الساعه 1 و نص
عادل:: وين بتروح ؟؟
راكان:: عند ناصر من زمان ما مريت عليه ...
تركي:: اي تطمن عليه و بشرنا ...
عادل:: يلا انا عيل بعد طالع عندي زاام ...
تركي:: الله يعينك ...
طلع راكان و وراه عادل و كل واحد راح شغله , وصل عادل المستشفى و على دخلته المكتب اتصل فيه .....
عادل:: يا هلا , بسم الله انت وينك ؟ , اي اوكي انا في المستشفى , اي عندي زام اليوم , حيااك ...
استغرب عادل وشو يبي منه و في هالوقت الحين , كان صوته متغير ,
ربع ساعه و انفتح باب المكتب
جااسم:: صبااح الخير هههههه ...
عادل:: هههه يا هلا صباح النور ...
جاسم:: يبت لنا كبشينو من الخياام يمكن تتفيج شكله وراك يوم طويل هههههه ...
عاادل:: اي والله زين تسوي ... حيااك تفضل ..
جااسم:: شوف انا ياي اسأل عن شخص اممم مريض اذا تراجع عندكم ...
عادل:: منوو ؟؟
راكان:: هلا حمد , بتيي ؟؟ , اوكي يلا عيل بنطرك ما بدخل .. و صكر
10 دقايق و راكان و حمد كانوا واقفين يدام بيت ناصر اللي ما مروا عليه من زمان ولا يعرفون اخباره
راكان:: حموود مادري شفيني , حاس انه في شي ...
حمد:: اعوذ بالله أنت احساسك صاروخ يااخي تعوذ من بليس ...
راكان:: اعوذ بالله من الشيطان يلا نروح ...
ادخلوا البيت
راكان:: لحظه "سكت شوي " تسمع الصووت ولا انا اذني فيها شي ؟!!
حمد:: هاااه ؟؟ " دقق شوي " نـــــــــــــــــــــــــوف تصيح ...
راحوا اثنينهم بسرعه داخل و لقوا ناصر طايح و نوف قاعده تصيح عنده و مقطعه عمرها من البكي
كان لونه متغير صاير بنفسجي و نفسه ضعيف و مب منتظم و كوب طايح عنده كان فيه " ماده " ما قدروا يعرفونها في البدايه و طايح منها اعشااب اول مره يشوفونها و كان رغوه " مزبد " طالع من حلج ناصر
راح على طول حمد حق نوف و شالها و حضنها اما راكان راح عند ناصر و شال راسه
راكان:: ناصر , قووم تسمعني ؟؟ , ما يرد اتصل في الاسعااف ...
حمد:: الاسعاف بيتأخر قوم شله و خلنا نوديه المستشفى نشوف وشو فيه بسرعه تحرك راكان ...
شاله راكان و اطلعوا هم الاثنين بسرعه قعد راكان ورى في سياره حمد و حمد يسوق و نوف طايحه في حضنه , ربط الحزام عليه و على نوف و شخط بسرعه المستشفى
DU LIEST GERADE
شلون أتـوب عن حبك ، و غلاك شَايب في قلبي!!
Aktuelle Literaturلآ أعرف من أين أبدء سأمسك قلمي و أروي أحداث لأشخآص عآشوا الحب والحرمآن عرفوا البؤس والسعآدة الثقه والشك نعم حيآه كلها متناقضات فالحياة ابيض واسود و دوآم الحال من المحال لن أعرف عن شخصيآتي ولكن أسلوب حياتهم وتفكيرهم وتصرفاتهم في الموآقف التي ستمر بهم...