ما فهمتش حاجة، هذو شكون و كيفاه جاو و علاه جاو؟؟، نزلو بنات ل بيس لول و زاودو زاوج ممبعد ثالث و اخيرا رابع
زنقة تعمرت بنات، بعضهم لابسين حاجات تقليدية كيما قفطان كاراكو و ذوك صوالح و نص لابسين ل غوب، جماعة قليلة جاية بسروايل مهبطتش من لبيس
نطقت وحدة لابسة قفطان خضر
ياسمين : ايا نروبلوها
شفت فيها و انا نرمش خفيف، بداو بنات يصفقو و يزڨو و قويدر يرقص فوق لعود و حنا كامل نخزرو فيهم
فاتح : واي واي واي خوتي دقيقة نتوما شكون؟
ردت شيرة شابة لابسة غوب حمرا
نور : ياودي خلينا نزهو شويا
قعدت نمشي في عينيا عليهم حتى لاحظت حاجة خلات شعري يوقف، ذيك ريم راها تتلمس في ترمة بنت!!
أيمن : خواتاتي راني سيريو نتوما شكون؟
ردت شيرة دايرة قفطان كحل كلاص بزاف
ليليا : صحابات لعروسة
فاتح : الله يبارك ايا ڨاع رادي تحضرو؟
نور هدى : واه ڨاع
شاف خويا في أيمن و تبسمو لبعضهم ، ذيك تبسيمة صفرة
فاتح : و شكون يوكلكم؟؟؟ بوراك قليل
ريم : ياودي غير خلينا نديرو لافار و صاي
ماجا خويا يرد حتى هبطت سلسبيل و هي تزغرت ، غير لحقت لعندنا راحت وقفت حدا فاتح
سلسبيل : ياو هذو صحاباتنا مانقدروش نديرو لعرس بلا بيهم
أيمن : بصح ماتفاهمانش هاك، قلتيلي ل راح يحضرو ثمانين رانا موجدين ثمانين دجاجة و لبنات هذو فايت مية و سبعين
حطت سلسبيل راسها بحشمة
سلسبيل : تبهديلة كحلة غير سمحلونا
تدخلت في لهدرة بنت
رحمة : ماتقلقوش رواحكم جينا نرقصو و نخرجو
هبطت صوتها تمتم تحت نيفها
رحمة : و نتحرشو
تنفس فاتح بعمق و حنا كامل نشوفو فيه
فاتح : ساهلة ساهلة غير زهولنا لحالة
غير قالها بداو يزغرتو ايا لقرقابو عاود قلع، هزيت كتفي و قررت نعيش لجو
بنات يزغرتو
نص يصفق
جماعة تصور
ريم تتحرش ب ترامي
عمي قويدر فوق لعود فرحان
خوتي هابلين بضحك مع صحابهم
حتى خرجت طاطا ريحانة و هي لابسة لحايك ل مغطي وجهها، طلع خوه ذراعه و لصقها بالباب باش تخرج من تحت جناحه و قرقابو غير يطلع في صوت تقرقيب
أنت تقرأ
تاعي وحدي.
Teen Fiction" حَاجة وحدة تبعدْك علِيا هي لـ مُوت ،لباقي أنا مَلك الموت تَاعهم " - يُوسف 30 - ريَان 17 لهجة جزائرية.
