شباك الحب

الجزء الثاني

" شباك الحب "

للكاتبه زهراء المياحي 🧚🏻‍♀️

شنو رايكم بالبارت 🤌🏻🫶🏻
لاتنسون تكتبون رايكم بي

♡~♡~♡~♡•~♡~♡~♡~

مريم؛ دخلت ع بيبي هي من شافتني ابتسمت رحت بوستها وكعدت يمها احس بتوتر هي مسحت ع شعري

رحيمه؛ كبرانه وصايره عاقله

مريم؛ اي بعد تعرفين دوام ودراسه يعني لتهيت

رحيمه؛ وماكو سوالف اطفال بعد هههه

مريم؛ هههه اي
بلعت ريكي هي جرت نفس

رحيمه؛ اشتاقيتلكم ثنينكم
احبكم اكثر من كل احفادي
احبج انتِ لان ابوج اهوايه تعذبتي بسببه واحب سامر لان دوم يسمع كلامي بس من تزوجتو ماقبلت عليكم لان مشيتو عكس ارادتي
عكس الي اني ردته ردت لسامر زوجه منظمه ودارسه دراسه قويه لان هو مهندس معماري مو الكل مثل شهادته ومتعين والدوله تنطي راتب محترم وشخصيه محترمه يحتاج وحده مثله مثل اطباعه وحده تقدر الشهاده العنده تقدر اسلوب وحياته المنظمه مو مهوسه ومبهذله وحده موظفه وتعرف تطبخ ونادره
وانتِ الي يتقدملج واحد نفس خبالاتج بس يكدر يصدج ويكدر يتحكم بيج وتعقلين ع ايده هاي شنو من تكبرين عود تزوجين بعمر ال ٢٥ و حتى ال ٢٨

_بس كل شي صار عكس ارادتي
سامر طلك رغم كل المثاليه الموجوده عد خلود
وتعاركو ع حمل واجتله حامل ورغم هذا رفضها
وهنا تاكدت لو هو مغسول عقله بسبب ادبه واخلاقه وتخبل الولد
لو نضرب عين قويه
لو وحده ساحرته سحر قوي
بعدها طلعتي انتِ وسالفه اعتداء سامر المامعقوله والماتتصدك
وهدوئج وخنستج ورغم هذا تقبلتي وطلعتي وياه وانتِ موافقه عرفت
اكو بينكم اكثر من النضرات والعركات

_شصار بيه مكدرت اتقبل لا هو يصير الج ولا انتِ تصيرين اله
لحد ما اشوفكم سويه ما اكدر اتقبل ولا اكدر اوافق ع هذا الزواج
وسويت كل شي في سبيل انتو تتفرقون وماينجح زواجكم لحد ما دخل علينا
سامر قبل كم شهر من اخر عركه تعاركناها وياكم

_جمعنا كلنا وگال من جانت خلود تزعل ومترضه
جنت تعبان واشوف مريم حبيتها وحسيت بمشاعر تجاها
بس غلست ع مشاعري لحد ما ابتعدت خلود هنا لا مشاعري سيطرت علي
وشفتها شلون منهاره بسبب ابوها وامها كلت اريدها واريد اتزوجها ورحت
اعترفت الها هي نصدمت وماحجت شي لان اني كدرت اتلاعب بعقلها
المهم وعدتها وعد وهي تقبلت حبي واحد حب الثاني واخذتها وعقدت عليها
وجنت اني الي اجر بيها وكلت فتره واتركها بس ولا كدرت تعلقت بيها اكثر
وهجرت زوجتي علمود مريم وكل تفكيري صار وي مريم مو وحده غيرها
ساعتها فرشت مصلايتي وصليت صلاه ليل طلبت من رب العالمين يدليني ع الطريق الصحيح يا مريم يا خلود
لحد ما اجاني خبر اسقاط خلود