العشق مجددآ

12

☆ام يوسف☆
كاميرات المراقبه نصبناهم بالبيت بسريه تامه..
ولا شخص يعرف بهالشي غير ابو يوسف واني..
رجعنا لبيتنا ..
الليل انتهى..
كعدنا الصبح ..رجعنا الكاميرا للاحداث السابقه ..
وانصدمنا بموقف ..
انو الخدامه وضعت قطعه ع وجه يوسف اعتقد مخدر..بعدها هو ماحس بشي..
وراها حقنته بابره بالوريد مالت ايده..
بهاي اللحظه اني اصبت بانهيار لان مصدقت الي اشوفه كدامي معقوله ابني يوسف هيجي يصير وياه ..
معقوله كلام دكتوره مريم يطلع كله صح..
ياربي مااقدر اتحمل هالموقف ..طبعا اني متاكده الخدامه مو من كيفها تسوي هيجي شغله...اكيد احد دافعها..
مااريد انصدم واعرف منو هذا الشخص..
طبعا اني ردت اتصرف بتسرع ..بس ابو يوسف سكتني وقال لازم نفكر بحكمه حتى نحصل على النتيجه ونعرف منو هذا الشخص..
اقترح عليه ابو يوسف اتصل بدكتوره مريم حتى تنطي خبر لاخوها المحقق نروح يمه وناخذ الخدامه بدون متدري ونحقق وياها ونعرف منو وراها ..
العصر خابرت لفرح وقلتلها تجي بسرعه ..وطبعا فرح اجت وحجيتلها القصه انصدمت ..بس طلبت منها تاخذ يوسف لان اني وابو يوسف راح ناخذ لخدامه لمكتب المحقق حتى نحقق وياها..وطبعا الدليل التصوير هم ناخذه ويانه حتى لاتنكر..
وبالفعل تمت الخطه ورحنا..

.
..
.
☆فرح☆
اتصلت عليه ام يوسف ورحت وانصدمت من الخبر ..بس بنفس الوقت رجع الامل انو يوسف رح يصير بخير..
طبعا صعد يوسف بالسياره..
_يوسف ..
مارد عليه لان هو قليل كلام..
_يوسف شوف لتحجي بس اشر براسك اذا موافق هز راسك مره واذا لا مرتين اوك
_ءءءاوك
_اممم شرايك نروح اني وياك للسينما
هز براسه مره يعنني موافق.
انطلقنا للسينما ..
كان اكو عده افلام بس عجبنه فلم رعب حديث..
قلتله بتوتر..
_يوسف شرايك ندخله
رد عليه بحماس
_ييييي
_ها عجبك بس اني اخاف بس ميخالف ندخل..
هو ضحك..
طبعا اشترينا تذاكر واشترينا كولا وفوشار ودخلنه..
صارت القاعه ضلمه..وحتى الشاشه وفجأه صار موقف مرعب ..
اني صرخت ماحسيت الا يوسف ضحك ومسكني من ايدي بمعنى لاتخافين..
_ههه يوسف اني مااخافبس هيجي كمزت اصلا داخله كومه افلام رعب
هو ضحك بمعنى شكد جذابه لتحمين هههه هو جذب اني هاي ثاني مره ..اول مره وي سويف وضليت اصرخ وفشلته وطلعنه باول 20 دقيقه هههه وبيومها سيف خسرني عشا بمطعم ع حسابي تعويض هههه
ضلينه نباوع طبعا اني اشوف الفلم بنص عين ..وكل شويه منزله راسي من الخوف..
وكان يوسف ممنتبه ع فلم يضحك عليه..
طبعا مااحجيلكم ع فلم كضيته بس خايفه ومغمضه عيوني حتى الكولا مشربتها..
خلصنا الفلم..
طلعنا ..اكو حديقه تصير مقابيل السينما..دخلناها اني ويوسف طبعا اني اعترف احجي هواي ومااعرف اسكت وطبعا واني امشي ومندمجه احجي وممنتبهه محسيت الا يوسف صار كدامي بعدها افتهمت هو نقذني من الشجره الي ردت انضرب بيها واني مننتبهه اني خجلت من موقفه وقررت اسكت..
ضلينه نمشي ماحسيت الا يوسف مسك ايدي ..طبعا اني حسيت قلبي وقف وماضل دم بجسمي ...وهيجي حسيت اكو شلون النمل يمشي بجسمي او كهرباء مااكدر اوصف الموقف...
ضليت واكفه وساكته..
بعدها حسيت يوسف ترك ايدي..بس اني ضليت صافنه لان بهاي اللحظه اكتشفت مشاعري اتجاهه ...الحقيقه الي مااحاول افكر بيها ..
