في ليالي نجديه.......
"بيت البدر "
صحو كلهم إلا نوره كانت سهرانه على فلمها
أصايل بصراخ :نورررررررررهههههه اخلصييييي قومي ساعدينييييي
نوره بكسلللل وتقول :زين زين يمه قمت
صحت نوره وراحت لحمام (وانتو بكرامه)
بدر :وين نورتي
نوره وهي نازله من الدرج :سم سم يابعدها
بدر بضحك :ياحيي هالصوت
نوره تقدمت تقبل راسه وتقول :الله لا يحرمني منكك يالبدر
البدر :اسمعو ياعيال ترانا بكرا بنروح لبيت جدكم
الكل:تم
____________________
"بيت الواليد"
وليد :فوازو رح جيب خبز من الخباز
فواز :يايبه من راح سعود وانا شغال رايح جاي
وليد بتمثيل العصبيه :وش وراك انشالله ؟؟؟
فواز بربكه :لا لا ما وراي شي وسم الحين اروح
وليد بضحك :شاطر
اتصل سعود الي غاب اسبوع عنهم ولا كلهم
وقال:السلام عليكم
وليد ماستغرب الصوت بس مايدري من للحين وقال :عليكم السلام
سعود :عظم الله اجرك
وليد :بمن؟
سعود :انت والد سعود ؟
وليد :ايههه أنا
سعود وهو كاتم الضحكه :عظم الله اجرك بولدك
وليد وهو يصيح :لا تكفى تكفى إلا سعود قل انه سعود ثاني
سعود :اااا هو سعود بن وليد بن العبدالله ؟
وليد :ايييه هو
سعود بضحك :مرحبا بك يايبه
وليد :الله يلعنننك طيرت قلبيييي
سعود :بسم الله عليك يالواليد
وليد :وينكك متى تجي
سعود :ولا مدري مطول
وليد :ترا بنروح الديره
سعود :الله شكثر احبها ومشتاق لها
وليد :حاول خذ اجازه
سعود :بحاول يايبه ..سلم لي على امي واخواني
وليد:يوصل
سكر الجوال وقالت شيخه :منو ؟
وليد :الشناتي (سعود)
شيخه :يابعد عمري هو اشتقت له
وليد :الله يرده بسلامه
_________
الديره ....
وصلو عائله البدر
رحبو فيهم وراحو البنات يركضون ليضمون ضي
"ضي بنت يتيمه ام وأب توفو من هم وصغار وأخذها الجد عبدالله وصارت بنته "
نرجع لهم ...
ضمووها واستانسو مره
_____________
عدت الايام
وقال الجد :بسوي عشاء بمناسبه جيه سعود
وليد :يايبه لا تكلف على نفسك
احمد: كثر خيرك
الجد :إلا لازم حفيدي ماني شايفه من ثلاث سنين وصار رقيب رفع راسي ولا تبي اسوي له ولا لا اسوي
وليد بربكه :تمام تمام
________________
"وقت العشاء "
كان الكل فرحان والبنات يركضون والي تصارخ تقول وين فساتني
والي تقول وين الكعب والي والي ...
خلصو البنات وكأنو قمه بالجمال
نوره :كانت لابسه فستان اسود عاري الصدر والظهر وشعرها ويفي وحاطه روج نودي على بينك وكانت قمه بالجمال
فوز :كانت لابسه فستان ازرق وفي فتحه من عند الفخذ والظهر طالع وشعرها ستريت وقصتها مدرجه وكانت حلوه
ضي :لبست فستان اف وايت وفيه خطوط زرقاء مره كان عجيب وكانت مخليه شعرها على طبيعته كيرلي وطالعه حلوه مره
________
عند العيال ...
كانو فرحانين بجيه سعود واخيرا رح يشووفونه بعد غيبه وكان فارس متحمس يشوف حب طفولته
___________
مجلس الحريم كانو جالسين البنات صف واحد إلا
شيخه تقول :نورتي تعالي عندي
نوره بستغراب :سمي
شيخه :كبرتي وصرتي حلوه مابقى لك غير العرس
نوره بوهقه :ااا وين يالخاله توني صغيره
شيخه :لا لا مانتي صغيره وانتي للل..
