#السر_الثامن_والعشرون
#اسرار_لا_تباح
#فـޢޢـرآقـޢޢــډ + هـޢޢـآلـޢޢــةّ
🕊🕊🕊🕊🕊🕊🕊🕊🕊🕊🕊🕊
يكسر خاطري
مرات حته الطير
هم مثلي غريب
وحسرته بصدره
يلم عشه علئ شجره
وعود لازم عود
ويجي الماخايف الله يطيح الشجره
تقدم عليه عمر وخنكني وعصر بلعومي
ـ الموضوع تلغي من راسج لو اطشر راسج
هاجر اجتي تركض من المطبخ
ـ ياااا هاي شجااالك عوووفيها شبيك
الجهال يخافون
انصدمت من ردت فعله
اني لا تجاوزت ولا عليت صوتي
مجرد نقاش وهو هيج تعصب عليه
سحبته هاجر من ايده
ـ شجاالك شكووو شبيك
راح لهناك يمشي ابتعد خطوات من يمنا وينافخ ويستغفر
صاح بصوت عالي
ـ فاااااطمة وينج
هاجر هزت ايدها
ـ شجااالك عمر البنية بالمرافق انطينا درب
روح وحدك ما تروح
ـ بعددددد احسن
شوكت الله ياخذ هل الامانة ويخلصني...!!
طلع وطبك باب الشارع وراه بقوة
هنااا كلامه استوقفني
شنو قصده شوكت الله ياخذ هل الامانة ويخلصني...!!
يقصد على روحه....!!
لو عليه...!؟
هاجر كالت:- اكلج لا تنقهرين
ترى هو الدنيا طالعه من عيونه
متعارك بالدوام
ومتعارك ويه اخوته
وهسه راحلهم وراح توج هناك
ـ واني شنو ذنبي وهيج خنكني
نزلت دموعي...مسحتها ورجعت نزلت
ـ اكلج هو هم بشر
وعليه ضغوطات
وعنده مشاكل خانكته خنگ
وعلى حجاية اهلنا الحايط يوكع عل اهله
فلازم نعذره
وهو لازم يعذرنا
وهيج نمشي مركب دنيانه
ترى ماكو واحد مرتاح بيها
اخذتي علاجج
اشرتلها براسي بمعنى لا
ـ دروحي اخذي علاجج
وتعاي ساعديني نلتهي شويه بالمطبخ
// المشكلة بعيوني الما رضت تسكت //
شربت العلاج
ورحت كعدت يمها بالمطبخ
هي ما عدها شي
بس رادت نسولف ونطلع من مود المشاكل
اطفالنا يلعبون بيناتهم بالهول
رن موبايلي مخليته على الشحن
لكفته فطومه وجاوبت على الاتصال
اجتنا للمطبخ تركض
ـ ماااما سااارة ماااما سارة هاي عمة تبجي
اخذت الجهاز منها
ورديت على المتصل
طلعت رغد...
بس سديت الخط
ـ كووومي هاااجر البسي نروح لبيت طارق بلال وعمر متعاركين
وصايره بيناتهم للظالين
ـ ليش
ـ مو تعرفين عمر ما راضي على سوالف بلال
وهسه من راح هناك متعارك وياه
أنت تقرأ
اسرار لا تباح
ChickLitأقدم النصح واقول:- لا تبح بالأسرار للكلاب ... ولا تؤتمن جانب الأوغاد... فالكلاب رغم ما يقال عن وفائها فعادتها النباح... والأوغاد كالثعالب يغدرون بصمت .
