That Twisted Love Story

31 // Pitch Perfect

"The real marriage of true minds is for any two people to possess a sense of humor or irony pitched in exactly the same key, so that their joint glances on any subject cross like interarching searchlights."
— Edith Wharton

~ ~ ~

“Are you sure it’s okay?”

Napatingin ang buong banda nang lumabas sila Lily at Keng mula sa office. Pansin ni Ces na titig na titig si Keng sa Manager, or maybe, iniiwasan na tumingin sa gawi nila.

“Y-Yes, I'm sure tutal hindi naman ako nakikinabang sa katamaran ni Ces,” napansin ni Ces ang ngisi ni Keng. Napanganga ng kaunti si Ces—Keng is really something. Napaka straight to the point—at the same time, hindi niya magets ang ugali ng dalaga. Sometimes she’s like a friend, sometimes she’s an enemy.

Ano ba talaga?

“Cool, basta we'll be at the Keng’s Night Out next week,” nakangiting sabi ni Manager Lily. Keng’s Night Out? Parang pamilyar kay Ces ito. “And can we eat here? Medyo gutom na kasi ako.”

Keng was taken aback; parang may kung anong sinabi si Manager Lily para magulat ito. “A-Ano? Mag-stay p-pa kayo rito?”

Narinig ni Ces ang pagbuntong hininga ni Pitch sa kanyang likuran. Nilingon niya ito, napansin din niyang lumingon din sila Lyric sa kaibigan.

“Hindi ako gutom. Labas muna ako.”

Umalis si Pitch not waiting for an answer. Sinundan ng tingin ng buong banda ang drummer hanggang sa makalabas ito. Nakayuko lang si Keng, parang. . . umiiwas.

Naupo sila at si Keng ang asikaso ng kakainin nilang cake. Nang lumingon muli si Ces sa kinatatayuan ni Pitch sa labas, nanlaki ang mga mata niya nang bumuga ito ng usok mula sa bibig at napansin niyang may hawak itong sigarilyo.

“Naninigarilyo si Pitch?” takang tanong ni Ces. Napalingon ang buong banda sa labas, looking at Pitch while Keng stiffened at umupo sa tabi ni Manager Lily.

Nagkatinginan si Melo at Ces, “kapag stress, naninigarilyo siya.”

“And I'm trying to pursue him to stop pero alam ko namang ang addiction, hindi kaagad nawawala sa sistema,” Manager Lily said. “So I'm waiting for his own time to heal from that addiction.”

Tahimik lang ang lahat. . . lalo na si Keng na hindi naman kinakain ang cake na nasa platito, pinaglalaruan lang nito gamit ang tinidor.

“Parang pag mumove on?”

Everyone stared at Ces, parang nagulat sa sinabi ng dalaga. Kahit si Ces, nagulat din siya sa sinabi niya. Keng looked at her, squinting her eyes.

Manager Lily smiled, “Yes. Just like moving on—huwag pilitin. Unti-unti lang hanggang sa masanay kang wala na siya sa tabi mo.” Ces saw Keng bite her lip while looking at Manager Lily. “Parang si Pitch, nagmumove on siya sa addiction niya. Kapag kasi binigla, lalo kang mahihirapan. Moving on takes time. May tamang panahon. At bilang Manager ni Pitch, I'm waiting for his own time to stop smoking.”