تقدم من ابو فيصل وببرود: أنا اطلب اريج لنفسي!
ناضره ابو فيصل من فوق لتحت: ايش تقول؟
عزام بعيون بارده: اطلب اريج بنت عمي لنفسي فيها شي هاذي بعد؟
ابو فيصل بلع ريقه بخوف: لا مو موافقين!
تقدم عزام ببرود وحده وهمس: تمام، وش رايك اروح ل اريج واقولها الحقيقه ياترئ ايش بيصير ياااا جدي!
ابو فيصل مسك يد عزام: لا ياعزام لا تكفئ!
عزام ببرود استفزازي: أنا قلت الي عندي!
ابو فيصل: طيب إذا رفضت؟
ابتسم عزام ببرود: مثل ماتجبر بنتك علئ عمي اجبرها علي!
ابتعد عزام عنه وهو يأخذ عصير ويشرب ب استهزاء تقدم صديقه منه "مروان": وش الي برأسك انت؟
عزام ناضره بتفكير خبيث: مدري، بس بخليها تندم علئ انها تطلع بحجاب وتتكلم مع الكل وكمان تندم علئ إنكارها ل ابوها!
مروان مسك عزام بتحذير: عزام، لاتحط نفسك ب السيره، انت مالك دخل فيهم الاب وبنته يتفاهمون حريقه بهم!
عزام بحده وقهر من اريج: لا بحط نفسي انت عارف لما قلت لها هل ابوها صقر وش صار تغير وجها ١٨٠ درجه بس للخجل!
فيه وحده تخجل من اسم ابوها!
والله ان اختي توقف وتقول اسم ابوي بكل فخر وعزوه بس هاذي؟
قاطعه مروان: لانها مو عايشه مع ابوها هي مو مثلك انت واختك!
وانت ترا عندك اخت!، والأيام دواره يا عزام يوم معك ويوم عليك!
وانا حذرتك إذا وقعت بمشكله لاترجع!
صد مروان وهو يطلع ببرود وداخله خوف علئ عزام لان ابو فيصل كل همه الانتقام من عائلة الوهاب وحتئ لو تصالحو بيضل الحقد بقلب ابو فيصل،،
"الــيوم الـــثانــي"
التفتت: تفضل!
دخل ابو فيصل بهدواء وجلس بجانبها: اريج بكلمك بموضوع!
استغربت اريج منه وتكلمت بهدواء: اه تكلم أسمعك!
ابو فيصل: فيه واحد خطبك مني!
وقفت اريج وهي تناضر من النافذه وبحزم: مو موافقه!
وقف ابو فيصل: اريج هو رجال وراح يصونك!
اريج بخوف التفتت: بس لما يعرف اسم ابوي بيهون أنا اعرف!
ابو فيصل: ترا ابوك اسمه صقر وين المشكله عادي!
اريج: ابوي له سوابق ياجدي أنا مابي النضرات تنعاد بذاكرتي!
تكلم ابو فيصل بحده: والله عاد مزاجك أنا أعطيك مهله ل بكرا!
طلع ابو فيصل، حطت يدها علئ قلبها ورفعت راسها: يارب لاتختبرني يارب خذ روحي وخلصني يارب!
غمضت عيونها وانسدحت وهي تتذكر ذكرئ مع ابوها.
فلاش باك"
كانت جالسه بجانب امها: ماما بشوف بابا!
تكلمت نجلا بغضب: انطمي الحين يجي ابوك اوف!
مرت دقايق وتكلمت اريج بحماس طفولي: ماما سوفي الولد هاسا بلوح اللعب معه!
كانت بتروح بس سحبتها نجلا بقهر وغضب: انطقي طق الله عدوك من بنت!
جاء صوت من وراهم: لاتدعين علئ البنت وتطلعي عصبيتك عليها!
التفتت له وهي تناضره بكره: ليش ماتطلقني مادام انك بتتأخر عند ست الحسن!
ركضت اريج بفرحه: بابا!
جلس لمستواها وهو يضمها وناضر ل نجلا بنضره أرعبتها وبعد عن اريج وهو يناضرها بحنان وتكلمت اريج بطفوله: بابا ليس ماديت بدلي!
مسح علئ راسها بحنان وعيونه تلمع: اسف يابابا الحين نلعب مع بعض وننبسط!
انتهاء الفلاش باك"
تنهدت رغم تذكرها لمواقف كثيره إلا انها ماتتذكر شكله ابداً مرت بذاكرتها ذكرئ خلتها تكره ابوها
فلاش باك"
طلعو من المحكمه وسحبو اريج من صقر وتكلمت نجلا بكره: البنت بنتي ومستحيل تكون لك!
