خەونی تۆ چییە ؟

زنجیرەی دووەم

•••••••••••••••••••••••••••••••

تێهیۆنگ ئۆتۆمبێلەکەی لە بەردەم ماڵە خنجیلانەکەی خاتوون کیم دا وەستان کاتێک گەشتن کاژێر پێنجی دەمەو ئێوارە بوو .

خاتوون کیم : تێهیۆنگ کوڕی خۆم هەتاکو من نیشانی ماریا و زەینەب ئەیەم ژووریان ، تۆ بڕۆ چەند میوەی پاراو بهێنە بۆ خزمەتیان .

تێهیۆنگ بەشێوەی ئەرێ سەری لەقاند و چاوێکی لە زەینەب کرد بەبێ ویستی خۆی و بینی بەشێوەیەکی سەرسوڕمان پڕ لە خۆشەویستی لە دەرەوەی دەڕوانی .

بزەیەکی کەم وەلێ پڕ لە هەستێکی جوان بێ ئەوەی خۆی بزانێ باوەشی بە لێوەکانیدا کرد پاشان لە ئۆتۆمبێلەکە دابەزی و بەرەو کێڵگەکەی ڕۆشت لە کاتێکدا خاتوون کیم سەرقاڵ بوو بە نیشاندانی ماڵەکەی بە ماریا و زەینەب .

زەینەب : ما شاء الله خاتوون کیم بەڕاستی زمانم توانستی نیە وشەیەک بدۆزێتەوە بۆ وەسفی جوانی ماڵەکەت ، داپیراااا تکایە با تاهەتاتایە لێرە بمێنینەوە .

زەینەب گوفتاری دا بە دەنگێکی پڕ لە جۆش و خرۆشەوە کاتێک بە چاوی دڵ لە ڕێڕەوی ماڵەکەی دەڕوانی .

خاتوون کیم و ماریا دایان لە قاقای پێکەنین و پاشان ماریا گووتی .

ماریا : زەینەب کیژی جوانی من ئێمە لێرە میوانین ، میوانیش هەمیشە کەم مانەوە بەشی بێت جوانترە .

خاتوون کیم مۆڕەیەکی گرژی لە ماریا کرد و فەرمووی .

خاتوون کیم : چۆن دەتوانی بەو شێوەیە قسە بکەی ماریا ، بەڕاستی دڵت ئێشاندم ، ئێرە ماڵی تۆشە وە هەروەها زەینەب دەتوانێ لێرە بمێنێتەوە تا ئەوکاتەی ویستی لەسەری دەبێت ، بیرت بێ ئێمە زیاترین لە هاوڕێ و خوشک ئاساین بۆ یەکتر .