گعد جود بصوت أميمة
:يمه جود أگعد شعندك نايم هنا
فتح عينه على گيف فرگهن يستوعب الوجهه الگدامه گام يفرگ بعيونه
:نمت..بالغلط
:يمه مو زين تنام هنا جسمك يگوم يوجعك
:تمام عيني..بس آسر وين؟
:آسر طلع يشتري ملابس وأغراض اليوم الخطبة
:تمام..من يجي گليله جود يريدك
:تمام عيني يلا گوم تريك
مر اليوم وآسر ما أجه صارت ساعة ب7 بليل تقريبًا وحتصير حفلة الخطوبة
گاعد جود على أعصابه ينتظر آسر يگله فدشي مايعرف شديصير ليش بعدهِ الخطوبة مستمرة
ثواني ودخل آسر لابس قاط أسود وياه قميص جوه همين أسود لازم بأيده حلقات وأغراض ثانية من حلويات وغيرها
رفع عينه جود عليه وجان صدك طالع حلو طوله ويه القاط الأسود وشعره المرفوع شوية يخليك تتأمله غصب
:ليش لابس قاط؟
:هذا هم سؤال ...اليوم خطوبتي
:بس ..گلت رح أفسخها ..گلت ماتحب زينب..وحتگول لاهلك علينا ...گلت..
:چنت مو بكامل وعي چنت دايخ وماعرف شحچي ..أنسى كُلشي
:شنسى!صدك تحچي آسر البارحة كلامنا ..والصار بينا!!تگول أنسى كُلشي شنو تلعب عليه أنتَ لو شنو!
:شتموقع جود هاه؟متوقع تستمر علاقتنا ترا مجرد شهوه ..من أول مرة شفتك بيها چنت أريدك بشهوه ماحصلت عليك بالبداية بس البارحة أنطيتني جسمك تتوقع يعني شنو حيصير بعدين ؟.