تكلم صقر ب انكسار: بشوفها كل اسبوع علئ الاقل!
ابتسمت نجلا بخبث: بخليك تندم يا صقر والله راح تندم!
كانت تحاول تفلت يدها من امها وهي تقول ببكاء: ماما اتلكيني"اتركيني"!
نجلا صرخت عليها بغضب: بس اسكتي فضحتينا!
صقر: نجلا لاتصرخين عليها!
شالها ابو فيصل وهي صرخت ب اسم ابوها ببكئ ركض ابوها بس مسكه عبدالله وهي تصرخ ب اسم ابوها وهو يصرخ ب اسمها ب انكسار ونجلا تناضره ب ابتسامة انتصار.
انتهاء الفلاش باك"
من هذاك الوقت وهي تكرهه ما اخذها ولا شي من بعدها سافرو ل تركيا وكبرت ولما صارت بعمر ١٦ سنه رجعو ل السعوديه وجدها قالها ان ابوها مات بسبب انه كان يهرب مخدرات ويتعاطئ وصارت تكره ابوها زياده ونضرات الناس وخوفهم منها، تسللت دمعه منها وبدات تبكي بقهر،،
كانو جالسين تكلم عزام: عمي أنا طلبة يدها من ابو فيصل!
صقر تكلم بشرود: إذا زوجها لك معناته يبي منك حاجه او بيدمر عيلتنا!
ليث: ابوي معه حق انت اترك السالفه هاذي عنك لانك بتدخل بمشاكل لا نهائيه!
تنهد ابو عبدالله: وش سواء غير انه دمر كل شي الله يهديه بس!
صقر بحقد وكره: قول الله لايوفقه دمرني واوهمني انه بنتي ماتت متئ طلعت من حالة الحزن تكلم يبه ما اقول إلا الله يأخذ بنته وجعله يجرب شعوري!
عبدالله: استغفر ربك بنته عندها أولاد حرام ترا!
اتصلت عليها الريم عشان يطلعون مع بعض مسكت قلبها الي يالمها من ثلاث اشهر جسدها مرهق وماتشتهي غير المي تنهدت وهي تتصل علئ الريم: الو!
الريم: هلا والله الحين امرك!
اريج: الريم لاتمريني!
الريم: ليش!
اريج: احس اني تعبانه وانا مابي بالك ينشغل علي!
الريم: اوك بطلع مع وحده من البنات اجل!
اريج: اوك باي ياقلبي!
الريم: باي ياروحي!
قفلت وتوجهت وهي توقف تاكسي وقالتله يروح ل المستشفئ تبغئ تشوف حالتها كيف،،
تكلم بقهر: ليكون بتوافق!
ابو فيصل بهدواء: والله هاذا شي بمزاجها هي مو بمزاجي أنا فاهم!
فهد: جدي لأتزوجها له!
عقد ابو فيصل حواجبه ب استنكار: ليش؟
كان فهد بيتكلم بس قاطعه ابو فيصل: تحبها صح؟
توتر فهد: لا وؤ وش احبها ياجدي!
ابو فيصل: اجل وش دخلك فيها مالك دخل يافهد توافق ترفض انت مو ولي امرها ابوها ماخليته مسؤل عنها عشان أخليك انت!
طلعت وهي تمسك قلبها من الي قالته الدكتوره جلست علئ الارض وهي تتذكر كلامها"اسفه بس يضهر ب التقرير انك انتي عندك مرض ب القلب!"
ضربت قلبها وهي تبكي بألم ووقفت وتنفسها يزيد طلعت من المستشفئ وكان ينزل مطر معلن وصول فصل الشتاء والناس تدخل، طاحت علئ الارض وهي تبكي بقهر،،
"يتبع!"
تصريح'' اسفه، اعرف اني تأخرت بس كنت تعبانه جداً ومالي خلق ل اي شي ف اسفه وبحاول اكتب"
شكراً لكل الي دعمني🥹🤍🤍
ملاحضه-ماعندي أنستا واذا حملته بتكونون اول ناس تعرف-
ايش تتوقعو يصير؟
أنت تقرأ
قدرك كبير ويعجز الشعر يوفيه لاقلت احبك والله اني احبك
Humorام تطلقت من زوجها وهي عندها ولد وتزوجت واحد متزوج ولما حملت منه كثرت المشاكل وتطلقت ورجعت لزوجها السابق قصة بنت عانت بين اب وام متطلقين
