صدفه ومن احلى الصدف قابلتني.

البارت الثاني و العشرون

ويم الي سكتت و قعدت تبكي قام نايف و سحب الجوال من يدها بسرعه و حطه على الاسبيكر : الو
الغريب : مالك
نايف : ابو ويم وينه
الغريب : ما تشتي تمسع الكلامم اسير عندنا
قفل الخط في وجهه نايف و الكل انصدم و ويم زاد عليها التعب راحت عندها ام نايف : هدي يا بنتي ان شاءالله مافيه شي اذكري ربك
ابو نايف : شلون اسير
نايف : مهمته وسط اليمن وهاذا اصعب شي يا جد
منيره : هديها على البنت انت مو تزيدها
خلف : ولله وهو صادق بس احس من نبره صوته يكذب
نايف : مستحيل عمي ينمسك القطاع العسكري كلها تشهد له و المواقف الي صارت له يدخل بينهم و ينهبهم كلهم مستحيل
ابو خلف : ان شاءالله خير يارب
(بعد 15ساعه )
كل ذا الوقت قضوه في توتر و نايف و خلف ما وقفو اتصالات على معارفهم الي مع ابو ويم و لسى ما لقيو منه خبر و الكل جالس على اعصابه و ويم من كثر دموعها ما جف خدها فجأه اتصل جوال ويم و كان ابوها و وقفت شوي و قالت : يارببب هو ردت بسرعه ووصلها صوت ابوها : السلام عليكم
فزت ويم و الكل فز من فزتها و قالت : وعليكم السلامممم يا هلا و مرحبا حي هلصوت جعلني ما اعدمه يبه وين كنت لنا 15 ساعه على اعصابنا
ابو ويم : ليه وش فيه بسم الله
حكت له ويم كل السالفه و قال : يا بنتي الله يهديك قد قلت لك لا تدقين علي اذا استلمت تشتبك الخطوط السعوديه و اليمنيه و الي رد عليك يكذب انا بخير و حي ارزق
ويم : الحمدلله يا عيني اشر لها ابو نايف انه يبي يكلمه و اعطته الجوال و الاصحاب ياخذون علوم بعض و قال له ابو ويم انه بكرا وهو عندهم و فرح الكل بسلامه ابو ويم و الحمدلله رجعت الضحكه لوجه ويم و ناظرت في نايف الي مبستم لها و بعد ما تطمنو قام ابو نايف و قال : يلااا كل واحد على فراشه و نوم حركات تقعدون و تحسبون ما ادري عنكم ما ابيها انخمدو لا اسمع لكم حس و انتم يا بنات لا اشم ريحه طبخ امسو
ضحك البنات و قالت منيره : علم بهايمنا ما يزعجونا
ضحك ابو نايف و قال : اني داري انه هم همسو و اصبحو مع العرب
ضحك العيال وهم يتوعدون في منيره و طنشتهم و دخلو البنات يرقدون الكل نام بعد الي صار لهم رقدو وهم مطمئنين علو ابو ويم و كالعاده مسكت ويم دفترها قبل لا تنام و كانت جنبها منيره و كتبت بكل حب لو كل ليلة تمر علي تشبه ضحكتك والله أن كانت كل ليالي عمري بخير
سحبت منيره الدفتر وهي تضحك و قالت : خليني اشوف وش اسرك اليوم
ويم : ضحكتها جعلني ما اعدمها
منيره : مزيون ادري به اخوي
ويم : و انتي ما انتبهتي على العيون الي ما فارقتك ؟
منيره : هالعيون ولله اني شفتها لاكن اتجاهلها يا ويم
ويم : يبنتي وش تبين اكثر من انه يحبك و يغليك ولله ان خلف رجال ينشد فيه الظهر و انتي لا تخفين شعورك ولله انك تحبينه بس تكابرين
منيره : يختييي
ويم : اسكتي انا مع خلف بعدين كذا لايقين على بعض رسمت حياتكم مع بعض
منيره بضحك : سميتي عيالنا ولا باقي ؟
