بنات السعد الجزء الاول،الثاني

البارت١ (الجزء الثاني )

واقفه سمر أمام المرأة تنظر لها بشرود قطع شرودها دخول والدتها الغرفه وهي تقول:بقالك ساعه واقفه قدام المرايه هو في اي بظبط انهارده محسساني انك اول مره تروحي القسم

نفت سمر وقالت بقلق:مش اول مره بس اول مهمه حقيقه انا مرعوبه ياماما خايفه يحصل ليا حاجه خايفه فارس يركز معايا فى المهمه ويحصل لي حاجه اما مش قد اني اخسر فارس نهايي

تنهدت والدتها بتعب وقالت:يابنتي لو مكتوب ان يحصل حاجه هتحصل حتي لو المهمه مش موجوده سبيها على ربنا بس انتي قبل ما تروحي ادعي وقولي بسم الله واقرأ الفاتحه ثم قالت بجديه ابقي قولي لفارس يجي معاكي انهارده او بكره من اول ما اتخرجتي مشفتوش

ابتسمت سمر وقالت بهدوء:حاضر هقولوا بس اقولك الصراحه مش عايزه يجي دلوقتي لان عارفه انه اول ما هيجي هيفضل يتكلم مع بابا اننا ننجز عشان نتجوز وانا مش عايزه دلوقتي عايزه على الاقل اثبت نفسي فى الشغل او انفذ مهمه او اتنين وبعدها اشوف موضوع الجواز دا

نظرت لها والدتها وقالت بغيظ:اخواتك كلهم اتجوزوا الا انتي ابوكي عايز يطمن عليكي

ابتسمت سمر بسخريه وقالت:اه اتجوزوا بس كل شويه فى خناقات دا ساندي كل دقيقه بخانق صراحه بيشجعوني اتجوز اووي

نظرت لها والدتها وقالت بضيق:انا تعبت منكم كل واحد فيكم يعمل الي فى دماغه  المهم  بقولك اختك اتخانقت مع هشام تاني روحي شوفي مالها وقوليها لو ابوها جه هيطلع عينها على الخناقات التافه اللي بتعملها كل شويه

اؤمات لها سمر بنعم وقالت:حاضر هعمل كده وبعدها هعدي علي سليا يلا انا هنزل فارس بقالوا شويه حلوين تحت لو اتاخرت اكتر من كده هيطلع ينفخني

.............
فى منزل هشام تقف ساندي امام هشام وهي تقول بغيظ:بقولك اي انا مبحبش التجاهل دا هو اي حاجه انا اقولك عليها تتجاهلها احترامني واحترام قرارتي

نظر لها هشام وقال بغضب:صوتك عالي اتفضلي اقاعدي ونتكلم بهدوء انا مبحبش الاسلوب دا

جلست ساندي بجانبه وقالت بضيق:اهو قاعدت اتفضل قولي انت ليه بتتجاهلني بقالك يومين رافض تاكل معايا ورافض  تقاعد معايا اسفه يعني على الجمله بس دا شغل اطفال هو كل ما اقول حاجه تزعل وتبعد عني

تنهد هشام بضيق وقال:هو دا اسلوب ينفع تتكلمي بي مع جوزك دا انا لو عيل هيكون فى احترام شويه انا ولا بتجاهلك ولا نيله بس انا عارف عصبيتي عشان كده بحاول ابعد عنك بدل ما اخرج كل عصبيتي فيكي وانا مش بزعل بس انتي اللي بتقولي كلام مش منطقي الصراحه

نظرت له ساندي وقالت بستغرب:كلام اي اللي مش منطقي اي الغريب فى اني عايزه اشتغل هو انا دخلت اتخرجت من كليه طب عشان ابقي خدامه عندك

نظر لها هشام وقال بصدمه:خدامه دا اللي انتي شايفه انا قولت كده انا قولت ليكي اني رافض الشغل وانك هتكوني خدامه فى البيت بصي يابت الحلال اسمعيني لاخر لان انا بعد ما هقول الكلمتين دول هنزل وهرجع بليل تكوني فكرتي فى كلامك دا كويس وتقوليلي ردك واحد انا مرفضتش الشغل انا رفضت انك تشتغلي عند واحد معجب بيكي وانتي بنفسك قولتلي انه بيبص ليكي نظرات مش مريحه قولت عايزه تشتغلي اشتغلي معايا على الاقل اخذ بالي منكى متنسيش انك حامل انا اخاف يحصل ليكي حاجه وانتي بعيد عني او مع ناس معرفهمش دي كل اسبابي مش عايز ارجع بليل نكمل خناق كفايه لحد كده