Loving the Beast in You <Completed (SPG)>

XVII. I Love You... Goodbye

Pambawi sa maikling UD noong una ^_^ 

Enjoy reading..

*********************************************************************************

<ASIANA>

Kalalabas ko lang ng NAIA terminal dalawang linggo din akong nawala sa Pilipinas. Pansamantalang tinakasan ang sakit na naramdaman ko sa panloloko sa akin ng aking mahal na asawa. Hindi ko kinaya ang sakit kaya pansamantala muna akong lumayo at nagtungo sa Greece para mag-isip. Kahit paano ay na-disappoint ako na walang Argon na sumunod sa akin. Kahit paano naman ay umasa akong susundan niya ako pero walang Argon na dumating. Malungkot akong napangiti. Paano nga ba naman niya ako susundan kong may Evelyn na siya?

Pagkalabas ko ng airport ay agad akong kumuha ng taxi. Walang nakakaalam na ngayon na ako babalik. Tinawagan ko naman sila mommy para ipaalam kong nasan ako upang hindi sila mag-alala. Pero ang alam nila ay hanggang tatlong linggo ako sa Greece pero biglang nagbago ang isip ko. Maaring tanga na ako pero mahal ko ang asawa ko at hindi ko kayang mawala siya sa akin sa kabila ng panloloko niya.

“Saan ho tayo maam?” tanong ng taxi driver pagkapasok ko.

“Forbes po kuya.” Sagot ko.

Hindi ko maiwasang kabahan habang patungo sa mansion ng mga Montefalcon. Maraming katanungan sa aking isipan kagaya nang:

 May asawa pa ba kaya akong babalikan?

Kakayanin ko bang mawala siya sa akin ng tuluyan?

Makakalimutan ko pa kaya ang ginawa niya sa akin?

At higit sa lahat, mahal pa ba kaya niya ako o si Evelyn pa rin hanggang ngayon?

Ito ang mga tanong ko na hindi ko masasagot hanggang sa makaharap ko ulit si Argon.

Halos hindi na ako makahinga sa kaba nang malapit na ako sa mansion nang mga Montefalcon. Nandon ang excitement na makita ulit siya pero nandun din ang takot na baka wala na talaga akong asawang babalikan.

“Pakihinto lang po diyan kuya.” Sabi ko.

Bago pa ako makalabas ng taxi ay may pumarang sasakyan sa unahan namin at inilabas noon si Evelyn. Natutop ko ang aking bibig at nanginginig ako dahil sa iba’t-ibang emosyon na aking naramdaman. Hindi ko mapigilan ang paglandas ng aking mga luha ng lumabas mula sa gate si Argon. Nakita ko ang pagdampi ng labi ni Evelyn sa labi ng aking asawa. Andun na naman ang pamilyar na sakit.

Napaiyak ako sa loob ng taxi. Alam ko na ang mga sagot sa tanong ko. Wala na nga akong babalikan pa sa bahay na ito. Obviously hindi sapat ang pagmamahal ni Argon sa akin para gustuhin niyang ako ang makasama. Hanggang ngayon si Evelyn pa rin. Nakatingin lang ako kay Argon na pareho silang nakangiti ni Evelyn na sumakay sa sasakyan at umalis. 

“Maam, bababa na po ba kayo?” tanong ng driver na may bahid pagtataka.

Umiling lang ako sa kanya habang pinupunasan ang aking mga luha.

“Taguig ho tayo kuya.” Sabi ko.

oOo_____________________

Pagdating ko sa bahay ay agad akong sinalubong ni mommy ng yakap.

“Asiana, oohh baby bakit hindi mo sinabing darating ka. Sana ay nasundo ka namin ng daddy mo sa airport.”  Sabi ni mommy matapos niya akong yakapin.