العشق مجددآ

6

سمر..
اليوم جمعه وطبعا كلنه بالبيت مجتمعين بس اني اعاني مشكله بأيام العطله هو شلون اكعدهم ع الريوك...
طبعا بابا وجوجو يكعدون من وقت بس عندك ميس وفرح وسيف يعذبوني..
اني وجلنار حضرنا السفره وانطينه مهمه الكعده لبابا طبعا بابا بدون نقاش او دبلوماسيه ماعنده فن للكعده راسا ياخذ مي وياه ويكعدهم واحد واحد ف تشوفوهم يجون مبللين...
واني وجوجو نستمتع من نسمع صرخاتهم وينزل بابا مثل السفاح الي بالافلام يعني ينزل ويضحك وهو مرتكب الجرائم ..
وطبعا بعده تنزل ميس تدردم عليه تكوله هاي شنو مو حاله متعرفون تكعدون وتكعد ع سفره بس متاكل ع اساس زعلانه..
اما سيف وفرح ف ينزلون وع درج يتكافشون وطبعا يضاربون هواي بس ابد ميتزاعلون ويضحكون ويكعدون ع سفره ياكلون ومن يخلص اكلهم فرح تاكل اكل ميس لانها زعلانه من بابا وسيف يكول لجلنار انتي سمنانه لتاكلين هواي وياخذ اكلها
طبعا هاي كل جمعه نفس الموقف يصير بينه واني اكعد ابتسم احب هاي الكعده واضل صافنه عليهم ..
طبعا بعد 3ايام جلنار رح تسافر ...
ميس:جوجو
جلنار:نعم
ميس:شوكت نطلع للسوق حتى تشترين ملابس مو ماضل وقت للسفره مالتج
جلنار:لا ع شنو ميحتاج اصلا عندي هواي ملابس
ميس:بربج هفف صدك دتحجين ياملابس ها عبالك ملابس عجوزه بابا اشتري ملابس شبيج
جلنار:لج شبيهم ملابسي لتعيبين وهو وين رايحه
سمر: ههه عابتلج ميوسه بس صحيح كلامها ياجوجو ياحبيبتي لازم تشترين كم قطعه صح عندج هوايه ملابس وكلهم حلوت بس هيجي اشتري كم قطعه خاف تطلعين شي
سيف: اي خالتي شون مزه رح تطلعين كل الالمان رح يغازلوج ونوب ملابس جديده اشرررد
بابا: لك سويف شكد ادبسسز انت متستحي هيجي تحجي كدامي احترم وجودنا ع الاقل
فرح: لك يابابا ياحبيبي كبر الدي وروق الجي
بابا:شنو انتو شباب هالوقت شتحجون ماعرف
سيف: هههه بابا مشايف فلم مرجان احمد مرجان من هذا السكران يكول لعادل امام من عصب يكول كبر الدي يعني دماغك وروق الجي يعني جمجمه ههههه فديتج فروح ضحكتيني
بابا:ايا ادبسسزيه كاعدين تحششون عليه اروح اشوف اخبار احسن
سمر: ههه بابا معليك بيهم هذولي ادبسسزيه فديتك روح شوف الاخبار واني هسه اسويلك قهوه واجيبها الك
فرح وسيف قالو بنفس الوقت وبابا ديكوم:بابا روق ال ....
وقاطعتهم وضربتهم
طبعا ضحكنه كلنه لان اذا اجتمعو سيف وفرح يجتمع التحشيش وياهم
بعدها خلصنه الاكل وعزلنا البيت ..
والعصر رحنا اني وسمر وميس للسوق واشترينا شغلات طبعا فرح وسيف صح طلعو ويانه بس افترقو عنه لان راحو للسينما باحد المولات يشوفون فلم رعب ..
بعدها رجعنه للبيت ..
ورى 3ايام سافرت جلنار...
☆فرح☆
ورى مسافرت جوجو ضجت لان صح هي قليله كلام ومتحجي هوايه بس احنه متعودين عليها بالبيت اي واحد يروح او يسافر نحس البيت فارغ
ف اني كاعده بالمحل واحجي وي جوجو بالواتس ودزلي صورها ..دخل يوسف وامه وشايلين بايدهم باقه ورد طبيبعيه بورد الجوري اني كلش احبه وشايلين بيدهم علبه شوكلاته..
اني تفاجئت بوجودهم بالمحل..
فرح:حياج الله خالتي تفضلي وهلاو يوسف
ام يوسف:مرحبا بنتي شلونج يوسف انطيها الورد الشوكلاته
طبعا ابتسم يوسف وانطاني الورد
فرح:اللهيخبل شكرا يوسف ليش تعبتو نفسكم
ام يوسف:تستاهلين بنتي اصلا كافي الموقف الي سببناه الك ذاك اليوم ف حب يوسف يعتذر منك بطريقته
باوعت ليوسف وابتسمت
فرح:الله شكرا يوسف هذا انت اختاريت الورد
باوعلي وابتسم ابتسامه كلش حلوة وبريئه وتلعثم بالكلام بس رد عليه رد زغير وقال:
_اي اني
طبعا ام يوسف فرحت بتجاوب ابنها ويايه وطبعا كعدو يمي بالمحل وضلت ام يوسف تسولف ويايه بس يوسف جان طول الوقت ساكت ..
وبهاي الاثناء صدفه اجت سمر للمحل لان كانت بالمطار تودع صديقتها سافرت ..
دخلت ف عرفتها ع ام يوسف ويوسف وحجت امه عن حالته وانو الاطباء أيسو من حالته ..
ف سمر تعرف طبيب صديقها كلش شاطر اتفقت تاخذه اله..
طبعا اخذت رقمي ام يوسف حتى تتصل بيه ..
نوب عزمتنه ام يوسف ع العشا اليوم ببيتها بس سمر كلتلها ماكدر اترك ابويه واخواني بالبيت ف طلبت منها هي ويوسف يجون ع العشا اليوم وفرحت ام يوسف وانتبهت ليوسف كذلك فرح لان ارتاح اليه ولسمر ...
بعدها طلعت سمر ويوسف وامه واني بقيت بالمحل اباوع للورد وتذكرت يوسف شلون انطاها اليه ويبتسم ماعرف احس بابتسامته شي مميز مااعرفه شنو..
.
.