتي بعدين
سطام:اءء تمام لاتطول
ساره:بناتتت اخخخخ
ميار:وش عسى ماشر
ساره:سطام قعد يطالع فيني
جنى:طيب؟
ساره:وش الي طيب
جنى:يا اختاه هو طالع فيس واحنا وش لنا صلاح الشيء بينكم صحيح؟
ساره:اء صحيح ب ابيكم تنبسطون معي
جنى:سارونتي، البقره ذاك متأكده بيكون لك عشان كذا انا بفرح وقت عرسكم
ساره:الله يازينك مو زي منى متشائمه
منى:انا وش دخلني
ساره:اخر الليل تحطميني
منى:عشان تخمدين
ميار:رخو أصواتكم الانظار علينا
منى:وانتي يا جنى ليه نادتينا بما ان ذول موجودين؟
جنى:وش دراني مادريت الا يوم دخلت وقعدت
ميار:اي بالله انخرشنا يوم دخلوا
ساره:طيب اخوك اشبه معطينا نظرات استحقار
ميار تطالع في اخوها:تمشكل مع جنى بس ماتوقع ذا السبب
منى:انتي ماتتوبين
جنى:وش
منى:الكل تتمشكلين معه
جنى:ياخي مالي دخل هو الي بدأ يقولي وين بتودين اختي محسسني بخطفهاا
ساره تمسك راسها:قلتي له ذا الكلام صح؟
جنى:اي ليه
ساره:اي كلمه تطلع في رأسك تقولينها
جنى:يس
ساره:اي وش بعد
جنى:يقولها ارسلي لي الحساب عشان احول لكم وانا قلت لا قال ماعليك منها قولي لي كم الحساب ويوم قلت عندي قال اسكتي انتي يعني انا مالي دخل
منى:صح هو ليه يقول لها اسكتي
ساره:طيب هي لو سكتت وخلته يدفع مو هو يعنني معي فلوس خليه
جنى:لييه شحاده انا اخليه يدفع
ساره:وي وشدخل مو انتي دايم تدفعين لي ميار وهي تدفع لك ف عادي
ميار:صدق دايم ندفع لي بعض والفلوس الي بيدفعها تكون حقتي
جنى:مدري يابنات احس غلط اخليه يدفع بما اني انا ماخذتك
ميار:اقول بما انه مسوي ان معه فلوس خليه يدفع
سامر:خذوا
منى:يالبى اخوي
سامر:تبون شيء ثاني؟
ساره:لا سلامتك شكرا
سامر:مابينا يازفت و اذا تبوني ارسلوا
ساره:تمام
منى:انا مدري هو طيب ولا قليل ادب
جنى:كلنا ماندري
ساره:حرام عليكم هو مايعرف يعبر بمشاعره وزي كذا
جنى:اجل يكتم مشاعره مانباها
ميار ومنى ميتين ضحك:صادقه يكتمها افضل في احد يعبر بمشاعره بالضرب!
جنى:اي اخوك
ساره:ويكون اخوك
جنى:وذي النكبه ابتلشت فيكم
ميار:تكفون خلاص احاول اكتم الضحكه بس مو قادره
جنى:اقول بروح ادفع الحساب افضل
ميار تهمس لي منى:اشغليها
منى:ليه؟
ميار:اشغليها بعدين اقلكك
منى:جنى تعالي شوفي
جنى:بروح بعدين
منى:لاا بتروح بسرعه
ميار ترسل:دحوم ورع البنت بتدفع الحساب ألحق
عبدالرحمن:كم الحساب؟
ميار:72
عبدالرحمن:تمام
جنى:والله انها مريضه تسوي زي كذا
منى:شفتي مو صاحيه
جنى:طيب تبون شيء قبل لادفع الحساب؟
البنات:لا شكرا
جنى:كم الحساب؟
الكاشير:اندفع الحساب
جنى:هااه مين دفعه؟؟
الكاشير:الي في طاوله 10 لابس ثوب اسود اتوقع
جنى تعطي نظرات لي ميار:تمام شكرا،الحين يا ماني قايله ترسلين له ليه
ميار:وش ارسل لي مين
جنى تمسك راسها:مياروه عارفه انك مرسله لاخوك وراح يدفع
ميار:مين قال
جنى:الكاشيررر
ميار:ذا مايعرف يسكت
جنى:يعني أرسلتي له
ميار:اي
جنى:ماقلت لك لاترسلين له
ميار:عاد اليوم بحسابي دايم تدفعين لي خلاص دوري
جنى:بس انا عازمتكم!
