الريم بقهر: انتي ايش مافكرتي بشي اسمه إنسانيه؟
هاذا الي تفكرين فيه؟ تستهبلين انتقام؟؟
ومشاعر اياس هي لعبه بيدك!!
اريج انتي وش فيك تغيرتي صرتي بنت ثانيه وش فيك؟؟
انتي ماعندك شخصيه شوفي ابوك موجود وأخوانك هذولا يكفونك اريج حبهم يكفيك!!
انتي وش تبغين تفكرين ب امك الي ماسالت عنك!
اريج: حتئ لو اني ما افكر فيهم هم يجيبو لي المشاكل!
الريم: طيب ولدك؟ وش راح تسوين قتلوه اه تستخدمين اياس عشان تنتقمي منهم!
ضغطت علئ شفايفها اريج ووقفت وهي مقرره وش بتسوي ماعندها غير هالحل، مسكتها الريم بنرفزه وهي تدف اريج علئ السرير: جنيتي!!!
اريج وش فيك؟
طار عقلك اهدي!
تنهدت وهي تحاول تهداء: أريج أنا مااحب الضعيفات ولا أتعاطف معهم!!
بس انتي صديقتي فاهمه صديقتي!
لاتفكري إني أنا ممكن أوقف بوجهك عشان أضرك لا أريج أنا ابي مصلحتك!!
الحين تنزلين وترفضين الزواج من اياس الرجال مو لعبه عندك عشان تتزوجينه وتخلينه وسيله ل انتقامك التافه!
اريج بهدواء: أنا كنت بخليها خطبه عاديه وعشان اكون مع واحد بس!
الريم: ليش وش فيه؟؟
اريج بتوتر وقفت: نضرات فهد!
الريم ضحكت ب استهزاء: وش الفرق يعني فهد واضح انه يحبك يعني وش؟؟
اريج: مو بعيده يزوجوني ياه وخصوصاً انه ولد عمتي وخالي!
وانا ابغئ انتقم بهدواء وكنت ابغئ اياس يساعدني!
الريم ب استهزاء: اريج وولدك؟ انتي ام فعلاً؟؟
مرات أحسك صرتي نفس امك تصرفاتك أسلوبك أحسك نفس امك!!
تتزوجين عشان انتقام وأمك تتزوج عشان تنتقم من عيلة ابوك!
نفس الشي بس فيه فرق واحد! انتي ماتزوجتي من واحد من العيله!
هاذا هو الفرق!
التفتت بتروح بس مسكتها اريج: الريم!
بعدت الريم ايدين اريج وبحده: إذا رجعتي لعقلك بوقتها يصير خير!
اريج: أنا بعقلي!
صرخت الريم وهي تدف اريج: لا مالك بعقلك انتي جنيتي اريج!!
كل الي تفكرين فيه انتقام وبس!!!
فاهمه انك تأذيتي منهم بس انتِ الحين مو بعقلك!
دخل ماجد بقلق: وش فيكم صوتكم طالع؟!!
ناضرته الريم بقهر: قول ل اختك ترجع لعقلها وإلا لا أنا اعرفها ولا هي تعرفني!!
ماجد وهو يحاول يهديها: تمام تمام اهدي انتي!
اريج بقهر: الريم أنا بعقلي فاهمه أنا بعقلي!
الريم: اه صح انتي بعقلك الحين اجل اسمعي أنا وانتي مانعرف بعض فاهمه؟!!
أنا من اليوم ماعندي صديقه اسمها اريج!
وراح اعتبرك ميته!!
فاهمه؟!!!!
طلعت الريم وكانت اريج ساكته ومكتفه ايديها التفت لها ماجد: اريج وش قلتي لها حتئ صارت بالعصبيه هاذي؟
اريج ناضرته: مجرد موضوع تافه لاتاخذ الموضوع بجديه!
هز ماجد راسه وطلع وهي لبست وطلعت وهي تحاول ماتفكر بالموضوع،
كانت بالصاله مع خالتها ام عزام وتسولف وتضحك قاطعهم دخول عزام ومعه بنت: السلام عليكم!
وقفو: وعليكم السلام!
ريتاج ب استغراب وابتسامه: عزام مين هاذي؟
تنهد عزام وهو يحس نفسه ب اختبار وهو يمسك يد البنت: هاذي زوجتي عبير وهي مثلها مثلك بالبيت!
ضحكت ضناً منها انه يمزح بس اختفت ضحكتها تدريجياً لما شافت ملامحه الجديه ونطقت بصدمه: لا انت اكيد تمزح!
م مستحيل!
تكلمت زوجته"عبير" بدلع وبرود: نو حبيبتي مايمزح هو زوجي الحين ومثلي مثلك هنا!
ماكان عندها اي ردت فعل غير انها ضربت عزام كف والتفتت وهي تتوجه لغرفتها ودخلت وقفلت الباب خلفها تسند ضهرها علئ الباب ومباشره بكت بعدم تصديق ل الي سواه عزام جلست علئ ركبها مباشره تصرخ بكل قوتها، بهاذي اللحضه حست بالغدر والخيانه من عزام فعلاً الدنيا دواره يوم معك ويوم عليك توها تحس ب الألم الي سببته ل اختها توها تعرف ان الخيانه شي كبير وزوجها اول واحد تزوج عليها رغم معرفتها انه كان يكلمها من زمان بس ماكانت متوقعه انه يتزوجها بيوم من الايام،،،
طلعت اريج من البيت واتصلت علئ نايف وببرود: ابغاه يكون عندي!
