لم أكن أعلم انكِ سوف تصبحين احد احلامي

بارت16

نرجع شوي لي ورا قبل ثلاث اشهر:

منى:الو جنى بتروحين مع امي المستشفى زي ماقلتي ولا بطلتي
جنى:ليه وش فيه
منى:يوم التأسيس بيحتفلون المستشفى الفلاني
جنى:اماا تم قولي لها بروحح بس اتجهزز
منى:تمام
جنى:بتروحون؟
منى:لا بالله مالنا حيل وطفشنا كثر مانروح وبتروح معك الصغيره بنت فاطمه
جنى:تمام
الساعه7:30:
جنى:السلام عليكم
ام سامر ولانا:وعليكم السلام
جنى:الحين ياخاله الحفل لايكون بيجون حقين الكوكو
ام سامر تضحك:لا لا لو كان بيجون ماشفتي لانا معي
لانا:بديتو تغلطو
جنى:ياليل الجداويه ذي كان خليتها عند امها
ام سامر:حرام عليك تبي تشوف وتلبس حق التأسيس
جنى:صدق والله لاستلمك مخليك ههههههههههههه
لانا:ياخاله كان خليتها طيب الحين بتنشب لي
ام سامر:لا اذا مره خليتها عند واحد من الممرضين الي معي واقول خلي عينك عليها ذي الورعه
جنى:اح قويه احس بغدره
لانا:كفو خالتي
في المستشفى:
الممرض سعد:يابنت شيلي مع خالتك وخذي المبخره
جنى:انا؟
الممرض سعد:اي اي انتي خذيي
جنى:طيب وين احطها!!
لانا:اشبك؟
جنى:ذا الي اسمه سعد الي شبه شايب اعطاني المبخره وشرد
لانا:طيب حطي....
الممرض بندر:لو سمحتي اعطيني المبخره انا بشيلها
جنى تطالع بفهاوه:هاه تمام خذها
الممرض بندر بضحكه:اذا ابلشك سعد ذا بس قولي لي اتكلم معه
جنى:اي اي ابشر
لانا:اشبك كذا
جنى وهي دايخه:يابنت شفتي الي شفته اخخخ
لانا:وش الي شفته
جنى تمسك كتف لانا:الممرض يابنت شفتي شكله تكفين وش ذا
لانا:وش مافهمت
جنى:الادمي حلو حلو حلو ياربي رباه مالوم خاله انها تداوم كل يوم اذا ذي المناظرر
لانا تضحك:استهدي بالله يابنت
جنى تضحك:لازم سعد ذا يبلشني عشان اقله ههههههههههه
لانا:ياربي منك ههههههههههه
جنى:شفتي الطول والشكل والعطر ياربي مقدر اتحمل
لانا:بسم الله عليك اول مره اشوفك بذي الحاله قولي بسم الله
جنى تتكي على لانا:بسم الله احس المكان عجبني
الممرض سعيد:السلام عليكم ام سامر
ام سامر:وعليكم السلام
الممرض سعيد:طلعت الاغراض كلها الي في السياره مابقي الا نعلقها
ام سامر:حلو خذ بندر معك عشان تخلصون اسرع
جنى بابتسامة:يابنت كذا انا صدق ماستحمل
لانا:اي بالله ما استحمل ههههههههههههههه
جنى:وش ذا الطول الجمال "تمسك كتف لانا من الخلف"احس اني بقع الحين بقع
لانا تطالع الممرض سعيد:كلنا بنقع يابنت
ام سامر:ليه بتقعون؟
جنى نطت من الخرشه:هاه
ام سامر:ليه بتقعون؟؟
جنى:من التعب قاعدين نمسك بزارين العرض صح يا لانا
لانا:اي اي نمسكهم عشان لايطلعون برا المستشفى
ام سامر:اهاه خليكم من ذول البزارين امسكو بنت خالتكم الصغيره بس
جنى:ياخاله نايا ذي النتفه ماقدرنا عليها تخش مكان ومانلقاها
ام سامر:تراها طفله ام اربع سنين يعني بتخاف وترجع بس انبهكم عليها
الممرض بندر ماسك طفله بيد وحده ويضحك:ذي يا ام سامر حقتكم؟
ام سامر:اي ليه؟
الممرض بندر:ابد لقيتها تتمشى عند سيارتي ويوم شفتها تقول تعال ثوف ثياله مافهمت وش تقصد وجبتها
لانا:ياراسي في الشارع!
