فتح عيونه على گيف حاس بوجع حيل قوي براسه وجسمه يفتح عيونه شايف غواش لحد ما صحى على نفسه حاس نفسه نايم بالگاع والسيارة مگلوبة تذكر الحادث وبسرعة باوع على أبوه وشافه مغمي عليه والبقية نفس الحالة رفع أيده على گيف بسبب الوجع مادها على أبوه يگعده
:ب..بويه..بويه أكعد..فدوه لكلبك أگعد ..بويه
حس بعيون أبوه ينفتحن مباوع عليه بشبه فاقد الوعي
:بويه..هَذا أني آسر باوع عليه
:وين..وين أمك
:گوم گوم طلع أمي
حاول يطلع چسمه من السيارة ونجح وطلعها بسرعة رايح لجود لازم أيده
:جود..جود أكعد أفتح عينك جود..عليك الله باوعلي
يحاول يجر جسم جود يطلعه من السيارة وگدر يطلعه مباوع على رأسه الدينزف وبطنه شگ قميصه ولف قماش قميصه على بطن جود مانع النزف
ماسح الدم على رأسه بأيده
:جود حَبيبي أكعد عليك الله..كومة گلام عندي وياك ...كومة أشياء أريد أسويها وياك..جود لاتعوفني هنا
نزلت دموعه يهز بخد جود يحاول يگعده بس مچاي يگعد
سمع صوت گاضم
:آسر...آسر..تعال هنااا
صرخ گاضم بخوف وقلق مخلي گلب آسر يخاف حيل عايف جود بالگاع رايح لأبوه
:أمي!!
أول شي أجه على بال آسر أمه صاير بيها شي
:آسر..زينب..زينب الحديدة..داخلة بگلبها
تصنم آسر من شاف زينب والحديدة مال سيارة داخلة بگلبها ودمها ينزل على الحديدة رچفت أيده راگض عليها يحاول يطلع الحديدة وأيده ترچف وخره گاضم من شاف رچفه أيده ومايكدر يسيطر على نفسه ودموعه تنزل بنهيار!
مطلع الحديدة منها ودم ما وكف نازع گاضم سترته شادها على جرح زينب
:أتصل..أتصل على الأسعاف آسر!
بسرعة طلع تلفونه يتصل راگض على جود حاطه بحضنه
:لاتعوفني جود..عليك الله لاتعوفني
يحچي وعيونه ماوگفن من البجي خايف من فقدان جود
بالمستشفى ودوا أميمة للممرضة وحالتها مو كُلش خطيرة بس جود وزينب دخلوا للعمليات
