ركبت سمر الطيارة .. وبدأت تفتكر كل ذكرايتها مع بسمة و ريتال ف الاجازة دي .. دموعها مفارقتهاش من ساعة ما سابتهم .. و صوت شهقتها كل شويه يعلا من اثر العياط .. سرحت و افتكرت ذكرياتهم بتفاصيلها
#اليوم_اللي_نزلت_فيه
اول ما رجليها لمست ارض الوطن كانت ع وشك انها تسمع صوت دقات قلبها من كتر ما هي سريعه .. مش دقات خوف .. لا .. خالص .. دي دقات اشتياق و حب و فرح .. خلصت اجراءات السفر بسرعه .. و جريت ع البيت .. رغم ان بيتها مش بعيد اوووي عن المطار .. لكن الوقت عدا عليها ببطء .. و فضلت بس تفكر انها هتشوف بسمة و ريتال اخيرا .. لحد ما وصلت نزلت من العربيه و مدتش اهتمام ل الشنط .. هي بس طلعت تجري ع البيت .. عارفه انها هتشوفهم هناك مستنينها ..
اول ما فتحت باب الشقة ..
ريتال ،، بسمة بصريخ - سمممممممممممر
جريت سمر و اترمت ف حضنهم و قعدوا يضحكو .. الدنيا كانت بتتضحك معاهم .. لقد تجمع الثلاثي المرح
سمر - وحشتوني يا كلاب
ريتال - بغض النظر عن كلاب .. و ان بينا و بينك اصلا حوالي ٤ سنين .. بس وانتي كمان يا سمووور
بسمة - و حشتنا رخامتك يا بت .. لا لا و وحشتني عينك دي اللي بتمسح المكان و تجبلك المستخبي
سمر - ههههههههههههههههههههههه بقى كدا .. انا بمسح المكان بعيني
ريتال - لا البت بريئة اوووي يا بسمة ملكيش حق .. طب هفكرك .. فاكرة لما بعتلك صورتي ف الكوافير و انا رايحة فرح .. قولتيلي ايه ؟!!!
سمر - هههههههههههههههههه انتي لسة فاكرة
بسمة - قالت ايه قالت ايه ؟؟
ريتال - قالتلي شبشب مين اللي ع الارض ف اخر الصورة دا .. شايفة فقعت المرارة
سمر - هههههههههههههه من بعض ما عندي
*************************
جاسر - يلا اشوف وشكم بخير
امه بدموع - خد بالك من نفسك يا بني
جاسر - حاضر
امه - و كل كويس
جاسر - حاضر
امه - و تقل ف اللبس
جاسر - حاضر .. و هتغطى وانا نايم .. و اشرب اللبن و اغسل رجلي بالليل .. تمام كدا ؟
امه - ربنا يرجعك لينا بالسلامة يا حبيبي
حسام - لا اله الا الله يا اخويا
جاسر - محمد رسول الله .. حسام مش هوصيك ع ماما و بابا
حسام - متقلقش ف عنيا
جاسر - سلام يا بابا
فؤاد - سلام يبني .. ابقى طمنا عليك .. و متنساش كلامنا
YOU ARE READING
عملة الحب
Romanceاول ما تقرا العنوان هيخطر ف بالك كذا حاجة يعني ايه عملة الحب ؟؟! هو الحب ليه عملة ؟!! * انا هقولك .. العملة " الحديدية " بتتميز بحاجة .. ان ليها وشين و هو دا الحب .. الحب ليه وشين .. وش ملاك .. يحببك فيه ووش يكرهك ف الحب و ف الدنيا * واحنا الل...