جنى:ماقلت لك ذي سوسه ماتخاف
ام سامر:ماتوقعت ابدا
لانا:بنت خاله عايشه وش تتوقعين تخاف
ام سامر:صدقتي في ذي
جنى:تعالي يلا
نايا:لااا"تمسك الممرض بقوه"
الممرض بندر يضحك:خلاص خلوها عندي
ام سامر:بس انت مشغول
الممرض بندر:لا ماعندي شيء لا مرضى ولا تزين ف باخذها عندي لاتجون تدورونها"يضحك"
ام سامر تضحك:بما انها عندك مارح ندورها ابدا
جنى:خالتو الحين الممرض الي مع نايا تعرفينه؟
"لانا تطالع عارفه وش تبي جنى"
ام سامر:ذا الممرض كان معي من ايام المستشفى الي قبل يعتبر اصغر ممرض عندنا واسمه بندر
جنى تبتسم:اهاه واضح انكم الي في المستشفى تمونون على بعض
ام سامر:عن نفسي معرفهم الا لي سنه وحده واحسهم زي الاهل يعني مهما احتجتي شيء يجون يساعدونك منهم البنات والعيال الممرضين حتى الرئيس وبندر ذا اعرفه لي سنه ونص بس وبعد سعيد
جنى:سعيد مين؟
ام سامر:الطويل الي جاب الاغراض من السياره
جنى تبتسم:اوه اسمه سعيد
ام سامر:اي ليه
جنى:عشان لو احد ارسلني لك اكون اعرف أسمائهم وما ابتلش
ام سامر:اهاه عشان كذا اجل بعرفك على حقين المستشفى
جنى:تم ما اقول لا
لانا:جنى اهجدي
جنى:اقلك دزي خليني اعرفهم لاتخربين علي ههههههههههه
ام سامر:مين تبين تعرفين
جنى تفكر:امم ذااا
ام سامر:اي واحد؟
جنى:الي ابلشني بالمبخره
ام سامر تضحك:هاذا اسمه سعد أطيب واحد فيهم
جنى:ماحس اتوقع ذا اطيب
ام سامر:صح في ذي صدقتي علي اطيب واحد
جنى:علي وسعد وبندر وسعيد صح؟
ام سامر:اي في ثلاث بندر الرئيس وعندنا واحد ماخذ إجازه مارح يجي وبندر الي مع نايا
الممرض احمد:السلام عليكم ام سامر
ام سامر:وعليكم السلام غريبه جيت عندك إجازه مع بندر
الممرض احمد:ابد جيت اشوف الفعاليات وسعد قال لي بخلي سعيد يلعب فجيت اشوف "يضحك"
ام سامر:عاد سعد لازم في كل فعاليه يسحب معه احد
الممرض احمد:اي اليوم الوطني سحب بندر صح؟
ام سامر:اي نشب له إلا يلعب معه
جنى تهمس:افف خساره فاتني ماشفته ههههههههههه
لانا:اسكتي لايسمعك ههههههههههه
الممرض احمد يبتسم:صح مين الي معك
ام سامر:بنات خواتي
الممرض احمد:ذولي الي بتلبسيهم ملابس الديره؟
جنى تدق كتف ام سامر:خاله ما اتفقنا البس الملابس حقت الديره
ام سامر تمسك لانا:هاذي الي بتلبس اما الثانيه لا
الممرض احمد:طيب الثانيه وينها الي قلتي عنها؟
ام سامر:مع بندر عيت تقعد معي
الممرض احمد يضحك:مالومها"يطالع في جنى"غربيه جبتي الثانيه معك واضح انها جامعيه صح؟
ام سامر:اي
الممرض احمد "يبتسم"
سعد:يا احمد تعاللل "يطالع في جنى"وانتي بعد تعالي
جنى تأشر على نفسها:هاه انا؟
سعد:اي انتي ماغيرك قاعده كذا تتفرجين ساعدي خالتك وساعدينا يلا بسرعه تعالوا
جنى تطالع خالتها:اي ساعديهم يا جنى
لانا:بدل الضحك على لبسي قومي ساعديهم "تضحك"
الممرض احمد:ماعليك سوي نفسك تشتغلين وانا بأخذ شغلك
جنى:لا ابد بساعدكم بما اني جيت
الممرض احمد:يعطيك العافيه صدق يلا نروح نشوف سعد الي مشغلنا ذا
جنى تهمس لي لانا:يابنت والله يهبل اخلاق وشكل بروح اشتغل وانتي اقعدي بملابس الديره الي تحك باي باي "تضحك"
لانا:خاللله شوفي جنى
ام سامر:ليه اشبها؟
لانا:ياخي تطقطق على لبسي
الممرض علي:لبسك حلو ليه تطقطق عليه
لانا:مدري نكدت علي
الممرض علي يضحك:مع انه مو واضح عليها باين ضعيفه
لانا:ما الضعيف الا انت
"يضحكون ولانا توها تستوعب انها تكلم الممرض كذا وانحرجت"
سعد:امسكي وزعي بروش حق التأسيس على الممرضين عشان يلبسونها
جنى:بس ذا
سعد:صح صادقه قليله خذي الكيس
الممرض احمد كاتم الضحكه ويبي ينفك من سعد:وانا بوريها الاقسام عشان توزعها كلها
سعد:لاا تروح لحالها
احمد:امكن تضيع
سعد:ليه ورعه كبيره ترا"يطالع في جنى"تحتاجين يساعدك؟؟
احمد يطالع في جنى يبيها تقول اي عشان ينفك:اي الكيس مره ثقيل ومعرف ادخل من وين
سعد يطالع في احمد:طيب روح معها وريها مكان الأقسام بس ترجع بعدها!
