اسرار لا تباح

تكملة الحلقة ٢٩

#تكملة_السر_التاسع_والعشرون

#اسرار_لا_تباح

#فـޢޢـرآقـޢޢــډ + هـޢޢـآلـޢޢــةّ

🕊🕊🕊🕊🕊🕊🕊🕊🕊🕊🕊🕊

يا الله لقد ظلمني من خلقك الكثير
غافلين عن كونك القدير
محدثين بنفسي ألماً
تاركين قلبي من ظلمهم أسير
في ظلام الليل أحيا
وقلبي كالصحراء ما بها غير الصفير
و ظلام طال أمده
بين ريح يرجفني منها صوت الهدير
إلى أن بدأ الظلام بالانقشاع
وتنسدل خيوط الصبح المنير
صبح جاء على قلبي من تذكرك ربي
مالي سواك من مجيب
نور سطع ليضيء عقلي
ويرضي قلبي منك بالمصير
فاليذهب إرضاء الناس جفاءاً
وليمضي ذلك الليل الغفير
ولتترقرق قطرات حبك بنهر قلبي
لتمتعني بصوت الغدير
فما لي سواك من مجير
وما دون حبك يا إلهي صغير ....

🕊🕊🕊🕊🕊🕊🕊🕊🕊🕊

هاجر //...ام فاطمة

شوفي سارة راح احجيلج كلشي
على حجاية اهلنا نحجي طگ بطگ
ويصيرن كل السوالف على المكشوف...

واريد من فضل الله
و فضلج
وزاد الخوة الي بيناتنا
نتباره الذمم

اني بنية حالي من حال باقي البنات
نشابة بكومة صفات و نختلف بغيرها

فتحت عيوني بهاي الدنيا واني اسمع حجاية اهلنا هاجر ل عمران
و عمران ل هاجر
وهذا الحجي من جنت صغيرة بالابتدائية
وهو يجي لبيت اهلنا جان بداية شبابه

جنت استحي اطلع كباله
وما جنت اعرف شنو سر هذا الخجل
و ليش هيجي اخجل من عنده..!!!

وجان من يجي حتى ما يسلم عليه
لو يحاجيني كبال اهلنا
خطيه يستحي منهم
بس يبقى يدور بعيونه عليه

وبالصدك هو ما يعرف يحجي و يسولف ويعبر عن البصدره ... بس نظراته فاضحته

و كل ما يجي يجيبلي فد حاجة
اقصد يجيبلي هدية ما يجي وايده فارغة
هو بتفكيره هاي الهدايا تعبر عن حبه اليه

وكبرت...وهو كبر...وكلنا كبرنا بهاي الدنيا
الي ما عرفنه شنو تخطيطها..
وشلون تمشي...
وشلون ادور...
ويبقى بس ربنا هو وحده يعلم بأسرارها...

الحمد لله ربي وفقه وتعيين
ومنا بدا ويايه بخطوات الصدك والجدّ
تقدملي رسمي وخطبني
وعقد عقدنا الشرعي شيخ علي

هذا الشيخ علي هو صديق طارق
حتى يسمونه شيخ المومن من كماطه
لان اهله كلهم شيوخ دين
وناس خايفين الله وما عدهم الباطلة
واهلنا يشيرونه بالصغيرة والجبيرة...

شو غمضت هاي...وفتحت هاي العين
وبعدني عايشة بهذاك الحلم اليخبل
واحلم شلون راح اعيش بحياة وردية
ويه حبيبي...
وفارس احلامي...
ورجلي...
وابو بيتي...
وابو جهالي...
يفززوني ويصدموني راح تصير وياج ضرة وتشاركج بكل هاي احلامج....!!