ضحكت ويم بصوت عالي و صاحو عليها البنات تسكت و انتبهو لضحى و عبير الي وجيههم حزينه و اشرت منيره للبنات و قامو كلهم حولهم و نطقت طيف : شفيكم يا بنات مو عوايدكم
غدي : ولله ندري انكم ما تبون الشينه لأمكم لكن هي جابتها لنفسها
منيره : و نايف ما غلط معها هي اخطت عليه طلبتكم لا تزعلون عليه
ضحى : ولله ادري ان امي الي مخطيه و صح ما احب الشي الي تسويه لكن ما هان علي اشوف ابوي يضربها قدام الكل
نجد : هو خالي الله يهديه تسرع
عبير : انا خايفه اقوله ابي نروح عند امي و يرفض
ويم : كلميه ما راح يرفض هاذي امكم و مهما صار تحطونها تاج على روسكم الا امكم يا بنات
ضحى : انا بقول له
منيره : و انا معك بقط اعزز لك
ضحكو البنات و قالت وعد : ايي كذا ورونا الضحكه الحلوه ذي
الكل رجع على فراشه و نام و الهدوء عم في البيت ...
(في يوم جديد )
قام الكل بدون استثنى بدري يجهزون لرجوع ابو ويم و الكل الروقان عندهم عاليي البنات الي يسوون القهوه و الشاهي و الحلا وهم مبسوطين و يغنون و العيال الي يشبون في النار و بخرو المجلس و فتحو الشبابيك و باب بيتهم مشرع يشوف طاقتهم الجميله كل اهل الديره و الكل متفقين و بدون استثناء ان ال مسفر من احسن بيوت الديره قلوبهم على بعض و ان الي ينخاهم ما يندم عزم ابو نايف كل اهل الديره و ام نايف عزمت و نايف الي قال لرايد : دامها اليوم فرحه بخلي الفرحه فرحتين و بتقدم لويم اليوم قدام الملا و خلو الديره كلها تدري ان نايف لويم و ويم لنايف
رايد : يلاا يا اخوي اقدم و انا معك
كاسر : بيعرس قبلي غش
نايف : يلاا اقدم انت بعد
كاسر : لا امزح باقي هلقلب محد سرقه
رايد : احساسي يقول بينسرق قريب معليك
صاح جسار يقول : يا ابو احاسيس تعال
ضحكو العيال و كملو شغلهم و جلسو ينتظرون جيه ابو ويم
(عند البنات )
خلصو شغلهم و قعدو و اعطت منيره نوره طاوله و فهمتها نوره و بدت تدندن عليها و ارتفع صوت البنات يغنون و كانو يقولون
"بلغ حبيبك وقله باخذك منه"
هذا هو الحل ومالي أي حل ثاني
ما أقدر أقعد وأشوفك بس وأستنى
كل يوم عنك بعيد يزود جناني
ياليت ياليت قلبك عرفني من صغر سنه
و الله لأحبك و أضمك بين أحضاني
حبيب قلبي منعت القلب لكنه
يبغيك إنت ولا يبغي أحد ثاني
ياليت قلبك عرفني من صغر سنه
و الله لأحبك و أضمك بين أحضاني
حبيب قلبي منعت القلب لكنه
"يبغيك إنت ولا يبغي أحد ثاني"
وقفو و ضحكو مع بعض و قالت منيره : اليوم صحينا مروقين مره
نجد : اقولك اول مره نسهر و نصحى بدري
الكل : منجد
ماهي الا دقايق و ارتفعت صوت التراحيب و كان ابو ويم و معه ولد شباب رحبو فيهم و سأله ابو نايف : من ذا
ابو ويم : هاذا حامد  ولد خاله ويم قابلته في الدوام و حلف يرافقني
ابو نايف : الله يحيك يا ولدي
حامد : الله يسلمك
همس نايف قايل : الله يستر من جيته
رايد : ليه ؟
نايف : مدري
كاسر : قصدك علشان ويم ؟
نايف بصوت عالي : حرام حرم الدم ما ياخذها
التفت الكل له و قال جده : وش هي
خلف بسرعه : سيارته
قطب حواجبه ابو نايف وقال : من بياخذها
رايد : انا بغيتها لكن خلاص عفتها