احمد يمشي وجنى وراه:هاذا إذا شفتني بعدها
سعد:يا ورع ترجع بعدها ولا بعلم عليك
احمد:طيب طيب....يعطيك العافيه صدقق مابغيت انفك من النشبه ذا
جنى:ابد ماسويت شيء
احمد:اجل بنت خالتك الصغيره وينها بشوفها
جنى:اتوقع مع الممرض بندر
احمد:الرئيس ولا الشايب او ابو نظاره شمسيه
جنى:ابو نظاره شمسيه
احمد:اجل تعالي معي هناك بيكون في ممرضين توزعين عليهم
قسم المكاتب:
احمد:السلام عليكم
الممرضين:وعليكم السلام
نايا:ننى
بندر:لايكون بتسحبين علي
نايا:ابي ننى
جنى:الممرض سعد يقول البسوها"تعطي بندر"
بندر:يا ذا السعد اشغلك مره ثانيه
احمد:ضعيفه كل ماشافها قال انتي تعالي ويخليها كذا واقفه وماسكه الاغراض
بندر:غريبه ما اشغلك معها
احمد:جاء بيشغلني بس ساعدتني قالت ابيه يوريني الأقسام
بندر:والله كفو بس انتبه لا يمسك انخش معنا كلنا جالسين عشان مايمسكنا
احمد:طيب والبنت
بندر:اممم
"جنى تطالع ماتعرف وش السالفه"
بندر:تخش في مكتب خالتها الين يغلقو التزين
احمد:صح يابنت خشي في مكتب خالتك
نايا:انا
بندر:لا مو انتي بتقعدين معي يانونو
نايا:انا نونو
بندر:اي انتي نونو
نايا:ننى ثوفيه انا نونو"جنى شوفيه"
احمد يضحك:وش تقول؟
بندر:تقول جنى شوفيه
احمد:وانت كيف فهمت
بندر:سمعت ام سامر تناديها ومن اول ونايا معي عشان كذا فهمت شوي
جنى:بس ذولي الي اوزع عليهم؟
احمد:باقي المكتب الي جنبنا تعالي
بندر:يلا يا نونو نروح معهم
نايا:انا مو نونو
بندر يمسك يدها ويطالع فيها ويضحك:اجل انتي وش؟
نايا:انا نايا
بندر:طيب يا نايا تعالي معي عند جنى
احمد:يلا وزعي
مساعد:مين ذي يا احمد؟
احمد:بنت اخت ام سامر وسعد اشغلها يقول وزعي ذي على العيال
مساعد:حتى البنت ماسلمت منه
بندر:ياعيال شوفو النونو
مساعد:وبعد ذي مين
بندر:تقرب لي ام سامر
مساعد:شسمها؟
بندر:قولي له اسمك
نايا:انا اسمي نايا
مساعد:ماشاءالله تعالي يا نايا
نايا:لا
مساعد:ليه
نايا:بس
سعيد:وانا ادور ذي النونو
"نايا تركض عند سعيد وتحضنه"
سعيد يشتالها:تحبيني؟
نايا:اي
سعيد:ياقلبي انا بعد احبك
جنى:يا ممرض احمد
احمد:هلا
جنى:اعطيه سعيد
احمد:ليه
جنى:عشان يلبسها
احمد يضحك:تستحين منه عادي تراه كتكوت"ياخذ البورش"سعيد خذ
سعيد:ليه
احمد:سعد قال لي البنت توزعها على الممرضين عشان يلبسونها
سعيد:حتى هي اشغلها
احمد:اي شفت
سعيد يطالع ويبتسم:الله يكون في عونك والله رح يبلشك
بندر يدق يده على صدره:انا قلت لها اذا اشغلك تكلمني بس
سعيد:وش بتسوي بالله
بندر:عندي طرق خاصه
"جنى كاتمه الضحكه"
سعيد:وش هي طرقك الخاصه يا استاذ بندر
بندر:لا تدخل عندي طرق وبس
سعيد يلعب مع نايا:لو عندك طرق خاصه كان ماوزعت
بندر:ياخي ماكلمتني
سعيد:كلميه المره الجايه نشوف وش عنده من طرق
"جنى تهز براسها بمعنى اي"
سعد يدف الباب بقوه:انتم وش مجلسكم هنا قوموا اشتغلوا
سعيد:ياليل ياسعد إلى متى بتقعدون تزينون
سعد:الين تغلق الزينه
سعيد:ماصار حفل بسيط بيصير زواج
بندر:حتى الزواج ماصار كذا
سعيد:اي بالله
سعد:بلا هرج زايد عندكم كلام تقولون قولو لي الرئيس بندر ولا اسكتوا
بندر ياخذ نايا:البنت عندي مقدر اساعدكم
سعيد:لا عندي
بندر:نايا مين تبغين انا ولا سعيد
نايا:ثعيد
سعيد يضحك:كفوووو شفت تبغاني
بندر:اح سحبتي علي بعد مالعبتك
احمد يمسك بندر:امشي وخلي البنت عنده قوم
سعد:وانتي بعد تعالي
جنى:انا!
سعد:اي تعالي اشتغلي
"إنتهى بارت16 نلقاكم في بارت اخر"