لا زلت في الثلاثين ..

البارت 3 (حكموا عليا بسبب شكلي)

TINA#
بصت رقيه لمامتها وبحزن : .. تاني يا ماما انا زهقت ..

ماجدة : معلش يا حببتي عشان خاطري انا عاوزة افرح بيكي قبل ما اموت ادخلي بس ارتاحي شوية عقبال بالليل

رقيه : حاضر يا ماما حاضر....

دخلت رقيه اوضتها وهي في حيرة كبيرة ..؟ لأنها مش عاوزة تزعل مامتها..

وفي نفس الوقت هي مش عايزة تتجوز لأن هي مش هتجوز سماعة الدكتور...

هي هتعيش مع الشخص نفسه مش بالطو وسماعة وفي الآخر استقرت بتفكيرها أنها هتقبله يمكن يبقي انسان كويس و خصوصا انها مش عايزة تزعل والدتها
########
دخلت هاجر البيت وشافت مامتها فرحانة فهمت أن رقيه مقلتلهاش حاجة خالص فاطمنت لكده علي الرغم من أنها مكنتش خايفة لانها بتعرف تتصرف في المواقف اللي زي دي كويس اوي

ماجدة : كويس انك جيتي يا حببتي

هاجر : ليه في حاجة يا ماما ؟

ماجدة : لا ابدا يا حببتي بس في عريس جاي لاختك انهارده ولازم نكون كلنا موجودين

هاجر بضحكة عالية  : لا لا والنبي مش عايزة اضحك انا دخله استريح شوية وعندي درس الساعة 6 كده

ماجدة : احترمي نفسك يا بنت ..يبقي كويس 6 هتخلصي 8 ولازم تكوني موجودة هما هيبقوا موجودين هنا 8:30

هاجر : انشاء الله ..انا داخلة انام
######
في فيلا عمر بيصحي علي مكالمة تليفون من رامي صاحبه،،،،،

والاوضة عبارة عن سرير كبيرة وكتب عليه علبه سجاير ولاب توب وكام كتاب وغرفة ملابس متفرعة من الاوضة

رامي : ايه يا كبير الساعة بقت 7 انت فين كل ده.؟

عمر : جثة يابني من الصبح علي السرير،، انت عاوز اية دلوقت؟؟؟؟

رامي : يا عم انا قولت انت موت

عمر : يعني انت مصحيني من النوم عشان تقول الكلمتين دول

رامي ضاحكا : لا بس احنا هنروح فين انهارده

عمر : شوية كده افوق واكلمك

رامي : فوق يا عم بقولك ايه ؟؟؟

عمر : اقفل أقفل بسرعة

رامي :سلام

تدخل الاوضة والدة عمر وهي في كامل اناقتها فهي سيدة أعمال معروفة ...

منال : ازيك يا بيبي!!!

عمر : كويس يا ماما كويس . فيه حاجة ؟؟

منال : ابدا .. انا عاوزك تحضر نفسك من الأسبوع الجاي تنقل من الفيلا هنا وتروح تقعد في أي شقة لينا

عمر : ده ليه يعني؟!!

منال : اتفقت مع شركة هتيجي تغير الديزينر بتاع الفيلا هنا والمهندسين هيبقوا موجودين فا هتتضايق منهم ..انا عاوزة راحتك