طلعو العيال بسرعه من المجلس و فطسو ضحك و صاح عليهم جدهم : وجعع انت وهو تعالو
الكل دخل المجلس و عدلو ملامحهم و بدو اهل الديره يجون و العيال ماسكين الدلال و وصل نايف لحامد يمد له الفنجال و مد حامد يسراه ياخذه و سحب يده نايف وقال بصوت حاد : يمناك
حامد : طيب لا تنفخ
التفت خلف عليه وقال بحده : وهو صادق
اخذ حامد الفنجال وهو يتأفف منهم و نقدوه العيال و جلسو جنب بعض احفاد مسفر و قال نايف : يبي له تربيه
خلف : انشهدد انه يبي له
كاسر : صيدو الزله الصح و ابشرو
جسار : معليك بكون ساهر
منيف بضحك : عيال صار كره جماعي وهو لسى ما كمل ساعه في مجلسنا
محمد : الي ما يطيقه واحد فينا كلنا نشبك معه
نايف بصوت عالي : حييي عيال عمي
ردو عليه كلهم : حي نباك
و ماهي الا دقايق ووصلت صحون الغداء و قلطو الضيوف و من بعده بداء الكل يمشي و قال رايد : شفيك انت ما خطبت
نايف : بوجود ذا النشبه ؟
رايد : معليك منه
نايف : لا انتظره يروح و نخطب
قام حامد و استوقفه صوت ابو نايف : على وين يا ولدي
حامد : خلاص تطمنت على عمي ابو ويم ما عاد لي قعده هنا برجع
ابو نايف : هقعد ريح معنا ذي اليومين
جا بيتكلم حامد و نطق ابو ويم : اي بالله خلاص اقعد
حامد : ابشرو
نايف بهمس لخلف : مطيع الولد ذا
خلف : معليك منه يا ولد العم
( عند البنات )
منيره الي كانت تناظر مع الشباك و شافت حامد و قالت : من ذا اول مره اشوفه
قامو البنات يشوفون مين و نطقت ويم : واهه يا كرهي
منيره : تعرفينه ؟
ويم : ذا حامد ولد خالتي
نوره : انتبهو لوجيه العيال مو طايقينه
ويم : ما الومهم من اسلوبه المخيس انسدت نفسي من شوفه
رجعو البنات و قعدو يسولفون و طلعت ويم لقسمهم تنتظر ابوها و دخلت و ماهي الا دقايق و جاها ابوها : هلا هلا ببنيتي الحلوه
فزت ويم لحضن ابوها و قالت : هلابك يا حبيب و قلب بنته
ابو ويم : وش حالك عساك بخير
ويم : الحمدلله حالي تمام بوجودك حولي يا بعدي انت
ابو ويم : الحمدلله يلا بروح المجلس ان كانك تبين تروحين للبنات روحي
ويم : تمام بس بدخل دفتري هنا
طلع ابو ويم للمجلس و ويم حطت دفترها على الطاوله بس فتحته بسرعه و كتبت فيه "ويم دارك ... اذا حنيت لديارك " و قفلت دفترها و طلعت و حصلت بوجهها حامد و العيال كلهم تقدم حامد بسرعه و قال : وش حالك يا بنت الخاله
ويم الي ناظرت فيه و تجاهلته و مشت و نايف الي فار دمه منه بس مسكوه عيال عمه و قال خلف : هي بنفسها ما اعطته وجه
رايد : احسن
سهم : صبر بحارشه راح عنده سهم وقال : خير نطيت في وجه البنت كذا ما تستحي انت
حامد : ليه انت وش دخلك
مسك رقبته سهم و قال : دخلني اني اخوها يبن الكلب و الجمه بضربه على وجهه
نايف هنا استغل الفرصه و نقز عليه مع سهم و زادت اصوات العيال و طلعو الكبار عليهم و صاح ابو نايف عليهم : بس انت وهو ما تستحون صدق
ابو الهنوف : وش صاير يا عيال
سهم : هلخسيس ذا ما يستحي ولا يحشم الحريم الي في البيت
التفت ابو ويم بحده على حامد وقال : حامد !
