صحو البنات على الساعه 5المغرب وكان الخمول فيهم الف
تافافت نوره وطالعت في الساعه ونطت وقالت :يابنات قومو راح الوقت علينا
ضي بنعاس :تكفين نوري بس ساعه
نوره :ولا ثانيه
تتلفت تدور جوالها ولا تلقى رساله من عمتها
"تعريف بسيط عن عمتها "
هي حرمه بعمر 40 وعندها بنت وحده لكن سبحان الله بنتها نوف ماطلعت زي طيب امها وحده تحب تفرق بين الناس وتكره نوره مره ودايم امها تصف ضدها ولا كانها بنتها
واذا تسألون وين الاب الاب تاجر مخدرات ومطلوب القبض عليه لكن منحاش خارج المملكه من سنين ولا يدرون عنه
____
نرجع لرساله
العمه وصايف :نوري صدق برياض انتي ؟
نوره :يوه وش دراها هذي
ضي :وش فيك يابعدي
نوره :عمتي وصايف درت اني برياض
ضي :ردي عليها
نوره :هلا وغلا بعمتي ايه برياض جايه اجهز
وصايف :اجل عشاك عندي الليله
نوره :لا ياعمه لا تكلفين على نفسك
وصايف : لا كلافه ولا شي بس ترا بتجي عمتك الجازي
نوره :ضي هذا الي ناقص بتجي الجازي عز الله كلمت
ضي بضحك :يايبه سلكي وش نسوي
نوره :ابشري ياعمه وما قصرتي
راحو البنات بتجهزون
طلعت نوره فستان اسود ضيق وعاري الصدر والكتف والشعر ستريت
اما ضي الي طلع فستان ازرق قصير وشعرها كيرلي خلته
وصبا لبست جمبسوت لونه بني مره يجنن رفعت شعرها كعكه وخصلتين من قدام
فوز لبست قميص رسمي وبنطلون لونهم وردي مع توب ابيض شعرها ويفي
اتصلت نوره على فارس وقالت :فارس صاحي ؟
فارس :ايه وش تبين
نوره :ابيك توديني بيت عمه وصايف
فارس :اوكي
راحت نوره تاخذ لها كم صوره وصورت فيديو
على اغنيه ..
وان لقاكم حبيبي
سلمولي عليه
طمنوني الاسمراني
عامله ايه
الغربه فيه ؟
صورت وارسلت عمدا لسعود وراحت قفلت جوالها ومشت تلبس كعبها
ركبو السياره واتجهو ل بيت العمه
عند فارس الي كان طول الوقت يناظر ضي قلبه وكيف الكيرلي يموت عليها
وقال :
ياضي انتي عيونج
نجمتين
ضي ورا ضي يعود
(كلمات الراحل :بدر عبدالمحسن )رحمه الله عليه
سمعته نوره وفتحت عيونها وارسلت له قايله :وش الي سمعته يافوفو
فارس :ها وش
نوره بضحك وتطالع فيه وقالت :أوريك حسابك بالبيت
فارس :امسي
وصلو البيت وشافت العمه فارس وراحت تركض وهي تقرص خدوده وتقول :وزينو الرجال أنا الي صار يجيب اخته
فارس استحى :يعني ياعمه مو كذا قدامهم
العمه :مامن غريب
حياكن الله يابناتي تونور بيتي
البنات :يحيك
راحو اتجهو لصاله وشالو عبايتهم
اتجهت نوره لدوره المياه تعدل شكلها قبل يجون الحريم
خلصت وراحت اتجهت للحريم وكانت ضي جالسه جنب جارت العمه ينقال لها ام سهم
طالعت في نوره وقالت:ام الأسود تهبل
طالعت ضي وهمست للحرمه :وام الازرق ماتهبل😉
ضحكت ام سهم وقالت :كلكم مزين بس من بناته انتم
ضي أنا بنت عبدالله
وهذيك نوره بنت بدر
وهذيك اختها صبا بنت بدر
وهذيك فوز بنت وليد
ام سهم :ماشاءلله كلكم مزين معرسات ؟
ضي :لا والله بس نوره مخطوبه من اخو فوز
ام سهم :ايه ماشاءلله
_________
عند سعود~
صحى من النوم اخلاقه ماش
لف طالع جواله لقى رساله من نور العين ابتسم وفتح الرساله وشافها وقال:اخخخ احبك يالنوري ابد ثلاث ايام وانا عندك مابقى شي وأخلص
حفظ الفيديو عنده وراح اتجه يغسل وجهه ويصلي عشان يبدون الهجوم
__________
الرياض ~
كانت نظرات نوف ماتطمن أبدا راحت صبا على نياتها وقالت :شلونج نوفي
نوف ببرود :ماني نوفت احد واذلفي عني
سمعتها نوره وجت وقالت :هي هي عدلي أسلوبك مع اختي
قامت نوف وقالت :واذا ماعدلت وش بتسوين ؟
نوره :بس خلي المعازيم يروحون اعلمك شغل الله أنا
راحت نوره اتجهت لعمتها وشافتها بالمطبخ حاطه ايدها على راسها وقالت:عميمه شفيك يابعدي
وصايف شافت نوره وانفجرت عندها :يانوره أنا ليه حظي كذا الرجل راح وخلانا والبنت عانس ولا عندها احد يطالع فيها
عند نوره الي حست ان عمتها محتاجه تغير جو محتاجه نفسيتها تصير حلوه وقالت :عميمه وش رايك تتسوقين معنا لعرسي وبعدها ترجعين معنا الديره والله اجواء الديره احلا واذا على نوف حنى نسنعها لك
طالعت فيها وصايف وقالت :ليتك انتي بنتي ليتني امج وليت أصايل ماهي امج
نوره حست بغصه ان صدق امها ماهي يمها أبدا ولا هي مهتمه فيها وقالت :ياحبيبتي ياعميمه أنا بنتيج قبل اصير بنت امي
ابتسمت وصايف وضمتها وقالت :ايه صدق وريني زوجتك
ابتسمت نوره من جابت طاريه وقالت :اغار عليه
ضحكت العمه وقالت :يلا عاد وريني
ورتها نوره وقالت العمه :والله مزيون ماشاءلله يالله عاد نبي واحد صغير يشببه
نوره فتحت عيونها بصدمه وقالت:ايه ايه على خير انشالله
ضحكت وصايف وقالت :يويلي نسيت ضيوفي
نوره بضحك :يلا مشينا مشينا
راحت نوره جلست جنب ضي وفتحت جوالها تشوف ولا تلقى نظر عينها مرسل وابتسمت وشافت وبلعت ريقها انه ثلاث ايام ويرد ورت الرساله ضي
ضي شهقت وقالت بصوت خافت :ثلاث ايااام!