ميار:واذا عازمتنا عادي ندفع مافيها شيء
جنى:لا مو عادي الي يعزم يدفع وزي كذا اما انك تدفعين وانتي معزومه لا
ميار:لاتكبرين الموضوع خلاص دفعنا
جنى:طيب "تروح عند الكاشير"
ميار:ذي وش بتسوي؟
منى:مدري
جنى:كم حساب الطاوله 10؟
الكاشير:دقيقه،126 ريال
جنى تمد البطاقه:حاسب
الكاشير:تمام
بعد مادفعت الحساب وقعدت:
ساره:وش سويتي؟
جنى:ولا شيء
منى:بتشربون القهوه هنا ولا نمشي
جنى تطالع:لا نقعد شوي
عبدالرحمن:ليه دفعتي الحساب؟!!
"ميار تطالع لي جنى الي كأنها ماتسمع وحاطه رجل على رجل"
عبدالرحمن عصب:ماتسمعين؟؟ليه دفعتي الحساب!
جنى:نفس الحركه يعني عادي قلت لكم اني انا الي بدفع تجي تتلقف ليه؟
عبدالرحمن:جنى بلا استهبال انا دفعت لان اختي معكم
جنى:واذا اختك معنا؟؟انا الي قلت بدفع من متى تسون كذا لو ناقصني شيء عادي بخليكم تدفعون بس انا قايله بدفع وموقصدي أمن عليكم اني بدفع وزي كذا بس انا ابي ادفع!
ساره:هدو هدو شوي ترانا في مقهى مو في البيت نرجع تفاهموا!
عبدالرحمن بعصبيه:بحول لك الفلوس الي دفعتيها واياني واياك تسوينها مره ثانيه
جنى:فلوسك ذي ماباها تسمع؟
عبدالرحمن:وش الي فلوسك ذي ماباها صاحيه انتي دافعه وتجين تقولين كذا!
جنى:ذي اعتبرها فلوس الاشياء الي جبتها قبل وزياده على فلوس القهوه والحلى الي دفعتها"تقوم من الكرسي"يلا بنات نروح
عبدالرحمن:منتي رايحه الين تعطيني حسابك حق البنك واحول لك
جنى تمشي:يلا السواق يستني برا
عبدالرحمن:جن...
عبدالعزيز:ايش فيه صوتكم واصل عندي؟!!
عبدالرحمن:ولا شيء
عبدالعزيز:وش الي مافي شيء واصواتكم مرتفعه؟
منى:تهاوشوا عشان الحساب
عبدالعزيز:كل ذا الصياح عشان الدفع خلاص انا الي بدفع
منى:المصيبه اندفع وهم يتهاوشون على الفاضي
عبدالعزيز:يلا قل وش صار
عبدالرحمن:انا دفعت حساب البنات واختك سوتها عناد ودفعت حسابنا
عبدالعزيز يمسك راسه:بس كذا يعني
عبدالرحمن:اي ليه تدفع؟؟
جنى:لانك دفعت حسابنا
عبدالرحمن:وش فيها اذا دفعت اختي معكم!
جنى:اختك زي اختي وفلوسي فلوسها حلالهاا وانا ابي ادفعع لو مابي كان خليتهم يدفعون حساب طلبهم وحده وحده!!!
عبدالعزيز:ابك قصري صوتس وانت بما انها هي الي كانت تبي تدفع وش دخلك
عبدالرحمن:لانها دايم هي الي تدفع واختي عندها فلوس وانا موجود فعادي ادفع ذي المره
عبدالعزيز:مريض؟
عبدالرحمن:ليه
عبدالعزيز بعصبيه:احنا ماقلنا عشان ماعندكم فلوس يعني بنعطيكم من عندنا ولانبي نمن عليكم وش ذا التفكير يادحوم ماكنت كذا!
عبدالرحمن:مو قصدي
عبدالعزيز:خلاص ننهي الموضوع وترا في النهايه فلوس تمام ويلا نروح
عند بيت عبدالرحمن:
عبدالرحمن:ولد اسمع
عبدالعزيز:ماني سامع هبالك ذا خش داخل
عبدالرحمن بضيقه:عارف انه حازه في خاطرك بس مو قصدي بس يعني احس مو حلوه ان في كل مره انتم تدفعون وزي كذا وقلت ذي المره ندفع يعني عادي مره انتم ومره احنا ذا الي اقصده مو قصدي ان عندنا فلوس ومانحتاجكم تتصدقون علينا والله مو قصدي يا عزيزوه
عبدالعزيز يحضنه:خلاص طيب بس حزت في خاطري شوي بس شوي بس الحين لا وكمان لا تتضايق
عبدالرحمن:قسم بالله قهرتني كلببب
عبدالعزيز:دلوع لاتصيح خلاص
عبدالرحمن دف عبدالعزيز:مين قال اني ابكي ولا عشانك اذلف بس
عبدالعزيز:طيب طيب يادلوع مع السلامه ههههههههههه
وانتهى البارت لي هنا نلقاكم في بارت اخر🤍