ماكملت إلا ونوره ناطه عند البنات
شيخه بضحك وسوت لها من بعيد 🤌🏻
نوره ابتسمت لها
_________________
دخل سعود الدوانيه والكل قام له ورحب فيه
الجد :ياهلا بروحي ياهلا باللي يسلب لي السعاده
سعود وفيه الصيحه من كلام جده له وقال :ياهلا ياجد راح ضمه وقبل خده وتوجه ل ابوه وقبله خدادي
كان سعود ماله نفس بالعشاء يعني توه جاي والنفسيه يادوبك بس كان يتظاهر الفرح
محسن كان يكره سعود من الصغر وقال:هذا رقيب !هذا حده سوق غنم
سعود سمعه وقال :والله فخور بنفسي دامني رقيب مو مثلك تلحق بنات
محسن بوهقه قال:اي ماشاءلله ماشاءلله الله يهنيك
سعود كان يسولف مع اعز خوياه تركي وكان يسولف معه ويضحك
عند فارس الي كان وده يشوف ضي قلبه بس مرتبكك يخاف بنت غيرها بس ارسل ل نوره وقال :نوري
نوره :عيونها وقلبها
فارس :امانه ابيك تحاولين تطلعين ضي بس ابي المحها من زمان عنها
نوره بصدمه :تحبهاااا!!!!!
فارس بوهقه :ايه والله
نوره :تم بطلع أنا وياها وشوفها من بعيد
فارس :كفو كفو اعشقك يافضل اخت
نوره :بس بشرط
فارس :وش
نوره :قهوه
فارس :تم
"عند نوره وضي "
نوره :ضوضي
ضي :هههههههههههه وش الاسم هذا
نوره :افا ضوضي ماعجبك !
ضي :إلا يانوني
نوره :امانه ابيك تصوريني حرام كل الكشخه هذي ولا أتصور
ضي :يلا امشي برا
نوره :يلا
ارسلت ل فارس وقالت :يلا تعال
فارس :تم
كانت ضي تصور نوره وفارس يطالع لهم من بعيد بس ماجت عينه على اخته خير شر كان يطالع ضي قلبه ضيه الي ينور قلبه كل ماشافها وقال بهيام ..
قلت: أرحموني لأهلك
ياربربي من جهلك
ماتختشي من اهلك
أقفى وقال لي عجلان
اشعل فوادي حسره
بأعيان مثل الجمره
فكيف لاهي سمره
فاقت جمال الغزلان
عند نوره الي مشت وخلت ضي تتصور لحالها ولا هي منتبه لوجود فارس
دخلت المطبخ وشافت شخص ضخم قدامها قالت بينها وبين نفسها :بسم الله منو المغولي هذا
لف عليها سعود وجت بتصرخ نوره لكن مسك فمها وقال ::ااااششش
نوره هزت راسها بمعنى تمام
فك من فمها وقال :شفيك تبين تفضحينا
نوره :وش دراني اني بلقى مغولي ب المطبخ
بعدين وش تسوي انت قطو مطابخ !
سعود وهو كاتم الضحكه من ذباتها بس مثل العصيبه وقال :لاتخليني امسك الحين اشرشحك بشرطه
نوره بصدمه وقالت :سعود !
سعود :الرقيب سعود لو سمحتي
نوره بربكه واستوعبت لبسها راحت مسكت شماغه وقالت :هات هات لبسي مو ساتر
سعود :طيب كيف اطلع بدون شماغ عبيطه انتي ؟
نوره :اوف طيب هاك بس صد
تنح سعود من ركز فيها وفي شعرها وفي عيونها الغزال وثغرها المليان روج وصد عنها بعد ماخذ نظره وطلع
عند نوره الي كانت مستغربه من نظرته آخر شي بس ماهتمت
خلصت العزيمه على خير ومسحو البنات الميكب وقعدو يحشون بناس إلا ضي تقول :بنات شفتو دانه يع يع تغث
نوره :حبيبتي شايفه نفسها على وش مدري من قايل لها انك حلوه
فوز كانت طيبه وتحب الخير للكل وقالت :حرام بنات والله مسكينه
نوره :والله وسكينه حبيبتي ماشفتي نظراتها ل اخوي فارس بتاكله اكل
ضي وهي حست بشي داخلها يغلي وقالت :مالقت إلا فارس
نوره :ليه وش فيه اخوي
ضي :مابه شي بس اخوك احلا منها ولا تقول عليه هي
نوره ببتسسسامه :امممممممممم
ضي :وشو
نوره همست :تحبينه ؟
ضي :امبيه لا لا
نوره :اممممم
_____________
"غرفت سعود "
كان توه طالع من الدش لبس وخلص واخذ تابلت حقه وراح لكوخ الطفوله
دخل الكوخ وتذكر كل الذكريات الي كانت به
دخل وطلع له سجاده ومركه (الي تتكون عليها )وطلع الحوش
بدأ يهوجس بالماضي حقه بعدين طلع من مرحله الهواجيس ودخل مرحله الحب وتذكر شكل نوره اليوم وقال ..
جمال العذارى
كلبوهم بدون جدال
علي الطلاق
انتسّ خذيتيه "يانوره"
قام يمسح على شنبه وقال :والله لآخذك يابنت البدر وتكونين ملك لي
نام وهو كل تفكيره كان بنوره ...