رجع يوسف وبيده ورده حمره قطفها من الحديقه انطاها الي ..
_ش ششكرا يوسف
_ءءانتيي و ورده
_شكرا خجلتني
_لالا لتتخخجلين
_يوسف ليش لزمت ايدي ..
بعدني احجي ماحسيت الا ام يوسف اتصلت بيه وطلبت مني اجي لعياده دكتوره مريم ضروري..
طبعا قطعت الحديث وطلعنا..
ضليت طول الطريق ساكته لاول مره ..ويوسف انتبهله يباوعلي..
ماعرف الي احس بي خطأ لووصح..مااعرف ليش يوسف بالذات..ومع العلم هو مريض..
وصلنا عياده الدكتوره ..دخلت وضل يوسف بره لان هي ام يوسف قالت دخلي اول شي انت :دخلت وشفت
ام يوسف كانت تبجي ..
_خاله خير شنو صاير
_اه بنتي كولي شنو ماصاير
_خير حققتوا وي الخدامه
_ايي حققنا
_وعرفتوه منو؟
_اي لج مااصدك والله مااصدك
_منو خاله والله ضل بالي؟
_لج فرح ابن اختي ايمن هووطلع هيجي مسوي بابني يوسف
_هاااااااا زين خاله شنو الغايه..
_والله مااعرف والله شنو الغايه .لج هو الي جان ياخذني للطبيب ويكولي خاله مارتاح الا يوسف يصير زين لج فرح ابن اختي هو سبب دمار ابني جانو اصدقاء كلش..وطلع منطي فلوس للخدامه ومتفق وياها ينطوه هذا الدوا
_اووي خاله شكد نذل هذا ابن اختج زين عرفتو السبب
_هسه ابو يوسف اخذ الشرطه وراح يلقون القبض عليه حتى نعرف
_يارب يلقون القبض عليه حتى تعرفون ليش سوه وي يوسف هشكل ويارب ينال عقابه النذل الله ليوفقه..
ردت الدكتوره مريم..
_بس ام يوسف اني احب ابشرك ابنك يوسف راح يتعالج ان شاء الله وترجعله ذاكرته الي فقدها مؤقتا..
_الله يبشرج بالخير دكتوره زين شلون يتعالج
_لازم يروح ويانا للمصحه النفسيه وبعدها اتركو علاجه علينه..
_زين دكتوره متاكده يرجع
_اي يرجع بس اكو مشكله
_وهي
_اذا رجع يوسف لذاكرته اي شي صار وياه بعد الحادث رح ينساه
طبعا دكتوره مريم حجت هشكل واني حسيت الزمن وقف باللحظه هاي..
معقوله يوسف رح ينساني..صحيح اني فرحت يوسف رح يرجع انسان طبيعي ..بس رح ينسى فرح وكل لحظه قضاها مع فرح..ممكن بعد العلاج رح يشوفني وميعرفني اه احس قلبي حيوكف..
طلعت من الغرفه تركت الدكتوره وام يوسف يحجون..
جنت مختنكه حيل..شفت يوسف كاعد وبيده الورده راسا لاارديا بجيت..
وطلعت بره..
هو لحكني ووكف كدامي ومسح دموعي من خدي..
وقال:ش ششببيج فرح
_يوسف شنو احجي تعرف انت بعد وقت قصير راح تنسى منو فرح مراح تذكر مني شي يوسف
_للللاااا فف فررح لللاا
_صدكني يوسف هذا الي حيصير بس ميخالف انت رح ترجع طبيعي وهذا اهم شي ..
ضليت ابجي ويوسف كاعد يمي ع الارض ويحاول يواسيني ياريت يفهم يوسف بشعوري وشنو احس ..
بعدها تركت يوسف وامه بالعياده ورجعت للبيت لكيت سمر كاعده تشوف فلم...طبعاحست عليه موطبيعيه حاولت مابين الها وصعدت لغرفتي ابجي بس هي صعدت وراي وشافتني ابجي..
_اسم الله حبيبتي ليش تبجين..
_مابيه شي سموره هىء هىء
_اكولج تجذبين عليه ع اساس ماعرفج يلا احجي كولي شبيج..
_يوسف سمر يوسف
_شبي
_رح ينساني ورى ميتعالج
_لحظه مفهمت
حجيت لسمر كلشي صار ونصدمت من عرفت بقصه ابن خالته..
بعدين مسحت دموعي..وقالت:
فرح انتي تحبين يوسف مو؟
_لا مو احبه بس ..
_اش فرح اش لاجذبين عليه ع اساس ماعرفج اصلا عيونج فاضحتج وكلنا منتبهين عليج بس منحجي..