نايف بتوتر: بس هاذا شي كبير ويبي له تفكير وانتي عارفه يا انسه انه مو سهل!
اريج: اعرف انه مو سهل بس أنا اامرك ما اشاورك يا نايف ابغاه اليوم وابغئ كل شي جاهز!!!
بلع نايف ريقه: تمام حاضر!
قفلت الجوال وهي ترميه: اليوم آخر يوم بحياتك يا محمد آخر يوم!!!
هل تضنون انها تمزح لا، هي فقدت كل شي فا ليش ماتفقد حياتها وتخلص،،،
بعد صلاة العصر كان بالمكان المهجور مربوط بحدايد علئ الجدار وعيونه مغطيه بقماش، دخلت وهي تناضره ببرود وتقدمت منه وهي تمرر أصابع ايديها علئ وجهه: اممم ب ايش أبداء يا...!
جدي!
انصدمتو صح، جلست علئ الكرسي ب استمتاع: كيف نبداء؟
وش رايك إبداء ب الي بديته مع ولدي؟
اضن جوابك ايه!
تقدمت وهي تمسك الحديده الي ابو فيصل ضرب فيها ولدها وتقدمت منه ببرود: بديت تضربه بالحديده صح؟
بداء ابو فيصل يخاف هو الحين مربوط قدامها وراح تضربه بالحديده رفعت الحديده و،،،
كانت منسدحه وماجد حاط راسه علئ بطنها وهم الاثنين منسدحين رن جوال الريم وسحبته وهي تشوف الاسم تنهدت وردت: هلا وش آخر الي سوته هالمره؟
تكلم نايف بتوتر: انسه الريم انتي لازم تجين الحين!
الريم ب استغراب: ليش وش سوت؟
نايف بلع ريقه بتوتر: كلمتني اخطف ابو فيصل وهي توها دخلت مدري وش بتسوي!
الريم فزت وطاح راس ماجد ونطقت: انت مادخلت معها؟
نايف: قالت لي انه لازم اكون برا!
ماجد مسك راسه بألم: شوي وتكسرين رقبتي!
طنشت الريم ماجد ونطقت: اههخ منها الحين اجي!
قفلت وهي تناضر ماجد: امش بسرعه خلنا نروح لبيت اريج!
ماجد: ليه وش فيه وش صاير!
الريم وقفت وهي تلجس عبايتها ونقابها: امش انت الحين ولاتنسئ خل اخوك يجي!
ماجد لبس جاكيته وطلع ينادي ليث وركبو السياره والريم تدلهم علئ الطريق!،،،
بس طيحت الحديده علئ الارض وتكلمت ببرود مستفز عند فيصل: عشاني طيبه وحنونه ماراح أضربك!
وراح اقتلك بدون عذاب!
رفعت السلاح وهي تثبت الهدف وكان راسه كانت تبغئ تطلق وتخلص من السالفه!
وقفها صوت نايف: تكفين أريج أنا اشتغلت معك وانا حاقد عليه بس تكفين لاتودين نفسك بداهيه!
شوفي نقدر نسجنه معنا كل الادله اريج!
الادله الي تسجنه والقصاص يتنفذ فيه!
اريج بس مره وحده اتركي السالفه هاذي!
كانت اريج رافعه السلاح وناضرت نايف: هاذا الي خطف اختك وترك الف واحد يعتدي عليها!
هاذا الي قتل الف طفل!
ويبيع مخدرات ويدمر مراهقين ويقتل!
ومحد يكشفه لانه معه فلوس وراح يطلع بفلوسه ياغبي!
بس آليوم أنا بنهي كل شي وبقتله!
تنهدت وهي تطلق النار طلقه ورا طلقه فرغت كل الأسلاح الي معها علئ راس ابو فيصل وهنا نقدر نقول اريج قتلت ابو فيصل!
دخلو وشهقت الريم وهمست بدموع: تأخرنا!
كانت اريج جالسه علئ الارض ونايف جالس جنبها وهدواء تام ساد علئ الكل نطق ليث وهو يتقدم منها بعصبيه: انتي ايش تستهبلين!
كيف كيف قتلتيه؟
وقفت ببرود: تطمن كلمة الشرطه وسلمت نفسي!
وانت نايف الفيديوهات معك وكل شي معك بتسلمهم ل المحكمه مو الشرطه!
ابغئ تسلم كل شي للقاضي!
لفها ليث له وهو يضربها كف وبغضب: هاذا همك انتي قتلتي بني ادم مو حيوان!
ناضرته وهي ماسكه خدها: البني ادم هاذا هو الي قتل ولدي وقتل سيف آخو الريم!
وانا وعدت نفسي اقتله وقتلته بكل بساطه!
كان ليث بيتكلم بس قاطعه وصول الشرطه الي قبضو علئ اريج وليث منزل راسه وماجد مبتسم بهدواء والريم كانت مصدومه انه صديقتها قاتله!
"يتبع"
أنت تقرأ
قدرك كبير ويعجز الشعر يوفيه لاقلت احبك والله اني احبك
Humorام تطلقت من زوجها وهي عندها ولد وتزوجت واحد متزوج ولما حملت منه كثرت المشاكل وتطلقت ورجعت لزوجها السابق قصة بنت عانت بين اب وام متطلقين
