وهج الانتقام
بارت 19
دخلت للاستقبال ونصدمت من شفت اخواني اي والله اخواني اسيد وفهد وذياب معرف شسوي وهما مو اقل من صدمتي ركضت عليهم وحضنتهم ونبجي سواا احضنهم ابوسهم ابجي وياهم معرف شسوي صاح ذياب
ذياب. شلون عايشه انتي
ليان. عمي جذب عليكم وكاللكم ميته علمود يسحب مني فلوس بدون علمكم
مارد بس حضني كعدت بنصهم بين اسيد وذياب وفهد كاعد عالكاع مقابيلي ويبوس بيدي واسيد يبوس براسي وذياب يسحبني يريد يحضني صحت
ليان. خنكتوني ولكم
فهد. حاملل
ليان. اييي راح تصيرون خوال
حجا عمي من يمه وكال
ابو ليث. خطبت ليان لاابني ليث وعمك وافق
ماعافوني ابد وكل شويه احد يسألني شلوني
طبعا من قبل اني علاقتي قويه بااخواني بس حسبي الله ونعم الوكيل عليه عمي حرمني منهم خمس سنين ونص شويه ودخل محمد خبره عمي كله تعال اكو شي ضروري اجا جان خايف لاصايرلي شي ونصدم مو اقل من صدمتي من شفت اخواني حضنهم بقوة طبعا اسيد ومحمد علاقتهم كلش قوية بس هاي الفترة عمي قطع تواصلهم وهدد محمد انو اذا تواصل وياهم يأذيني عاد ماحاول يتواصل وياهم اجو كعدو يمي ثنين على يميني وثنين على يساري حسيت صدك انو اني عندي سند بهاي الدنيا حجا ذياب
ذياب. عمي من بعد اذنك نريد نطلع ويا اختنا عرفت ليش راد نطلع جانو يريدون يسألوني عن زواجي من ليث وشلون صار ووافقت
ابو ليث. براحتكم ابني بس معزومين اليوم عالعشى
اسيد. تسلم عمي بس نريد نتعشا برا ويا ليان
ابو ليث. عجل باجر غداكم يمنا
اسيد. ان شاء الله عمي
حجا ليث بنترة
ليث. ومنو كال اني اقبل ليان تطلع وياكم دحك عليه لغرفتج يلا ماكو طلعه
فهد. اني صار ساعه مغلس على نضراتك بس انت جبتها لنفسك شو تعال وركض عليه ضربه بوكس وليث رجعه اله فورا صار الولد يفاككوهم وهما واحد لازم الثاني ويضربه فهد وليث من زمان يتعاركون كل مايلتقون صاح بيهم عمي وواحد وخر عن الثاني بس نضراتهم وكأنو واحد يريد يفترس الخ دحك عليه فهد
وكال
فهد. امشي يلاا كدامي
ركض لزمني ليث من زندي وحاول يسحبني يطلعني بس ركضو اخواني وسحبوني يمهم وصرت بضهرهم حسيت من كثير مايسحبوني دخت كل شويه واحد ساحبني رجعو يتاركعون هالمرة ذياب وليث من شفت ماكوو فايدة ومحد يكدر يفكهم
ليان. اخخخخخخخ يمههه بطنييي رااححح اموتتت
التفتو كلهم عليه هوا جذب بس اني غيرت ملامح وجهي عالاساس متألمه واني بس اريد يتفاككون واني اصرخ
ليان. اخخخخ ماماا بطنيي الحكولي راحح اموتت كامت تنزل دموعي بس جانت دموع حقيقيه خفت عليهم لايتاذون ابجي واصرخ مم الالم
ليانن. راحح اموتت مااكدر بعد
وهما احتاروا وياي يريدون يفهمون شبيه عاد شالني ذياب وركض بيه للسيارة وصعدو اخواني وياي ومشينا عاد اني سكتت ومسحت دموعي دحكوا عليه مستغربين
ليان. كلشي مابيه بس ردتكم تتفاككون
كمخني فهد على راسي
فهد. طيح الله حضج خرطنا العافيه من وراج ابالي احد دفعج لو اجتج دفرة ابطنج
عاد كمنا نضحك ضحكوا على فكرتي رحنا لمكان عام حديقة ومنضر يجنن كعدنا
ذياب. هسا احجيلنا شلون ازوجتي احجيلنا كلشي من يوم توفوا اهلنا
حجيتلهم على معامله مرت عمي وشلون عمي جذب عليهم علمود ابويه سوا الوكاله بااسمي وشلون جان يسحب مني فلوس بحجه مديون وماعنده حجيتلهم شلون زوجوني ليث غصب عني وحجيت شلون عذبني وذلني وشلون تزوج عليه صديقة عمري وتزوج حبيبته بس ماكتلهم سالفه عمر ولاسالفه عمي انو هوا الي كتل اهلي نصدمو اكثر شي من زواجي من ليث وشلون اتزوج تولين عاد من سمعوا مجبور عليه وهيج ذلني حجا اسيد
اسيد. هذا جان مفكر انو ماكو وراج سند ورجال واكف وياج سوا هيج لان متاكد محد راح يهتملج بس هسا احد رجعنا واكفين بضهرج
فهد. اني اشوف تطلكين منا وابنج وياج واحنا وياج مانقصر ونربي ونكون وياج وسندج
ذياب. اني ويا كلام فهد هيج واحد مايتعاش ويا
اسيد. القرار الج وصدكي احنا وياج بكل قرار تاخذي
ليان. اخاف
اسيد. فكري بالسالفه واحنا وياج روحي اليوم وحضري اغراضج باجر ناخذج يمنا جم يوم
رحنا تعشينا طبعا خبر عمي على اسيد وساله عني
عاد اسيد ماقصر كله
اسيد. عمي بالمستشفى احنا وليان تعبانه كثير
ابو ليث. يامستشفى كلي جاييكم احنا
اسيد. مايحتاج عمي شويه ونطلع
رحنا مطعم اكلنا وضحكنا تذكرنا ايامنا قبل ويا امنا وابونا ورجعنا للبيت بوقت متأخر احنا ونازلين صحت لفهد وستندت عليه ولزمت بطني وعالاساس بعدني موجوعه ضحكوا عليه عاد ضل ساندني وطلع احمد وهمام استقبلونا ودخلو اخواني للاستقبال واني بعدني مستندة على فهد دخلنا وجانو دينتضرونا وليث صاير نار شلون كسرت كلمته وطلعت عاد من شافني هيج لانت ملامحه بس هم جان معصب من اخواني جان اكو دم على جبينه ونازل على خده مبين اثر بوكس
كعدوا يسولفون عمي واخواني واني كاعدة بنصهم شويه وترخصوا اخواني وطلعوا ماجابو سيرة انو راح ارجع وياهم حتى لحد يرفض وباجر يجون هما ياخذوني بعد ماراحو اخواني طلعت لغرفتي بدلت ملابسي حطيت شويه كريمات لجسمي ووجهي شويه ودخل ليث راح للفراش وتمدد طفيت الضو واجيت تمددت حجا ليث
ليث. ادري باجر راح تروحين ويا اخوانج باجر
نصدمت شلون عرف
ليث. مو من صالحج ابد تطلعين من البيت الا اذا ردتي فضيحتج وسالفتج تصير على كل لسان
دحكت عليه مصدومه وصدمني اكثر من كال.........
أنت تقرأ
وهج الانتقام
Randomفتاة تجبرها الحياة على تحمل الصعاب بعد موت والديها وتخلي اخوانها عنها تصبح اقوى وتنتقم من كل شخص تسبب في اذيتها او حزنها
