اليوم اللي قبل سفر لولوه عشان العمليه
الكل كان مجتمع في بيت بوخالد و قاعدين كلهم في الميلس الكبير رجال و حريم و بنات و شباب يسولفون الا بوخالد ما يتكلم و مخاصم عياله الـــ 3 ولا يكلمهم صار له يومين
قاموا خالد + منصور + فهد و اقعدوا يدام ابوهم على شكل نص دائره و يحاولون يتكلمون وياه لكنه يصدهم
بوحمد:: يااخوي شفيك ؟؟
بوخالد:: ........... سلامتك ..
بومحمد:: انت مب على بعضك صارلك يومين ؟ شفيك يا ولدي ؟؟
منصور"عصب":: خلاص يبه انا بختصر الموضوع عليك , يا جماعه انا ........... انا فيني سرطان الدم من مده طويله و محد كان يعرف الا فهد و بعده خالد و عادل و جاسم عرف من فتره بسيطه , سافرنا انا و خالد عشان نتعالج السنه الي فاتت لكن العلاج ما نفع وياي , و جربت أكثر من علاج لكن ولا شي نفع و رجعنا , أبوي من يومين عرف و هو معصب علينا و ما يكلمنا "يلتفت على ابوه" يبه انا ما كنت ابيك تعرف بهالطريقه ولا انتي يا يمه بــــس سامحوني , خالد و فهد بغوا يقولون لكم لكن انا ما خليتهم .....
وقف و مشى خطوتين على اساس بيطلع من الميلس لكـــــــــن ما وعى الا بشي يشده ناحيته و شوي الا منصور طايح في حضن أبوه , و بوخالد يبكي على ولده " المفضل ههههه "
بوخالد:: المفروض اتبرى منك على هالسواه لكــــــــــن انت اغلى اخوانك ...
منصور:: أنا آسف يالغالي ...
فهد:: يمــــــــــــــه ...
طلعت ام خالد من الميلس تصيح
لحقها منصور بسرعه و حضنها
منصور:: أدري اني غلطان لاني ما قلت لكم ...
ام خالد:: ليش خشيت عني و عن ابوك ؟ شلون كنت بتقدر تتصرف بنفسك ؟؟
منصور:: عاتبيني و هاوشيني و ألعني ابو شكلي هههه لكن لا تزعلين علي , يا يمه اللي صار صار و انتهى , الله يخليكم انسوا هالسالفه انا بخير و مافيني شي , الحين خلونا نركز على عمليه لولوه ..
راحت ام خالد و قعدت في الصاله الصغيره و قعد معاها بوخالد اللي طلع من الميلس بعد ما الكل كان معصب " اقصد الكباار "
لولوه:: مشاعل وين ؟؟
نوره:: مادري انا شفتها تطلع , اعتقد في الحوش ...
راحت لها لولوه و لقتها قاعده في الحديقه " مكانها هي و مشعل " راحت و قعدت عندها
لولوه:: مشـــــاعل حبيبتي ....
مشاعل:: لا تقولين شي ولا ادافعين عن اخوج ....
لولوه:: انا اسفه ...
![](https://img.wattpad.com/cover/55313111-288-k465366.jpg)
YOU ARE READING
شلون أتـوب عن حبك ، و غلاك شَايب في قلبي!!
General Fictionلآ أعرف من أين أبدء سأمسك قلمي و أروي أحداث لأشخآص عآشوا الحب والحرمآن عرفوا البؤس والسعآدة الثقه والشك نعم حيآه كلها متناقضات فالحياة ابيض واسود و دوآم الحال من المحال لن أعرف عن شخصيآتي ولكن أسلوب حياتهم وتفكيرهم وتصرفاتهم في الموآقف التي ستمر بهم...