حامد : وش سويت بنت خالتي و حبيت اكلمها
سهم : و يقولها بكل ثقه بعد وانت نقزت بوجه البنيه علطول
حامد : هيي انت مسوي لي فيها تقرب لها
سهم : كلنا اخوانها هنا و اهلها تسمع ولالا
ابو نايف بحده : بس انت وهو
ابو ويم : حامد اعقل و العيال هنا اخوانها و ما بيتبلونك كذا
خلف : عمي اسأل ويم ان بغيت
ابو ويم : لا ما يحتاج يا خلف
حامد : انت تشوفني اخطيت يا عمي ؟
ابو ويم : ان كانك نقزت في وجهه اخطيت و الخطاء راكبك لاكن بمشيها لك ذي المره و لا عاد اشوفك عندها
هدو الوضع و طلعو احفاد مسفر من البيت قاعدين يضحكون و يطقطقون و قال نايف : الله يسعدك يا سهم طلعت كل الي في خاطري منه
سهم : ابد انت بس اشر و احتزم
خلف : انا الي مستغرب منه ان ويم طنشته
نايف : ذيبه جعلني افدها
محمد : وشبك انت لو كلمته لقيت نايف يبكي ما يبيها تكلم غيره
نايف : اعقب ابكي بس كان من وقتها هجمت على حامد
ياسر : الله يسامحك يا جدي ليه تنشبت فيه
نايف : هو كذا حظي ان بغيت شي ما يتم بسرعه
جسار : يارجال معليه كل تأخيره فيها خيره
سعد : اي بالله
رجعو للبيت و جلسو في المجلس وهم و حامد مو طايقين بعض ابدا
( عند البنات )
منيره : شفيهم العيال هجمو عليه ولله ان يغسل شراعهم جدي
ويم : تسلم يمناهم و قليل الي جاه
طيف : ليه وش فيه
ويم : الناس لجو يسألون عن الحال يبعدون بشويش مو ينط في وجهه كذا بسرعه
منيره : غرت وشلون ...
سكتتها ويم و ضحكو و البنات مو فاهمين شي و عدوها لهم
الهنوف : يلا يبنات بمشي ودعتكم الله
منيره : بدري يختي اقعدي
الهنوف : ولله يعد ارسل لي اجيكم يوم ثاني
الكل بصوت واحد : فمان الله
طلعت الهنوف للسياره و جاها نايف و قال : بياخذك للمره الثانيه جهزي نفسك يومين و اسنتر لك في البيت
الهنوف : الله يحيك
سعد : اقول بس عيني لا تشوفك
نايف : بتسكت ولا ولله انزلها الحين ترا هنوف قلبي ما ترد لي طلب
سعد : خلاص يا بزر يلاا دزها
نايف : انا بزر ؟
سعد : لا بس فكني بمشي
نايف : حرك بسرعه بس يلا
سعد : بكرا الدوام تعال بدري فيه كذا ملف ابيك تشوفه قبل ارسله
نايف : تمام

يتبع ......

"""""""""""
اهلااا يا حلوين وش رايكم فيني بالله ما طولت عليكم أعطوني رائيكم في البارت و اسفين دخلنا نشبه جديده يلاا اعطوني افكار و تفاعلكم ان شفته اعجل بالبارت و تعالو انستا و تويتر انزل فيها علوم القصه 💗💗💗