عملة الحب

الفصل الثالث عشر

انا نزلت البارت دا عشان خاطر اسلام Soo0_Soo0

انا مش هقدر ارد ع تعلقاتكو فيه لان خلاص هقوم البس و انزل .. ادعولي اوصل بالسلامه هتوحشوووني

سمر ف نفسها - اوووف اخيرا جينا .. دلوقتي مرحله اني اخلع منهم .. اخلع ازاي اخلع ازااي .؟؟

سماح بصوت واطي - سمر .. بصي مين هنااااك

سمر - هااااااااا .. يلهوي اسر .. امشي يا ماما مش تبصيله يارب ميشوفنيش يارب ابويا هينفخني يارب

سماح - انتي بتسمعي ابوكي يعني ما تمشي ساكته

سمر - كتمنا اهو

.
.
عدوا كلهم من قدامو و هو كان واقف مع صحابوا ماخدش بالو منهم .. بعدين راحوا يقعدوا ..

سمر - انا هقوم اتمشى بقى

عز - مع مين هتتمشي لوحدك اقغدي معانا

سمر - يا بابا عادي ملل وانا قاعده

عز - مش عاجبك مكنتيش تخرجي

سماح - ما تسيبها تتمشى يا عز في ايه

عز - انا قولت لا يا سماح هتتمشى لوحدها تعمل ايه و المكان مليان شباب

سمر - يا بابا انت مش واثق فيا

عز - بصراحه لا

سمر - شكرا يا بابا انا اسفه هقعد مش متنيله قايمه

عز - في واحده محترمه تقول لابوها متنيله .. طب قومي ولا حتى هتقعدي هنروح عشان تبقي تحترمي نفسك

********************

تليفون ريتال رن و هي نايمه ردت من غير ما تبص ع الرقم و كان صوتها معيط

ريتال - الوو

جاسر - مستنيكي تحت

ريتال - جاسر ؟؟

جاسر - اه مال صوتك

ريتال- مفيش انا كويسه

جاسر - لا مش كويسه خاالص انزلي بس نشوف الحوار دا

ريتال - انزل فين ؟؟

جاسر - انا قدام بيتكو

ريتال - بتهزر !!

جاسر - معنديش وقت للصدمه مستنيكي تحت