_شلون سمر
_اي تحبي ومهتمه كلش لامره..وبس تردين فرصه حتى تشوفي ..وكل مااكعد يمج تحجين بي

_سمر شلون رح ينساني بس يتعالج..
_واذا نساج اصلا هو متاكده يحبج وهو عنده حاله نفسيه اكيد من راح يتشافى رح يحبج بعقله وبقلبه وانتي اختي فروحه منو يقدر يقاومج فدوة
_تتوقعين هيجي سموره
_مو اتوقع وانما متاكده
_فددوة لقلبج حياتي
_يلا غيري ملابسج وامشي يم بابا خطيه ضال وحده
_اوك حبيببتي هسه ثواني
نزلت سمر بس اني تطمنت لكلامها..يارب خير..
.
.
☆جلنار☆
بعدني لهسه ممصدكه الي صار وي امير ماكدر اصدق انو امير يحبني صارله كم سنه وساكت..
حجيت لاخواتي كل الي صار لاموني على رده فعلي وقالو انتي ماانطيتي فرصه ثانيه..
اتصلت بصديقه طبعا هاي تعرف كل الاشخاص الي ويانه بالدوام ..
_مرحبا زينب شلونج
_ياهلا بجلنار شلونج حببتي وشلونها المانيا
_ههه بخير
_شنو شوكت ترجعين
_ان شاء بعد يومين ارجع
_اكيد ضايجه
_لاليش بالعكس فرحانه واخيرا رح ارجع لاهلي..
_يارب ترجعين بسلامه حبيبيتي
_الله يسلمج قلبي..اكولج زوزو ممكن سؤال..
_جواب حبيبتي
_تعرفين شخص اسمه امير يداوم ويانه
_امير اي اعرفه هذا بالقسم مالتنه ابو عيون الزرق مو
_عفيه بضبط
_شنو شبي
_لا هيجي حبيبت اسال عنه..
_شنو واخيرا صارحج
_هاااا شتحجين انتي
_شبيج جوجو القسم كله جان يدري بي يحبج ماعدا انت اصلا حتى متعرفي
_لابربج يعني تدرين بي
_اي والكل حاول يلمح الج بس انتي ولا على بالج
_اكولج زوزو الباب مالت الغرفه كاعد يندك اشوف منو
_اوك حبيبتي مع سلامه
_الله وياج كلبي
اه معقوله كلها تعرف بحب امير الا اني..
جلنار معقوله انت ضالمته لامير..لا شنو ضالمته يولي اصلا الرجال كلهم جذابين وهو يسوي هيجي حتى احبه وبعدين يتركني..
مستحيل احبه مستحيل..
نزلت جوه لان اريد اروح للمولات اشتري هدايا لاهلي..
صادفت امير يمشي وي بنت..
هو باوعلي اني فتت من يمه وكلت هه..
بس ليش الجذب من مشيت ضجت..هو مو يكول يحبني شو يمشي وي هاي ههه كلهم جذابين ..لبارحه يتوسل بيه واليوم يمشي وي بنيه ثانيه اصلا مو غريبه عليهم هذولي الرجال كلهم نفس الشي..
واني امشي سمعت صوت واحد يصيح عليه درت لكيته امير:
_تفضل شنو تريد
_انتي فاهمه غلط هاي بنيه ويانه جنت ادليها ع مول يبيع ملابس رجالي حلوه لان تريد تشتري لزوجها..
_واني شكو تكولي هذا الحجي اصلا اطلع وي اي كان اني شكو قابل امك ههه ضحكتني شنو تستأذن مني
_اول شي والدتي متوفيه وماسمحلج تستهزئين وثاني شي اني غبي لان ع طول اجي وراج واريد افهمج الموقف ..وتصدكين شي جلنار للاسف هاي السنين كلها احلم بيج ..ليش هسه ندمت ع اختياري جنت متوقعج غير شي واسف ع الازعاج بعد متشوفين شكلي واذا مشيتي يمين اروح يسار
_تسوي فضل
_تدللين جلنار تدللين انت ..
_اني شنو
_ولا شي الله يحفظج لشبابج ويوفقج..
ردت اجاوبه بس تركني وراح..
اوف اني ليش هيجي اتصرف يعني فوكاها..هو جاي يبرر موقفه واني غبيه بينت غيرتي ..لحظه لحظه ياغيره شكو اغار عليه ..اصلا همزين راح خلي ارتاح منه..
اصلا هو ميحبني لو يحبني يستحملني افف..
خلاص
اصلا بس باجر احنه سوه ..وراها ارجع للبيت وانساه..