نوره :تشوفين وهقه
ضي :من بكرا لازم نستعجل
نوره :ايه والله لازم
خلصت العزيمه وراحو المعازيم بس بقت الجازي وراعيه البيت والبنات
طالعت نوره بنوف وقالت :ها تبيني اوريك شغل الله ؟
نوف مدت لسانها وقالت :ااااا يلا تعالي وريني
قامت عليها نوره وكفختها والجازي تصرخ وهي تقول :وايييي ذبحت بنت اختييييي وايييي ماتتت
نطت فوز عليها تكمل على الجازي
عند العمه وصايف الي مبتسمه لنهم جن
خلصو فوز و نوره وقالت نوره :كفو حماتي ماتقصر
ضحكت فوز وقالت :هههههههههههههه لا يشوفني سعود يجلدني والله
نوره :يويلي يخسي ياختي مدامج اخت زوجي معليج
فوز :يابختي فيج ياشيخه
اتصلت نوره على فارس وقالت :فوفو تعال لنا
فارس :شوفي غيري اسمي وواجيكم ترا لوعتي كبدي بالاسم هذا
ضحكت نوره وقالت .يلا تعال فارس
فارس :جايكم
لبسو عبايتهم وراحت نوره سلمت على عمتها وقالت :عميمه بكرا اتصل عليج تجين معنا السوق
وصايف :تمام ياعيوني بحفظ الله
وصلو البيت وكأنو البنات متكسرات
اتجهو فوز ونوره فوق
وضي راحت المطبخ تشرب ماء
ماتوقعت انه رح يكون احد بالبيت راحت ونزلت عبايتها وحطتها على يدها وشربت الماء ووقفت فتره تهوجس
إلا يدخل عليها فارس وهي جت تبي تصرخ يركض ويقول :اششش بطلع بطلع
مسكت العبايه وبدال لا تغطي نفسها راحت غطت وجه فارس وقالت :أنا بروح واذا قلت لك فك العبايه فكها وحطها بالمطبخ وانا بعدين اجي اخذها
وراحت تركض فوق وهي توصل للغرفه وتحط يدها على قلبها بتعب وتدخل الغرفه تلقى نوره جالسه على السرير وتراسل وقالت :امممم من تكلمين
ضحكت نوره وقالت :سعودي
ضي :يع تكفين هههههههههههههه
نوره :شتبين خليني بالحب
ضي :لا يدري على الي سويتيه اليوم
نوره :بقوله ياحبيبتي
اتصل سعود عليها وقال :اخخخ يانور العين وش كثر مشتاقه لك
نوره وهي مستحيه :وانا بعد
وضي تطالع فيهم وقالت :مالت عليك وعليه بروح ل صبا وفوز احسن
نوره بضحك :روحي وش حادك
سعود بضحك :منهي
نوره :ضي
قربت ضي وقالت :هي انت ارجع سرقت قلب بنتنا ورحت وايه ترا دايم تبكي على فرقاك وتشتاق لك ف لو سمحت ارجع
نوره الي كانت تطالع فيها بصدمه ومتى وشلون صار هذا كله
ضحكت ضي وقالت :تصرفي ياروحي باييي
نوره بيدها :والله اوريك هين
طلعت ضي ونوره كانت ساكته
سعود الي كاتم الضحكه بس ماقدر وضحك
نوره :وش يضحك !
سعود :ياخي اعترفي انك تحبيني وتبيني جنبك
نوره :لا من قال
سعود :اوريج بس ارد
نوره :اسمع تخيل وش صار
سعود :سولف تفاصيل حبك وانااااا كلي هيييام كل مانتهت سالفه قلت بالله عيد
نوره :يوههه نسيت السالفه
سعود ضحك وقال :يلا يلا قولي وش
نوره :تخيل كفخت بنت عمتي نوره و..... وجت فوايزر كملت على عمتي الجازي وناسه
سعود :حي عين زوجتي الي ماترضى احد يدوس لها على طرف بس فوازير وش تبي
نوره :هوب هوب حدك على حماتي أنا وياها واحد
سعود :عز الله عينت خير
نوره :هههههههههه
سعود :يلا حبيبي ادعي لي بنروح نهاجم
نوره :انتبه لنفسك واستودعتك الله
سعود :احبك
استحت نوره :اوكي زين يلا يلا
سعود ضحك وقال :باي ياحب
________
انتهى ...لا تنسون النجمه
احببببكمممم ياخي بوسات لكم على الدعم الخطير وهذا بارت طويييل لعيونكم ونازل ثاني بعد
الكاتبه :الوُرد
