وهج الانتقام
بارت 34
واكفه كدام المرايه داجهز نفسي اروح للدوام مشا اسبوعين على حادثة خطفي نداريت من سمعت صوت ليث جان طالع من الحمام سابح
ليث. حبيبي وين ملابسي
ليان. هسا اطلعهم
طلعت ملابسه وبدل اجا يمي مشط شعره اخذت العطر مالتي حطيت الي ورجعت اخذت عطره وحطيتله منه وهوا مبتسم حضني من خصري
ليان. مو وكتك تأخرنا
ليث. امممم خوش
ماحسينا الا على بجي امير رحت اخذته ورضعته تأخرنا عالدوام كملت امير واخذت غراضه ونزلت اخذت سيارتي ورحت اخذت امير للحضانه ورحت لدوامي دخلت وزملائي تحمدولي بالسلامه رحت لزميلتي دكتورة ايفين
ليان. مرحبا دكتورة شلونج
ايفين. ياهلا بليونه الحمدلله على سلامتج قلنا عليج كثير
ليان. فدوة لكلبج عمري محتاجتج بشغلة
ايفين. امريني حبيبي
ليان. اني حامل سويت اختبار منزلي وطلعت نتيجه موجبه اريد اشوف صحته للجنين
ايفين. الف مبروك ام امير تعالي وياي رحت وياها اخذت سونار سمعت نبضه كالتلي حامل شهرين كتبتلي ادويه واخذتها من صيدليه المستشفى رحت كملت دوامي جنت واكفه يم ايفين وشفت ليث دتقرب يمي وصل يمي ولزم ايدي وشدد عليها وهوا مبتسم حجا ويا ايفين
ايفين. شلونك استاذ ليث
ليث. بخير دكتورة انتي شلونج
ايفين. بخير مبروك استاذ
نصعقت لا ياربي ليش ماكتلها ماتحجي
ليث. على شنو
ايفين. ليان حامل بالشهر الثاني واليوم سويتلها سونار والطفل بصحه جيده
دحك عليه وحجا والفرحة مبينه بعيونه
ليث. صدك ليان
ليان. اي صح
ليث. وليش ماحجيتي
ليان. ردت اسويلك ياها مفاجئة بس حجتها ايفين
ايفين. ياا صدك اسفة بس وربي فرحتلكم
حضني ليث بقوة وهوا يهمس بكلمات ماكدرت اسمعها زين راحت ايفين ورجعنا اني وليث للبيت بعد مامرينا على امير واخذنا من الحضانه تغدينا وطلعنا انام بس اجذب اذا كدرت اكول غمضت عيوني ضليت افكر كمت شلت الملابس وحطيتهم بجنطه كعد ليث شافني
وشاف الجنطه سألني
ليث. شنو هاي وين رايحه
ليان. مارايحه لمكان بس هاي خطيه حارسه يمنا حالتها تعبانه فعندي كم غرض حطيتهم الها بلكت تستفاد منهم
ليث. تعالي اكعدي لااتعبين روحج مو زين انتي حامل
ليان. كملت
نزلت ساعدتهم بالعشا احنا ودنتعشا حجا ليث
ليث. بما انو الكل مجتمعين ردت ابشركم
يوسف. راح تجيبلي سيارة
ليث. انجب خلي اكمل
ابو ليث. كمل بويه صاير شي
ليث. راح تصير جد للمرة مدري شكد كامت خالتي تهلهل والبنات يصفكون والولد يهوسون ضلينا نضحك اني وليث عليهم سولفنا شويه وطلعنا انام كعدت الصبح سبحت امير وسبحت طلعت بدلت وكعد ليث كام بدل نزلت سويت ريوك وتريكنا وطلع ليث لدوامه واخذت امير والجنطه وطلعت رحت لحضانه امير كتلهم بعد مايداوم وانطيتهم اشتراكه ورحت سلمت السيارة لصديقتي واخذتلي غير سيارة بهاي الفترة بعتها واشتريت الخ اخذت امير والاغراض ورحت لمكان مستحيل احد يلكاني بي.......
أنت تقرأ
وهج الانتقام
Randomفتاة تجبرها الحياة على تحمل الصعاب بعد موت والديها وتخلي اخوانها عنها تصبح اقوى وتنتقم من كل شخص تسبب في اذيتها او حزنها
